تست درايف الحلم.. السفينة العملاقة تيتانيك.. الفئة الخمسة 523i

**bimmeraddict** · 07-10-2008 02:20 AM

المشاركة الأصلية كتبت بواسطة farahat

ها ها ها ، لا مش للدرجة دي يا دكتور ، فعلاً ال-BMW في الملفات ماسكة نفسها جامد ، انما على سرعة عالية ١٦٠ و طالع بتحس إن العربية مش مكلبشة في الأرض كدة ،
و حصلت معايا و أنا بجرب ال-316 دي على الصحراوي في مطب هو أخدت على ١٥٠ و بعديها حسية العربية عومت من أدام (الدركسيون لعب في ايدي ، يمكن دة عشان الوزن أدام أخف من ال-320 و الحاجات الأعلى ، كمان عشان دي دفع خلفي ) ، المهم إن على سرعة أعلى و في نفس المكان الميجان كانت ثابتة ولا كأنها عدت على المطب د أصلاً ( و برضه دة يمكن سببه إن الميجان بور كهربا و بيتقل قوي في السرعات العالية ، و كمان وزنها أدام اتقل من ورا )

كلامك فيه شئ من الصحة بس ده مش عيب ثبات ,اللي بيحصل أن بي ام بتنزل بمساعدين زيت بتقلل نشوفية السيارة على حساب الراحة لكن للأسف الطرق هنا سيئة جدا فعمر المساعدين الافتراضي بيقل جدا وكفائته كمان بتقل جدا فأنت بتحس بعدم ثبات السيارة
لكن ال316 أثبت من الميجان بمراحل علمز تعرف الفرق بص على عفشة الميجان من تحت وعفشة البي ام من تحت.

**abo samra** · 07-11-2008 03:28 AM

يا جماعه صلوا على النبى واستهدوا بالله
ميجان ايه اللى نقارنها ب البى ام 316 اساسا الفئة الثالثة عموما ثباتها فظيع بمعنى الكلمه
توزيع الوزن فيها مثالى لابعد الحدود عفشتها مش ناشفه نهائى بالعكس مريحه

**ahmad--ezzat** · 07-11-2008 10:41 AM

ميجان اية بس
طب قول هوندا اهى مقبولة شوية فى المقارنة

**farahat** · 07-11-2008 08:46 PM

المشاركة الأصلية كتبت بواسطة mandooo

يا جماعه صلوا على النبى واستهدوا بالله
ميجان ايه اللى نقارنها ب البى ام 316 اساسا الفئة الثالثة عموما ثباتها فظيع بمعنى الكلمه
توزيع الوزن فيها مثالى لابعد الحدود عفشتها مش ناشفه نهائى بالعكس مريحه

عليه الصلاة و السلام ، أنا بقارن عربيتين أنا عارفهم كويس مش سماعي ، بتكلم تحديداً عن ميجان ٢٠٠٥ منوال و 316i ٢٠٠٧ منوال ، و أقدر أقول بكل ثقة الميجان أنعم بمراحل و أثبت كمان
علماً بإن العربيتين مساعدين زيت و العربيتين بجنوط و كاوتش الفبريكة و هوا مش نيتروجين
حضرتك لو جربت و لقيت غير كدة إحكيلنا عن تجربتك ؟

**farahat** · 07-11-2008 08:47 PM

المشاركة الأصلية كتبت بواسطة ahmed21015

ميجان اية بس
طب قول هوندا اهى مقبولة شوية فى المقارنة

على فكرة الميجان و الهوندا سيفيك الجديدة نفس الثبات و نفس النعومة و نفس الأداء تقريباً ، و عن تجربة طويلة

**Ahmed Selim** · 07-11-2008 09:26 PM

معلش......أنا هحكى على تجربة حصلت معايا بدون تعليق عليها
مع العلم أن أول عربية فى حياتى كانت الوحش الكاسر E30 مو 86 اللى هى الفئة الثالثة وكانت 320 6 سلندر......يعنى لو سألتنى يعنى أيه عربية هقولك بى أم على طول.....

المهم أنا كنت من فترة راجع فى الدائرى الساعة 3 بليل والطريق طبعاً فاضى....و أنا بجرى على 140 كده ( أنا معايا ميجان 2005 ) المهم واحد ب 320 مو 2007 أو 2008 سخن عليا مش عارف ليه بعد لما عديت......و داس بنزين....و يا ريته ما داس :)

المهم هو فى كلمة كان بياكل الأرض ورايا و أنا قولت أتسلى شوية مع أنى عارف النتيجة مقدماً.....المهم زودت السرعة و بقينا على 170 كده.....وفى حتة بعد كارفور بشوية فى أتجاه مدينة نصر فيها مطب هوا هايل....أنا عارفه بحكم أنى بعدى من هناك كل يوم وخدته من أوطى حته فيه...على الشمال
طبعاً فى المرحلة دى كانت ال 320 قدامى بشوية......و خد المطب من أعلى حته فيه....فى اليمين....شفت ال 320 بعينى والله بتترفع من على الأرض من ورا لدرجة أن ممكن الواحد يشك أن العربية طارت....المهم والعربية بتنزل لقيتها بتروح يمين وشمال من ورا وبعد كده مشيت عادى بس اللى سايق داس فرامل ومشى بالراحة
أنا مش عارف تفسير للى حصل بس نفسى أعرف.....ومش بقارن بين الأتنين خالص وخصوصاً انى مركب كونى
أنا بس تفسيرى الوحيد اللى ممكن يكون صح وممكن بنسبة عالية يكون غلط هو أن ال 320 أجهزة الأتزان الألى ممكن تكون أشتغلت وهى اللى بتظبط العربية وتغير فيها من غير ما يكون اللى سايق متحكم فى العربية....للحظات لحد لما تثبت تانى........والله أعلم

بس ليا تجربة مع Bmw مو 2003 318 بس دى كنت سايقها بقى.....
الثبات زيها زى الميجان لحد 170 أو 180......بعد كده البى أم..........بى أم