الموضوع: تست درايف الحلم.. السفينة العملاقة تيتانيك.. الفئة الخمسة 523i

المشاركة الأصلية كتبت بواسطة Powert

انا عايز اقولك ان الازاز بتاعها مش 4 اللي اوتو ده كل ازا العربية اوتو يعني اللي جنب السواق واللي ورا

وكمان فيه كمبيوتر لما تكون قاعد وارا مثلاً و العربية تكون واقفة تدوس مرة واحدة ترفع الازاز كله لوحديها بس لو العربية ماشية لازم تكون دايس على الزرار علشان ترفعه لحد اللي انت عايزه

انا شوفت الحكاية دي في عربية واحد قريبي X3 وكنت ناوي اعملها تست بس هو خاف مني وقالي في عينك انا كويس انك راكب جنبي اصلاً

بفكر لما يكون نايم اسرق المفتاح واخدها اعملها تست واقولكم

اة الX3 ماتورها 3000 سي سي زي ماتور ال 530i

272 حصان و 250 عزم اول لما داس بنزين علشان يجري لاقت نفسي اتحدفت ورا

والله يا باشا انا ملحقتش اشوف كل الكلام ده..
انا قعدت قدام.. لعبت شوية و جريت شوية.. و نزلت. ملحقتش..
و الف شكر علي التوضيحات ..
اوعدنا يا رب.. :)

المشاركة الأصلية كتبت بواسطة sharky

سؤال لأحمد علوى
إنت يا باشا بتقول إن فكرة الفتيس قريبة من فكرة الإيزى ترونيك بتاع الأوبل

طب هل بتحس بنتشة برضه فى النقلات كام الموجودة فى الأوبل و الكرورلا الجديدة ؟

لأ سعاتك فهمتني غلط بس.. او ممكن اكون انا موضحتش..
انا اقصد انه في التعامل مع عصاية الفتيس..و التنقل بيها بين المانيوال مود و الاوتوماتيك مود..
اقصد عصاية الفتيس. (ده لو صح اننا نقول علي الشيء الجميل ده عصاية.. :) )
لكن مش التكنولوجي ولا الميكانيزم بتاعه..
هو ستب ترونيك عادي جدا..و مفيش نتشة ولا احساس عالي بالنقلات ولا حاجة..
و في حاجة تانية.. لو عملت بيه engine break مش بتحس بيه جامد..
لكن في الايزي ترونيك بيبقي تأثيره واضح زي المانيوال بالظبط..

و الاخ الفاضل فرحات اللي مختفي باله كتير و محدش بيشوفه .. :) :) رد رد يعني ولا اروع ولا اوفي..

المشاركة الأصلية كتبت بواسطة farahat

أحمد باشا علاوي ، شكر جامد جداً على الموضوع الرائع دة :)

بالنسبة لل-iDrive د بيشغل أربع حاجات أساسية في العربية :
١- التكيف و ممكن تتحكم في الوظايف بتاعته من الجويستك و الشاشة (يعني درجة الحراه ، السرعة ... ) بس دة طبعاً على أساس إن التكيف أوتوماتيك (كلمته كونترول يعني )
٢- التليفون ، و بتظهر الارقام و الأسماء على الشاشة وإنت تتحكم فيها ذي ما إنت عايز كأنها شاشة موبايل و الجوي ستيك هي إلي بتلعب بيها في كل دة
٣- نظام الملاحة أو ال-navigation يعني تشوف الخرايط و الطرق على الشاشة و تتحرك فيهم بالجوي ستيك
٤- و دي بقى أهم حاجة .. نظام الترفيه ، و دة إلي فيه ال-CD و ال-DVD و كمان ال-TV ، تتفرج عليهم في الشاشة و تتحكم فيهم ذي ما إنت عايز بقى من الجوي ستيك ،و عيش حياتك :)

بس يا سيدي دي كل وظايف ال-iDrive ، و المعلومة الظريفة بقى إن الفئة السابعة فيها iDrive قدام و واحد تاني ورا ، تخيل !!
ربنا يوعدنا يا رب :) :) :)

الف الف الف شكر علي التوضيح..
انا مكانش فيا دماغ بصراحة لما عملت الموضوع اني ادور بيعمل ايه..
عشان كنت قاعد باسقط خلاص و بانام علي روحي.. كنت باكمل الموضوع بالعافية..
و انا سمعت فعلا عن موضوع الاي درايف اللي ورا في الفئة السابعة ده..
سمعت عنها كلام عجيب جدا.. بس مستني لما اشوف بنفسي.. :) :) ممكن اروح اتفرج..
ولو حصل.. استنوا مني موضوع وهمي بس هيبقي اكتر من ده.. :) :) بس دعواتكم..

لا اله الا الله
يرزق من يشاء بغير حساب
طيب انا انزل دلوقتي اركب البيكانتو ولا الالنترا ازاي
الحمد لله علي النعمه اللي غيرنا مش لاقيها
بس انا عايز اعرف هو العداد بتاعها اخره كام؟؟؟؟؟؟؟
لأن انا من اسبوعين كنت راجع من مرسي مطروح
وكنت ماشي حوالي 210 كم /س
لمحت حاجه عدت حنبي زي الصاروخ يادوب شبهت عليها انها الفئه الخامسه

انا سمعت سيرة فتيس الكورولا و ايزي ترونيك و حاجات كده

الحاجات دي ماتجيش هنا خالص

بقى بعد كل ده يا شاركي تسأل بتنتش؟؟؟؟؟؟ !!!!!!!!!!!!!!!!!!!!!!!!!!!!!!!!!!

طول ما الكرة الأرضية ما بتنتشش في الدوران يبقى الخامسة مش هاتنتش


ههههههههههههههههههههههههه هههههههههههه

المشاركة الأصلية كتبت بواسطة Ahmed Samy

انا سمعت سيرة فتيس الكورولا و ايزي ترونيك و حاجات كده

الحاجات دي ماتجيش هنا خالص

بقى بعد كل ده يا شاركي تسأل بتنتش؟؟؟؟؟؟ !!!!!!!!!!!!!!!!!!!!!!!!!!!!!!!!!!

طول ما الكرة الأرضية ما بتنتشش في الدوران يبقى الخامسة مش هاتنتش


ههههههههههههههههههههههههه هههههههههههه

هههههههههههههههههههههههه
ههههههههههههههههههههههههه هه
هههههههههههههههههههههه
ده حقيقي.. :)

ماهو عشان ده انا مش عايز اسوقها..
مش هاعرف اركب عربيات تاني..
ولا عربيات ايه.. لأ مالهاش علاقة عشان دي مش عربية اصلا. :) :)