اشتريت طارة مالتي ومخدع أمامي

**MaaM** · 04-09-2013 01:35 PM

أول امبارح روحت الحرفيين على أساس اشتري المكن الخلفي الكهرباء ، فلاقيت نفسي بشتري طارة مالتي ومخدع أمامي !
المهم بعد تركيب الطارة المالتي بقى فيه صوت تزييق (زي صوت تزييق باب الشقة) لما بحركها سنة يمين او سنة شمال
دا ممكن يكون ايه ؟

المخدع الأمامي:

كنت فاكره بيركب كبس ، لاقيته عايز يتلزق بالفبر وبتاع الفبر قالي فك الكنسولة عند سروجي وكانت ليلة وفي الاخر اكتشف اني لو كنت جبت المخدع بالكنسولة كان أحسن لي وكان الأفضل اني اجيب مخدع جاهز وخلاص من غير مالعب وافك

- الطارة مالتي بـ 200 جنيه مفكوكة من على نص (العايدي)
- والمخدع بـ 175 جنيه (وعند العايدي بـ 150) من اسلام عبدالشافي
- مكن الكهرباء الخلفي بالزرارين ووحدة الزراير الرباعي بـ 600 جنيه عند اسلام والعايدي

**MITSUKERO** · 04-09-2013 02:20 PM

مش المفروض الطارة المالتي دي بيبقي ليها قرص ورا الطارة بينقل الاشارات منها للكاسيت و لباقي الحاجات اللي ليها زراير ؟ انت شغلتها ازاي بقي ؟

**akmm** · 04-09-2013 02:34 PM

المشاركة الأصلية كتبت بواسطة MITSUKERO

مش المفروض الطارة المالتي دي بيبقي ليها قرص ورا الطارة بينقل الاشارات منها للكاسيت و لباقي الحاجات اللي ليها زراير ؟ انت شغلتها ازاي بقي ؟

ومتابع ............

**MaaM** · 04-09-2013 03:18 PM

ايوة ليها ملف جاي معاها والكهربائي ركبه وبعد كدا ركب الطارة
بس الزراير مش هاتشتغل إلا لما أركب الكاسيت الأصلي بتاع الأوبل
وهكذا الإيرباج مش هاتشتغل
انا جبتها عشان زراير الكلاكس على اليمين والشمال وانا متعود عليهم من ايام الأسترا وغير كدا بتخليني اتحكم في الكلاكس وانا سايق بايد واحدة أو الاتنين

**Hesham.H** · 04-09-2013 03:20 PM

مبروووووووك يا محمود بك ... ان شاء الله الطلعه الجايه عندى هى المكن الكهربا الخلفى
المخدع انا جبته جاهز شكل بتاع السيراتو ب ١٢٠ جنيه بس بعانى من نفس المشكله وهى تثبيته فى الفبر ... بس هو محطوط وبسند عليه عادى وأخدت على وضعه كده
تحياتى