تجليد وجلد لبيجو 301

**dryousef** · 06-09-2013 03:50 PM

السلام عليكم ورحمة الله وبركاته
ان شاء الله هاستلم بيجو301 موكا قريبا.
عايز اجلدها تجليد شفاف مايطفيش اللمعه اول ما اطلع من المرور .ياريت لو حد يعرف فين وبكام والخامات يفيدنا
وكمان عايز اركيلها فرش جلد مابيسخنش يكون نضيف.
ارجو الافادة ولكم جزيل الشكر

**AHMED REFAT** · 06-09-2013 05:30 PM

ما اعتقدش ان فيه استيكر شفاف يعطيك لمعة الدوكو من تحته .. الحل ان تلاقى لون الاستيكر نفس لون العربية هايديلك نفس الاحساس شوية .. وفيه استيكر شفاف بس بيبقى مط بيتقال عليه كريون شفاف ..بس بصراحة مش قوى وبينفع مع الفاتح قوى زى اللون الابيض .. فيه مكتبه اسمها مكتبة ابراهيم متخصصة فى الاستيكر قى شارع هارون الرشيد يمصر الجديدة ..اسأل عنده ان شاء الله ربنا سوفقك وتلاقى

**أحمد غازى** · 07-09-2013 08:30 AM

سؤال ساذج بقي وأعز روني لأني جديد ف موضوع العربيات دا
ايه موضوع التجليد دا وبيفرق ايه ف العربية؟ وهو أصلا مخالف ولا لأ؟ وبيتعمل ف حدود كام ؟

**S.Hasan** · 16-09-2013 01:35 AM

المشاركة الأصلية كتبت بواسطة أحمد غازى

سؤال ساذج بقي وأعز روني لأني جديد ف موضوع العربيات دا
ايه موضوع التجليد دا وبيفرق ايه ف العربية؟ وهو أصلا مخالف ولا لأ؟ وبيتعمل ف حدود كام ؟

انا بسال نفس السؤال اللي محدش جاوبك عليه

**dryousef** · 18-09-2013 10:13 PM

المشاركة الأصلية كتبت بواسطة أحمد غازى

سؤال ساذج بقي وأعز روني لأني جديد ف موضوع العربيات دا
ايه موضوع التجليد دا وبيفرق ايه ف العربية؟ وهو أصلا مخالف ولا لأ؟ وبيتعمل ف حدود كام ؟

التجليد عباره عن لزق او استيكر بيتلزق على العربيه من بره كلها او جزء منها زى الاكصدامات بغرض حمايتها من الخدوش وكده او بغرض تتغير الشكل وعمل حركات فى العربية.
فيه منه الوان مختلفه وفيه منه شفاف
لو شفاف او نفس لون العربيه محدش بيتكلم فى الكماين واللجان اللى على الطرق
اما فى المرور يوم الفحص وتجديد الرخصه غالبا بيرخموا ويخيليك تشيلو وفيه ناس بتعديه طالما لون العربيه ما اتغيرش.اتمنى ان المعلومه تكون وصلت

**mo7a_mo7a** · 21-09-2013 12:46 AM

انا منصحكش بموضوع التجليد ده خالص
اولا هو في حالة اي حكة او خربوش قوي شوية لا قدر الله مش حينفعك اوي
ثانيا لما يقعد علي العربية سنة او أتنين والشمس تخليه يعضم مع العربية وحبيت تشيله لاي سبب حتبقي قصة كبييييييييرة اوي واثاره علي الدهان مش حتطلع بسهولة وممكن عملية تقشيره نفسها تبوظ الدهان الاصلي وتخربشه

انا رايي تسيب العربية بدهانها ولمعتها افضل بكتير