الموضوع: اخوكم من سوريا بحاجتكم - فيكتراسي

المشاركة الأصلية كتبت بواسطة ashourashour

الفكترا سي طلمبه الباور مش بتاخد سير مع الدينامو ولكن بموتور كهربي و شكلها كالاتي



او ممكن يكون شكلها كالاتي




اللي اعرفه و شفته ان 90% لو جبت طلمبه باور من عربيه تانيه ركبتها عندك هتشتغل بدون برمجه لكن لمبه الباور هتفضل منوره في التابلوه و ممكن الباور ميشتغلش بكامل طاقته يعني يكون مش خفيف زي الاول

و مش متذكر بيحتاج سيكيورتي كود ولا لا زي ماحمد فهمي قال لكن مش عارف انا فاكر اني كنت ببرمجه على طول من غير سيكيورتي مش متأكد بصراحه لو احمد متأكد خلاص لو تستناني لما انزل اجازه ممكن اجرب عندي

موضوع ان جهاز الاعطال مش شايف الباور ستيرنج كونترول يونت اصلا احتمال يكون في مشكله في الكهرباء اللي رايحه للكنترول بتاع الباور او مشكله في CAN BUS وهي شبكه المعلومات المتصله بجميع كنترولات العربيه

عموما اتاكد من الاتي

1-فيوز 80 امبير كهرباء مستمره لموتور الباور ستيرينج موجود جنب البطاريه (اتبع السلك الاحمر الخارج من طلمبه الباور)
2-فيوز 15 امبير كهرباء كونتاكت في علبه الفيوزات اللي جنب البطاريه فيوز رقم 7



3-اتأكد من جميع الفيش او السوكيتات راكبه كويس ولا لا

4-اتأكد مفيش قطع في اسلاك ال CAN bus ودول سلكتين مبرومين تويستيد بير واحده خضرا والاخرا بيضاء


احتمال كبير طلمبتك القديمه سليمه

عموما عندنا الفكترا سي ال 2007 المانيوال بتجيب طلمبه باور


بالتوفيق

الف شكر ليك اخي الكريم على الشرح الوافي .. والطلمبة بتاعتي طلعت مضروبة وما بتشتغل
لكن عندي استفسار ..
اثناء فحص الكومبيوتر طلع عندي خطأ بيقول في مشكلة في حساس الكرنك او الميل مش فاكر بالضبط
لكن مشكلتي ان حيل السيارة ضعيف ولما تدوس دوسة خفيفة يكون حيلها كويس جدا لكن لما تدوس دوسة كاملة تحس العربية بتغب ومش بتاخد بنزين !! بالاضافة الي صوت ماعرفش بتسموه ايه عندكم في مصر لكن زي الصوت اللي بيطلع لما بتاخد لفة قاسية وانت معلق جير الرابع بدلا من الثاني !
ولاحظت عدم انتظام دوران المحرك بتحس الـrpm بيرجف شوية مش كتير والعربية واقفة
لكن مافيش انوار اخطاء في التابلو