الموضوع: لجميع ملاك بيجو استفسار هام301

المشاركة الأصلية كتبت بواسطة medori

يا فندم كل الأسئلة دى اتجاوب عليها باستفاضة فى مواضيع قبل كدة و عايزة ردود طويلة الصراحة، مبدأيا و بأختصار اسعار قطع الغيار ممتازة جدا و فى الحد الأدنى من متوسط اسعار قطع الغيار الأوروبى و فيها حاجات ارخص من الكورى و اليابانى الاصلى، المراية عندى لما اتكسرت autoservice (مركز خدمة معتمد) غيروهالى فى نفس اليوم رغم أن العربية جديدة و كان ممكن حاجاتها متكونش موجودة،

مثبت السرعة بيركب فى التوكيل ب600-800 جم، كمبوير الرحلات موجود فى الhighline بس،

مفيش اى علاقى بين مثبت السرعة و كمبيوتر الرحلات، مثبت السرعة انت بتحددلة سرعة معينة و بتشيل رجلك من على البنزين و شكرا كدة، كمبيوتر الرحلات بيعرضلك معلومات عن العربية زى استهلاك البنزين و المسافى اللى فاضلة على البنزيم ميخلص .... الخ

انا هحط لحضرتك المواضيع و قلب فيها براحتك و اهو برضة تعرف معلومات زيادة عن العربية

http://www.nilemotors.net/Nile/35895...eot-301-a.html

http://www.nilemotors.net/Nile/360846-301.html

http://www.nilemotors.net/Nile/369153-301.html

http://www.nilemotors.net/Nile/376384-301.html

http://www.nilemotors.net/Nile/371895-301.html

http://www.nilemotors.net/Nile/361949-301.html

http://www.nilemotors.net/Nile/359777-301.html

الله ينور يا كبير, أنت جيبت من الأخر,
وإن شاء الله اللينكات دي تفيده في اللي هوا سئل فيه,
وخصوصاً أول لينك بتاع أسعار قطع الغيار, عشان يبقي يرد بيه علي الناس اللي بتقول إن أسعار قطع الغيار نار,,
ويبقي يقارنها ساعتها بأسعار قطع غيار الكوري واليابني الجديد.

المشاركة الأصلية كتبت بواسطة ebrahim mayalo

طب انا عندي سؤال انت عارف اني معايا الفئة الاتوماتيك بس مش الهايلاين فطبعا عارف ان مفيش غير سماعتين قدام فروحت ركبت سماعتين ورا وهو بيفك الكاسيت ملقاش غير مخرج سماعتين بس اللي هما قدام وملهمش مخرج لسماعات ورا راح موصل السماعتين بتوع ورا مع بتوع قدام

بص هرد عليك واحدة واحدة, المفرض إن العربية اللي بتنزل فيها أربع سماعات في موديل هاي لاين, وسماعتين قدام في البيز لاين, بيكون معمول حساب السماعات الخلفية من ناحية الفتحة والسلوك بتكون ممدودة ليها..
دي حاجة ثابتة في كل العربيات, ومش عارف أزاي الراجل دا ملقاش مخارج السماعات,

وكدا كلامك مش واضح,
لأنه لو ملقاش مخارج السماعتين الخلفيتين, أزاي وصل السماعتين اللي ورا في الأخر مع السماعتين اللي قدام ؟؟
يعني مد سلكين أزاي من قدام من اول الكاسيت لحد ورا,
دا بقي الغلط لو عمل كدا أنك تمد سلك, ومده ازاي وعداه منين ؟ من تحت الفرش والموكيت اللي في الأرض ولا عداه أزاي ؟؟ ياريت توضح هوا وصل السلك ازاي,

المشاركة الأصلية كتبت بواسطة ebrahim mayalo

وقالي الكاسيت ده بايونير تايلاندي ومتكود وملعبش في الكود بتاعه علشان لو اتحط العربية علي الكمبيوتر ميبنش انه اتفك

كاسيت بيجو مش بايونير, وهيا وحدة تحكم مش كاسيت بس,, واضح أنك روحت لواحد بطيخة وبيفتي,
وكان هيلعب في الكود بتاعه ازاي ؟؟ أيه الحاجة اللي معاه اللي تخليه يعرف يعلف في الكود بتاعه عشان أفهم يعني ؟؟

المشاركة الأصلية كتبت بواسطة ebrahim mayalo

السؤال بقي هل انا كده خرجت بره الضمان مع العلم اني سالت واحد في المصرية قالي اي توصيل اسلاك بيخرجها بره الضمان والواد بتاع السماعات قالي سيبك منه انا اصلا مجتش جنب الكهربا ولا لعبت في اي حاجة وفعلا ولاحتي باين انه الكاسيت اتفك ولاحتي باينين غيربس اما تفتح الشنطة وتبص عليهم وقالي اما تبقي تروح التوكيل ولا تجبلهم سيرة عنهم فانتوا ايه رايكم

أحنا هنتكلم بالمنطق أنت المفروض مش هتخرج من الضمان, لو ملعبتش في الضفيرة ولا الكاسيت,
ولو ركبت السماعتين في المكان اللي مخروم ليهم من المصنع وأنت أكيد شوفت المكان دا لما جيت تركب السماعتين ورا, هتلاقي مكانهم محفور ومعمول حسابهم, والمفروض بيكون السلك بتاعهم متشبط كدا علي كل جنب,
ولو حطيت السماعة وكانت بنفس وات الكاسيت عشان متبقاش جهد عليه, وربطت السلك بس,
المفروض دا ميخرجكش من الضمان,

