أستلمت v5 الحمد لله بس زعلان شويه

**punisher** · 06-09-2013 11:30 PM

الحمد لله بعد معاناه استلمت العربية لونها أبيض بس للأسف مكنش فى الهاى لاين ولسه الترخيص يوم الاثنين

العربية حلوه جدا ما شاء الله بس حاسس انها محتاجة تربط العفشة شوية ولسه دلوقتى اكتشفت حاجتين ضايقونى جدا ... لمبة الايرباج منورة و البلاستيك اللى حوالين زرار أوك مش ثابتة ولما شيلتها من مكانها اكتشفت انها ليها 3 سنون منهم واحد مكسور فا مش عارف اعمل ايه فيها يصراحة ممكن اعملها بلزق مثلا ؟؟

**M I D O** · 07-09-2013 12:12 AM

الف مبروك العربية ومعلش الحجات البسيطة دي تتصلح في صيانة الالف ان شاء الله و الافضل سيب كل حاجة للصيانة

**برنس الليالي** · 07-09-2013 12:57 AM

الف مبروك يا برنس على العربية الشيك اوي دي ما شاء الله انا شفتها مرة في المصرية وعجبتني جداً بجد خصوصاً على اللون الابيض كويس انك جبتو

-- لا ميهمكش وإن شاء الله على اول صيانة دورية كل شئ يبقى تمام زي مقالك الاستاذ ميدو وكويس انها جت على اد كدا

**osaa** · 07-09-2013 01:50 AM

الف مبروك و ربنا يحفظك و يحفظها وماتزعلش نفسك كلها حاجات مقدور عليها بس اتاكد من موضوع لمبة الايرباج سريعا

**man_hero** · 10-09-2013 12:08 AM

الف مبروك يا باشا وربنا يديك خيرها ويكفيك شرها
انا كمان اشتريت اللون الابيض الهاي لاين من حوالي شهر والحمد لله العربية مبسوط بيها
فيها برضه شوية ملاحظات بسيطة بس هتتظبط ان شاء الله في التوكيل

بص يا باشا سجل كل ملاحظاتك في ورقة وابقي اديها للمهندس عند صيانة الالفين

لما تيجي تروح الصيانة روح التوكيل نفسه بريليانس ايجيبت اللي في جسر السويس ورقمهم 16056 بلاش تروح البافارية لانهم لو هيظبطوا خاجة في الضمان بيدفعوك ثمن العمالة

انا ان شاء الله هبقي اروح ليهم من الصيانة الجاية

**punisher** · 11-09-2013 05:52 AM

اسف على التأخير فى الرد

ربنا يباركلكم جميعا يا رب وكل اللى نفسه فى حاجه يحققها

انا روحت مركز المصرية الأوروبية ( دا المركز المعتمد فى الأسكندرية ) وعمل البلاستيك بتاع الملتى فانكشن بلزق دبل ولمبة الأير باج قالوا هتتعمل مع صيانة ال 2000 عشان الجهاز فى القاهرة بتعملوا تحديث