ايه سر الاسعار الغريبه لتويوتا كورولا مسطره 93-97 ولانسر كريستاله !!!!!

**draboeyad** · 05-09-2013 07:07 PM

السلام عليكم ورحمه الله وبركاته ...........
فى خلال رحله البحث عن عربيه فى حدود 50-65 الف عائليه لقيت الكل بينصحنى بالعربيتين دول الكورولا 33-97 والكريستاله 97-2000 لكن استغربت جدا من الاسعار المبالغ فيها لعربيات بقالها اكتر من 13 سنه فى السوق واللى الناس بتفضلها عن موديلات بعدها زى الكورولا العيون واللاتسر مكوه كمان !!!!!!!!!!!!! وحتى عربيات موديلات فوق 2010 زى اللوجان وجين 2 وغيره !!!!!!!!!!!!!!!!!
انا نفسى اعرف ليه الاسعار العاليه المطلوبه فى العربيتين دول بالذات اللى ممكن توصل فى الكريستاله ل 56 الف و فى الكوررولا ل 65 الف !!!!! ليه اصحابها بيعلوا سعرها اوى كده
ايه الاساس اللى على اساسه بتتسعر العربيات دى ؟؟؟
الواحد خايف ليضحك عليه بصراحه !!!!!!!!!
افيدونى بنصائحكم
وهل هناك بدائل افضل فى حدود السعر ده من حيث المتانه والتحمل وقله الاعطال والاعتماديه والاقتصاديه فى التشغيل
شكرا جزيلا

**Omar.Shawki** · 05-09-2013 08:08 PM

هى فعلا التويوتا الملكة سعرها عالى يمكن اغلى من العيون وده عشان الطلب اللى عليها كتير ونفس الكلام على التويوتا 2001-2006 سعرها عالى قوى
هقولك من خلال تجربتى لما اشتريت الكورولا العيون طبعا كنت بفكر فى الملكة بس ملقتش اى ميزة فى الملكة عن العيون فرق شكل فقط وانا رأيى شكل العيون افضل والتابلوه بتاعها افضل كتير ومريح وموديل احدث وكانت عربية ماشاء الله عليها
لذلك انصحك بالكورولا عيون

الكريستالة برضه حلوة وكانت من ضمن اختياراتى برضه بس حسيت انها مش هتستحملنى (احساس فقط)وكان سعرها عالى للى حالتها كويسة

**draboeyad** · 05-09-2013 08:20 PM

الكورولا العيون ....هى عربيه جميله فى رائئ لكن مش عارف الناس اغلبها بيقولى بلاش الكورولا العيون مش عليها طلب وهتبقى تقيله لو حبيت تبيعها ......وكمان انا لاحظت انها ضيقه شويه من ورا ورجلك مش بتبقا مرتاحه على العكس من الكورولا الملكه واسعه جدا جدا ..............

**Omar.Shawki** · 05-09-2013 08:50 PM

واحد صاحبى كان معاه كورولا الملكة ركب معايا مرة قلى العربية واسعة على عكس ماكان فاكر وانا اعتقد الاتنين زى بعض وجرب واركب الاتنين مش هتخسر حاجة

**mohammedabdallh** · 05-09-2013 09:16 PM

انا لسه بايع الكرستاله من 25 يوم تقريبا
ومش لاقى حاجه محترمه زى الى كانت معايا ومش عاوز اقولك انا زعلت عليها وزعلان قد ايه لحد دلوقتى
بس ربنا يبارك لصاحبها ويكفيه شرها
الععربيه دى معمره بطريقه خياليه بجد انا كنت تانى يد وكل حاجه فيها بتاعة بلادها لحد دلوقتى تخيل وماشيه 175 الف كم
اعتماديه فوق الخيال
مفيش مصروفات خالص غير بنزين وزيوت وفلاتر وتيل بس
وكل الاوبشن العادى موجود
باور ازاز كهربا تكييف مريات كهربا
حتى الى فاضيه بيركب فيها الكلام ده
نفس الكلام مع التويوتا
وشكل انسيابى جميل
وبتتباع هوا ودى ميزه كويسه