عايز آكل محشي

**ESO101** · 05-09-2013 04:05 PM

المشاركة الأصلية كتبت بواسطة أبو صلاح

بص ياباشا
مكونات المحشي
شوربة فراخ او لحمة
كرنب (اهم ما في الموضوع تعرف ازاي تفكك الكرنبة من بعض وتسلقها علشان ما تتهريش)
رز مصري
شبت
كزبرة
بقدونس
طماطم صلصة
ملح
فلفل
كمون
شطة خضراء او بودرة لو بتحبه حار

سيبك من شغل اللحمة المفرومة ده لانه ارهاق زيادة ومش هيظبط معاك
وربنا يعينك

في أقرب فرصة هشتري الطلبات بإذن الله
بشكرك جدًا ياباشا على إهتمامك

**ESO101** · 05-09-2013 04:08 PM

المشاركة الأصلية كتبت بواسطة ganash

طب هو مفيش مطاعم مصريه بتعمل الحاجات دى ؟ او شوف حد زميلك مصرى متجوز بقا وخليه يعزمك ههههههه

هههههههه
المشكلة أنا معنديش وقت لعلاقات إجتماعية مع مصريين وخصوصًا إني بشتغل في مدينة مغلقة مفهاش تقريبًا إلا أمريكان أو سعوديين
والسكان أمريكان غالبًا و آخري معاهم ديك رومي أو اسبكتي

**ESO101** · 05-09-2013 04:14 PM

المشاركة الأصلية كتبت بواسطة AhMeD MeTwAlY

يا مراحب يا مراحب
كرتني بالذي مضي الله يرحم ايامك يا ست الحبايب كان عليها اكل يله ربنا يرجعنا بالسﻻمه
انت عارف الحل في موضوع الاكل دا الواحد يتعرف علي شيف مصري يكون شغال في فندق هنا هيظبطك اكل بس نوصله ازاي دا الموضوع الي بدور فيه ووصلت لناس في فنادق في مكه بس لسه علي اوصل للشيف

ربنا يرجعك بالسلامة وتاكل من إيدين ست الحبايب لما تشبع
أما حكاية الشيف دي لازملها خطة محكمة

بس إقتراح حلو
واحد إقترح عليا أصاحب سواق مثلًا جايب أسرته وأشتري منه أكلي كله ويكون بمرتب شهريًا 2000 مثلًا
أنفعه وأستنفع ههههههههه بس والله محرج أتكلم فحاجة كدا مع حد
برضو عيب الواحد سعات من الجوع بينسى نفسه بس مش للدرجادي ههههههههههه

**AhMeD MeTwAlY** · 05-09-2013 04:16 PM

انا كنت في مطعم بجيب فطار الصبح لقيت حاجه زي المحشي ورق العنب محطوط في ططبق ازاز حد عنده فكره ايه دا عشان عايز اتغدي
حد عنده فكره عن اسماء الاسماك
عني بالمصري اسمه ايه وبالسعودي اسمه ايه ﻻن مسكت محل سمك قريب مني

**ESO101** · 05-09-2013 04:18 PM

المشاركة الأصلية كتبت بواسطة elawany13

المصريين فى الغربة بيشتاقوا لحاجات عجيبه هههههههههههههه

دانا بتوحشني ريحة المطاعم اللي فإسكندرية
صوت البحر
إنتوا فنعمة والله مش حاسين بيها

**ESO101** · 05-09-2013 04:22 PM

المشاركة الأصلية كتبت بواسطة #maam#

ياعم تعالى عندنا في الرياض واحنا نظبطوك ......... احلى مطعم في السعودية (( سلامة )) في البطحاء تعالى والله وهتاكل محشي وبط وحمام تحفة

ربنا يخليك
هحاول والله لو روحت الرياض هعدي على المطعم دا
تسلم ياغالي

**ESO101** · 05-09-2013 04:29 PM

المشاركة الأصلية كتبت بواسطة ahmed metwaly

انا كنت في مطعم بجيب فطار الصبح لقيت حاجه زي المحشي ورق العنب محطوط في ططبق ازاز حد عنده فكره ايه دا عشان عايز اتغدي
حد عنده فكره عن اسماء الاسماك
عني بالمصري اسمه ايه وبالسعودي اسمه ايه ﻻن مسكت محل سمك قريب مني

أفتكر هوا ورق عنب
بالنسبة للسمك فيه هامور و عندك كنعد وناجل وحريد
أنا بحب ( فيليه كنعد )
بس خلي بالك لازم تتأكد إنه طازج عشان الفيليه بالذات بيغشوا فيه لإن نكهته مش بتبان من البهارات

**Elawany13** · 05-09-2013 05:16 PM

المشاركة الأصلية كتبت بواسطة ESO101

دانا بتوحشني ريحة المطاعم اللي فإسكندرية
صوت البحر
إنتوا فنعمة والله مش حاسين بيها

طيب يالا نبدل مع بعض هههههههههههه

انا عارف الغربة ودوقت احساس الغربة وكرهت الاحساس ده
بس بعد ثورة 25 يناير وما بعدها من ثورات وعك والانفلات الأمنى والأخلاقى فى الشارع
غيرت رأييى ... الواحد كره العيشة واللى عايشينها
بردو السعودية فيها اكل حلو
الكبسة والأرز البخارى والمندى
أكلات رائعة الصراحة

جده فيها سوق سمك مشفتهوش فى حياتى اشكال وألوان من الاسماك الغريبة

عيش اللحظة واستمتع