الموضوع: مساعده ضروريييييييييي يا جماعه

انا هفيدك في موضوع الكارت بس
بص يا باشا انت تنزل شارع جسر السويس في اتجاهك وانت رايخ للحرفيين وكوبري السلام وهتفضل ماشي في جسر السويس لحد لما تلاقي علي شمالك بنزينة كالتكس هتركن وتنزل تبص علي ايدك اليمين هتلاقي مطعم الشبراوي او جاد تقريبا وبعده بكذا محل في واحد بتاع مفاتييح بس محترف وكل شغلوا مرسيدس وبي ام وعربيات محترمة اسمه سعييد اسال عته اول ما توصل عند البنزينة هتلاقيه علي يمينك

تصليح الكارت بسيط جدا ومش مكلف ومش هتحتاج لكارت جديد إن شاء الله
ياريت تشوف المشاركة دى وركز فى الفيديو دا كويس جدا
www.nilemotors.net/Nile/3874509924-post3.html
اللى بيحصل ان فيه حتة بلاستيك حوليها ملف نحاس متثبة فى بوردة الكارت ب 3 أرجل مع الحركة والخبط والسخونة بتفصل دا على مدى بعيد يعنى أنا الكارت اللى معايا باظ بعد 6 سنين من استخدام العربية وطبعا استحمل كل ظروف استعمال المصريين القاسية

أحنا هنلحم الأرجل دى بمكواة لحام وقصدير عادى جدا يفضل طبعا انك تراجع لحام ال 3 أرجل عشان تضمن ان مفيش حاجة تفصل فى المستقبل

بالنسبة لتهنيج السحب دا ليه أسباب كتير.... وغالبا طرمبة البنزين خاصة لو صوتها عالى بتعمل ونة كدا لما بتبدى تبوظ
وانصحك لو هى اللى بايظة متركبش غير طرمبة بوش أصلية
جرب تنظيف فلتر الهواء وبوابة الهواء
تغيير فلتر البنزين لو كان قديم
كشف أعطال عشان الحساسات

بس اللى حصل معايا نفس المشكلة وكانت بسبب الطرمبة وخاصة لما بيبقى التانك قرب يخلص

to be continue>>>>

شكرا جدا يا جماعه بس انا عايز عناوين ميكانيكي ولا اتنين بس يكونوا ثقه
وبالنسبه للكارت المشكله ان الكارت التاني ضاع مني علشان كده انا خايف العب في اللي معايا و قلت اشوف حد احسن
ولو في حد يعرف تكلفة الكارت كام ياريت