مشكلة البنزين في الباسات

**ostoraa** · 06-09-2013 06:03 PM

يا جماعه انا معايا باسات 2008 بس طبعا زي ما الكل عارف انها بتاخد 95 ولما حطيت لها 92 بتكركر اوي وبتاكل بنزين اوي وعرفت ان فيه واحد اسمو المهندس هيثم كان شغال في توكيل فولكس بيقول ممكن يتعمل سوفت وير للعربيه تمون بعد كده 92 عادي هل بقي الكلام ده صح ولا ايه يا ريت الرد السريع جداااااااا للضروره

**eleanor** · 06-09-2013 07:49 PM

هو فعلا فيه مابينج بيتعمل بس مش عارف الاختلاف هايبقى اد ايه

**ostoraa** · 07-09-2013 01:06 AM

وعايز اعرف ايه اللي اعملو في العربيه هي عاملة 143000كم ايه هي الصيانه المطلوبه العربيه فابريكه بالكامل واعلي فئه في الباسات موديل 2008 والصالون بحاله الزيرو بس العربيه بتاكل بنزين جدا وبتكركر اوي بس سحبها مش اوي حاسس ان فيها طاقه اكتر من كده ومش قادره تطلعها ايه بقي اللي اعملو فيها بالظبط وايه المطلوووب؟؟

**eleanor** · 07-09-2013 05:16 AM

كده انت ممكن تعمل صيانه 150 الف بدرى شويه لو انت لسا شارى العربيه الصيانه دى هاتظبط العربيه وهايتغير فيها فلتر البنزين اللى ممكن يكون عامل المشكله دى وهايكشفو عليها بالكمبيوتر
بس المفروض انها ماتكولش بنزين بالطريقه دى ممكن يكون الرشاشات عازيزه تتنضف