تغيير الزيت من معدنى إلى نصف تخليقى

**lidosasa** · 04-09-2013 12:44 PM

السلام عليكم
أنا شارى العربية ( سوزوكى ماروتى ) مستعملة وكانت عاملة 50 ألف كيلو موديل 2007
ودلوقتى عاملة 56 ألف كيلو ومالك العربية الأصلى ( ربنا يسامحه ) كان بيستخدم زيت معدنى شيل هيلكس الأصفر . الموتور لسه جديد وهو عمره ما سمع عن حاجة إسمها تخليقى .
عموماً أنا غيرت الزيت مرتين قبل كده لنفس الزيت شيل هيلكس الأصفر ودلوقتى بفكر أجرب نوع نصف تخليقى زيت شيل الأزرق أو وولف بس قلقان لآن فيه ناس قالت إن الموتور والجلب خدت على لزوجة الزيت المعدنى وومكن تحصل مشكلة لو غيرت لزيت نصف تخليقى
أيه رأيكم أغير الزيت وأتباع مستواه بإستمرار ؟ ولا أكبر دماغى وخلينى زى ما أنا ؟

**خالد** · 13-09-2013 06:52 PM

طيب ماتجرب فيسكو 2000 وتنزله بعد 5000 كم
أنا بستخدمه وشايف أنه كويس وكانت نصيحة من الأخ سبعاوى
وعلى فكرة كنت بستخدم فيسكو 3000 اللى بينزل بعد 10000 كم ولكن من خبرة سبعاوى كان بيفضل الزيت اللى مايقعدش كتير فى العربية علشان الجو بتاع مصر والتراب الكتير ، وعليه غيرت لفيسكو 2000

**Ahmed Nasser** · 13-09-2013 08:01 PM

المشاركة الأصلية كتبت بواسطة خالد

طيب ماتجرب فيسكو 2000 وتنزله بعد 5000 كم
أنا بستخدمه وشايف أنه كويس وكانت نصيحة من الأخ سبعاوى
وعلى فكرة كنت بستخدم فيسكو 3000 اللى بينزل بعد 10000 كم ولكن من خبرة سبعاوى كان بيفضل الزيت اللى مايقعدش كتير فى العربية علشان الجو بتاع مصر والتراب الكتير ، وعليه غيرت لفيسكو 2000

تصحيح بس
فيسكو 2000 دة معدنى واخرة معاك 3000 كيلو
فيسكو 3000 دة نصف تخليقى واخرة معاك 5000 او 6000 كيلو
فيسكو 5000 دة تخليقى كامل وبيقعد فعلا اكتر من 10000 كيلو

**michohat** · 14-09-2013 12:34 AM

انا لسه شاري نيو اكسنت 2008 ماشية 62 الف
وصاحبها وانا بستخدم ليها شل الاصفر

وكنت بفكر اغير لنصف تخليقي او تخليقي ولكن لما عايرت استخدامي لقيته قليل يعني ف 4 شهور عملت الفين كيلو وبعد بحث هنا لقيت مقولة لو
كان الموتور كويس واستهلاكك كتير يبقى تخليقي
لو الموتور كويس واستهلاكك قليل يبقى معدني

وسبعاوي باشا اكد ع الكلام ده فهمشى ع الكلام ده

**Ahmed Amin** · 15-09-2013 07:09 AM

أنا كنت أعرف إن زيت شيل الأصفر نصف تخليقي مش معدني, وبيعد ل 5000 كيلو مستريح,
وكان شغال معايا في الانسر لحد 5000 من غير أي مشاكل ولا أستهلاك بنزين زاد ولا سحب العربية كان أقل, بالعكس السحب والأستهلاك كان ممتازين,
وأعرف إن زيت شل الأحمر هوا اللي معدني وبيعد من 1000 ل 2000 كيلو

**Silent~Dream** · 16-09-2013 03:43 AM

غير لنصف تخليقى و مش هيحصل حاجه ان شاء الله و لو استخدامك قليل غير النصف تخليقى حسب الكاتلوج او الوقت الى موصى به من شركه الزيت نصف سنه او سنه ( حسب كل عربيه او شركه زيت ) حتى لو استخدمت الزيت كيلومترات قليله