لكن,,,,,, كان من فترة واحد سئل في التوكيل وقالو له لو ركبت سماعات برة أو فوجات دا هيخرجك من الضمان,,
فأنت دلوقتي كلامك مش واضح أوي منه الواد دا عمل أيه بالظبط, شبط الأسلاك بس وكانت موجودة ومعمول حسابها, ولا مد سلك من الكاسيت ولعب في الضفيرة,

وهما في التوكيل مش هوبل, لو شايف إن العربية بيز لاين, ومفيش فوجات ولا جنوك وفيه سماعات نوع غريب هيعرفو أنو ركبت برة وهيخرجك من الضمان لو حصل حاجة, واحنا مش عايزين دا يحصل طبعاً,
خصوصاً لو الواد دا لعب في السلك, نصيحة مني ترجع كل حاجة زي ما كانت لو كان لعب في السلك, ولا تقول انك ركبت وشيلت في التوكيل, ولا تركب عندهم السماعات عشان هيعرفو لو كان حفر عشان يوسع للسماعات الجديدة,
فياريت تحكي لنا اللي حصل بالظبط وبالتفصيل

المشاركة الأصلية كتبت بواسطة ebrahim mayalo

بص والله ما في سلوك خالص انا كنت وافف علي ايده ده حتي الموظف بتاع المصرية كنت سالته علي الموضوع ده قالي انت حتركب ليه انت عندك سماعتين في الابواب وقعد ياكدلي انه فيه عرفت انه مش عارف حاجة فقفلت معاه
بص هو انا مش فاهم بالظبط بس ده احسن واحد عند في دمياط هو مد سلك من ورا لقدام من تحت الفرش والجلد بتاع الابواب ووصل واحدة مع السماعة اليمين وواحدة مع الشمال تي الكاسيت مفيش فيه غير بالانس يمين وشمال ومجاش جنب الضفيرة خالص وحتي اما ركب السماعتين جاب سماعتين سوني علي قد الفتحة اللي في الكوبيستة

كدا عك وتلييس ياباشا,
مكنش ينفع أنك تسمح له بأنه يعمل كدا,,
وتخليه يفك الفرش والجلد في عربية جديدة وفي الأخر يوصل توصيلة بلدي كدا وميعملش الشغل مظبوط.!


كدا السماعات اللي ورا هتاخد جهد من نفس السلك اللي مودي للسماعات اللي قدام,
دا غلط لأن دا هيحمل أربع سماعات بالوات والأوم بتاعهم علي مخرج سماعتين بس علي الكاسيت,
وساعتها الكاسيت هيسخن وهيبدأ يفصل زي ما بيحصل في أي كاسيت ياباني أو صيني بتتعمل فيه نفس الحركة البلدي دي, بتوصيل أربع سماعات علي مخرج سماعين وممكن يتحرق من الجهد اللي محطوط عليه.

ودا مش مجرد كاسيت دي وحدة تحكم لكل الوظايف اللي عندك في العربية, يعني مش هنقول مفهاش حاجة لو الكاسيت عطل.!

المفروض أن السماعات كانت تتوصل بالأسلاك التانية اللي في الكاسيت من ورا والخاصة بال rear speakers

عندك زرار عليه شكل نغمة كدا في الطابلوة, لما تضغط عليه وانت مشغل الراديو او السي دي
هتلاقي من ضمن الخيارات ال front speakers وال rear speakers
المفروض والصح أنك لما تخلي الصوت علي اللي قدام تبقي قدام بس, والعكس,
لكن في حالتك دي علي وصفك أنت لو أختارت front speakers بس الاربع سماعات هيشتغلو مش الاتنين اللي قدام بس,
ولما تعلي الصوت دا هيبقي غلط علي الكاسيت.

سيبك من كلام البرنس, لأنك ساعة لما تروح ويقابلك مهندس صيانة تاني وشاف أو عرف الكلام دا هيطلع لك العربية برة الضمان بسبب الشغل اللي اتعمل فيها,
وساعتها أنت اللي هتخسر لو طلع لك عيب في فترة الضمان وهتصلح من جيبك, ولا هيساعدك البرنس ولا غيرة.
وأنا نفسي في مرة حكيت للبرنس علي مشكلة عندي في الفتيس بتاعت الرزعة ودي غير النتشة الخفيفة اللي في كل الفرنساوي, وهيا مشكلة مشهورة في الجيل القديم من الفتيس, وكنت متوقع منه رد شافي وأنه يساعدني بحكم خبرته وشغلة في التوكيل وأنها مشكلة عامة وقديمة وأكيد التوكيل عنده علم بيها وبقي ليها علاج عندهم, وقالي بكل بساطة تعايش معاها.!!

فأنت خليك في الأمان, لأن لا يصح إلا الصحيح,
لو مش عايز تلغي الضمان الغي العك دا فوراً, لأنه كمان هيضر الكاسيت,
لو عايز تعدل ومش فارق معاك الضمان أوي, خلي كهربائي نضيف وبيفهم يوصل لك السماعات صح, ومش بالطريقة البلدي المقززة دي,
وتتأكد بنفسك بعدها من زرار النغمة في الطابلوة, أنك لما بتحرك الصوت قدام بيبقي قدام بس, ولما بتحركة ورار بيبقي ورا بس,
دا شكل الزرار