رابطه لملاك جيلي ck

**tarek elbadry** · 18-08-2015 01:00 AM

السلام عليكم
وحشتونى جدا
موضوع ان المروحة تشتغل على طول دة معناة ان الترمستات بايظ
انا عندى نفس المشكلة اشتريت 2 وطلعو بيظين جبتهم من الصينية وابو عوف
والترمستات عندى بيشتغل بمزاجة مرة مظبوط زمرة بعد النص ومرة ميشتغلش خالص
واحد صاحبى قالى ترمستات الانوس بيشتغل تمام عليها من غير اى تعديل وهوة مجربو
انا لسة مجربتش بس لو حد جرب ياخد القديم معاة علشان فية تخين ورفيع

**xmando11** · 19-08-2015 01:00 AM

فعلا حد قالي علي حساس الانوس ده
وانا جبت مره كان بتاع الاكسنت
وجبت واحد من ابو عوفهي المشكله عندي كان المروحه بتتاخر في الدوره
الموضوع ده ممكن يكون طلمبة المياه مش بتقلب كويس او الحساس فعلا بظ او في هو في الدوره
انا روحت لكهرباءي يعملي زرار للمروحه قاعد يلعب في الكتاوت وحساس المروحه ومعرفش يعمل مفتاح والمروحه فضلت شغال بس لما كشفت كمبيوتر قر حساس مروحه وغيرته ولسه نفس المشكله
بس انا حاسس انه حصل مشكلة في الكنترول
علي فكره انا شجرت المياه اللي فيها حساس المروحه كانت مخرومه وجبتها النهارده استيراد بتاعت الكورولا بس لسه مركبتهاش

**tarek elbadry** · 19-08-2015 04:55 PM

الحمد لله تم تركيب ترمستات لانوس 25 جنية هوة هوة بتعها نفس الفيشة من غير اى تعديل خد القديم معاك وانتة بتشترى
شغال زى الفل
المشكلة التانة ان حساس الحرارة بيقراء غلط عاوز افكة وانضفة او اغيرو لو حد غيرو تمنو كام
الحساس دة اللى مكانو فوق الترمستات ولا مكان تانى

**ahmed salh** · 22-08-2015 08:08 PM

عاوز اعرفاللمبة الحمراء اللى تحت لمبة البطارية بتاعت اية ولية العربية وهية ماشية على سرعة 80-90 بترعش جامد مع زيادة البنزين

**tarek elbadry** · 22-08-2015 09:41 PM

المشاركة الأصلية كتبت بواسطة ahmed salh

عاوز اعرفاللمبة الحمراء اللى تحت لمبة البطارية بتاعت اية ولية العربية وهية ماشية على سرعة 80-90 بترعش جامد مع زيادة البنزين

السلام عليكم
موضوع اللمبة لو ممكن تصورها وتنزلها نعرف ونفيدك
اما الرعشة دة ممكن يكون ترصيص كاوتش

**atwany2** · 26-08-2015 03:39 PM

انا عايز اغير راس كوبلن شمال وانا في اسوان فيه محل عندنا بيجيب الحاجة من القاهرة لما رحت له وبعت عليه قال انهم بيسالوا عدد السنون في الكوبلن كام 30 ولا 24 وانا مش عارف فيه حد عنده فكره هي جيلي ck 2009

**el_lol_007** · 27-08-2015 12:12 PM

باشا بخصوص راس الكوبلن لازم الكوبلن يتفك و تعد عدد السنون الداخليه بتاعته
موديل 2009 فيه 23 سن داخلى و فيه 30 سن داخلى و ال 24 سن دول بيبقوا من بره فى الاتنين
كده حضرتك لازم تفك القديم و تعد السنون بتاعته

**atwany2** · 27-08-2015 02:12 PM

هو اقدر افكه بنفسي واعد السنون وبعد كده اجيب العفشجي يركب اصل العربية ما بتتحركش

**el_lol_007** · 29-08-2015 10:24 PM

المشاركة الأصلية كتبت بواسطة atwany2

هو اقدر افكه بنفسي واعد السنون وبعد كده اجيب العفشجي يركب اصل العربية ما بتتحركش

للاسف يا باشا لازم الكوبلن يتفك خالص ولازم صنايعي هو اللى يفكه
بص لو عرفت تفك فرده بتاعت الكاوتش و تقطع كاوتش الكوبلن و تمسح الشحم و تغسله كويس و تمور الفتيس و تعلم علامه على الاكس اللى داخل الكوبلن من ناحية المشرشر و تلف الاكس وانت بتعد الشرشره بتاعت الاكس هتعرف هو كام سنه بس هتتبهدل شويه و ده الحل الوحيد من غير متفك الكوبلن

وربنا يعينك

**sameh.2** · 30-08-2015 11:38 AM

السلام عليكم
انا كان عندى صوت خشانة فى الفتيس ولما كنت بدوس دبرياج الصوت بيمنع المهم كنت ماشى فى طريق سفر وبعدين الغيار الخامس باظ ياعنى بيجى بس مش بيسحب
فكيت الفتيس عند ميكانيكى ووديتة لبتاع فتيس وقالى قاعدة الخامس عاوزة تتغير وسالت عليها عند الشيخ طة فى الحرفيين قالى انة بيبيع الشجرة كلها يعنى مجموعة التروس ب 1500ج بس الصنايعى بتاع الفتيس راح عزبة شلبى واشترى قاعدة الخامس ب 300ج وغير بلية كمان ب 40ج وقفل الفتيس وكلة تمام ماشى دلوقتى بقالى اسبوع