ميه الرادياتير بتنقص كل قد ايه ؟

**Abdo Taha** · 03-09-2013 11:12 PM

السلام عليكم كنت لسة عامل غسيل لدورة التبريد و الميكانيكي قال ان تاني يوم احط ميه الصبح بعد كده لمبة الرادياتير نورت سبت العربية لحد الصبح زودتلها ميه خضرا فوق النص بحوالي 1.5 سم ده اللي هو كان امبارح من غير ما احطلها مياه مقطرة ( هل ده غلط و ﻻ لازم احطه بعد ميه الرادياتير ؟ ) بعد مشاوير بالعربية تاني يوم ابص عشان اتأكد من الميه لاقتها عند النص بالظبط ( يعني نقصت ال 1.5 سم ) فهل ده معناه مشكلة و لا ده طبيعي علما ان الميه مفهاش رغاوي و كنت لسه مغير جوان وش سلندر و دورة الميه مفهاش تسريب ﻻ من الرادياتير او الخراطيم .

**Abdo Taha** · 03-09-2013 11:14 PM

للعلم العربية اوبل فيكترا 2008

**aw2100** · 04-09-2013 12:16 AM

اى عربية دورة التبريد مغلقة لما تغير مية التبريد وتسحب هواء من دورة التبريد بيفضل شوية هواء بيخرج بالتدريج فى خلال اسبوع حتلاقى المية بتنقص بمعدل متناقص بعد اسبوع تقريبا ماتنقصش المية تانى وعلشان الهواء يخرج بسرعة لما ترجع من مشوار والعربية سخنة تسبها دايرة وتفك غطاء القربة شوية لما تطلع الهواء اللى فيها وتقفلها تانى !!

**Abdo Taha** · 04-09-2013 01:33 AM

شكرا ليك جدا هو فعلا نقصان الميه بيقل زي ما حضرتك قلت بس عندي بس استفسار صغير هل لما اجي ازود ميه ازودها مياه مقطرة و ﻻ مياه رادياتير خضرا عادي و انهو الافضل للعربية مياه خضرا و ﻻ حمرا علما انو الرادياتير المونيم و شكرا لمرور و رد حضرتك

**Elawany13** · 04-09-2013 08:33 AM

المشاركة الأصلية كتبت بواسطة abdo taha

شكرا ليك جدا هو فعلا نقصان الميه بيقل زي ما حضرتك قلت بس عندي بس استفسار صغير هل لما اجي ازود ميه ازودها مياه مقطرة و ﻻ مياه رادياتير خضرا عادي و انهو الافضل للعربية مياه خضرا و ﻻ حمرا علما انو الرادياتير المونيم و شكرا لمرور و رد حضرتك

زودها مياه ملونه لو موجوده عندك بس تكون نوع مضمون وكويس
ولو مش عندك المياه المقطرة هتبقى تمام

**Elawany13** · 04-09-2013 08:36 AM

المشاركة الأصلية كتبت بواسطة aw2100

اى عربية دورة التبريد مغلقة لما تغير مية التبريد وتسحب هواء من دورة التبريد بيفضل شوية هواء بيخرج بالتدريج فى خلال اسبوع حتلاقى المية بتنقص بمعدل متناقص بعد اسبوع تقريبا ماتنقصش المية تانى وعلشان الهواء يخرج بسرعة لما ترجع من مشوار والعربية سخنة تسبها دايرة وتفك غطاء القربة شوية لما تطلع الهواء اللى فيها وتقفلها تانى !!

1111111111111
تمام
بحب ازود ان غالبا بعد فك الخراطيم علشان الغسيل
احيانا بتلاقى خرطوم مش راكب كويس
أو ماسورة الطرف بتاعها مصدى ومش محبوكه قوى على الخرطوم وبيحصل تسريب بسيط قوى
ديه محتاجه تبص عليها الصبح بدرى وتتحسس الاماكن اللى فيها افيز وتشوف كده اذا كان عليها نقطه ميه ولا حاجه
ولو لاقت تسريب من حته زى ديه قرط على الأفيز كويس
ولو التسري استمر بتتعمل بسيلكون حرارى وبتبقى زى الفل