مشكلة في فتيس النيسان الصني الشكل الجديد

**hisham_hamza** · 04-09-2013 12:22 PM

سلام عليكم

الصراحة أنا مش متعود على كتابة موضوعات بس المشكلة اللي حصلت معايا دي فعلا ضايقتني جداً ...
أنا معايا نيسان صني 2013 الشكل الجديد .. والعربية ماشية حوالي 2000 كيلو
كلو كان تمام التمام .. بس فجأة وبلا مقدمات الفتيس (الأوتوماتيك) مابقاش يجيب أكتر من الغيار التاني و أنا جايب ال d تحس بالنقلة مرة واحدة و بعديها الrpm يعلا و العربية ماتعديش ال60

طفيت العربية كذا مرة وشغلتها ومافيش فايدة
مش عارف بقى ايه الحل .. ربنا يستر و ماتطلعش حاجة كبيرة

**Ahmed Amin** · 04-09-2013 01:29 PM

عشان العربية متعديش ال 60 كيلو يبقي في الفتيس فيه مشكلة حقيقة ممكن يكون فيه تسريب للزيت والضغوط مش كافية عشان كدا العربية بتدخل الفتيس في وضع ال safe mode عشان تقدر تمشي بيها لأقرب مركز خدمة وعشان كدا السرعة مش هتعدي معاك 60 كيلومتر.
وأحتمال يكون عيب في الضفيرة بس الأغلب دي مشكلة فتيس, متحاولش تطفيها وتشغلها كذا مرة لان دا مش هيفرق معاها, انت كدا عندك عيب في الجيربوكس.
لازم تكلم التوكيل وتنزل عليه حالاً, ومتمشيش بالعربية إلا لمشوار التوكيل فقط.

ولو محلوش المشكلة لك أو حسيتهم هيماطلو بسبب كترة العيوب في النيسان صني الشكل الجديد,
أنصحك تتواصل مع الناس دي في الموضوع دا عشان جهاز حماية المستهلك يتدخل ويحل لك وباقي الزملاء مشاكلهم مع النيو صني.
http://www.nilemotors.net/Nile/365196-2013.html

**mzia259** · 05-09-2013 03:48 PM

جرب افصل البطارية لمدة ١٠ دقائق وجرب تانى
وانشاء الله خير

**Mohab555** · 05-09-2013 06:25 PM

اطلع على التوكيل علطول و احسن لو تكلمهم يبعتولك ونش ... عللشان محدش يقولك مشيت عليها و بيوظطها

**saddam** · 05-09-2013 08:11 PM

غالبا الزيت محتاج يتزود بنوع نظيف إفحص الزيت بتاع الفتيس والعربية دايرة وسخنة والموضوع بسيط ودي أعراض قلة الزيت داخل الفتيس زود وبعد كده شوف التسريب منين ودمتم للنضال لو مطلعتش ناقصة بتسأل الناس ليه غلى طول عالتوكيل عربيتك لسه عاملة ألفين كيلو