الموضوع: مشكلة الحرارة فى fsv

بص انا كان عندى نفس العيب بس كان العداد بيوصل للاحمر و يفضل ثابت روحت التوكيل ربط كابل الحرارة تحت البطارية يعنى شال البطارية و ربط الكابل و من ساعتها الحمد لله العداد تمام يطلع فوق النص بشرطة او اتنين و ينزل تانى و دة الطبيعى

المشاركة الأصلية كتبت بواسطة shiko_sla

بص انا كان عندى نفس العيب بس كان العداد بيوصل للاحمر و يفضل ثابت روحت التوكيل ربط كابل الحرارة تحت البطارية يعنى شال البطارية و ربط الكابل و من ساعتها الحمد لله العداد تمام يطلع فوق النص بشرطة او اتنين و ينزل تانى و دة الطبيعى

يعنى برضو لسة بيطلع لغاية الشرطة الى قبل الاحمر ؟
و لو كدة دة مش غلط على المدى البعيد انا عندى كدة يطلع وينزل و لما بقف و بفتح الكبوت بلاقى العربية مولعة

لا بيطلع شرطة او اتنين بعد النص و بينزل للنص تانى

العربيه عامله معاكو ايه دلوقتى وايه رائيكو فى التوكيل بتعها واسعار قطع الغيار

طبعا بضفتي من مقتنيي العربيات الصيني فده سببه إن الراديتر الصيني صغير نسبيا يعني هو حلو في اﻹستخدام الطبيعي بس سرعة أو قرص مش حتلاحق و الحل مبدئيا تركب مروحة.أمامية وتوصلها بمروحة العربية ولكن بكتاوت مستقل بس تغير الثرموستات وحط ثرموستات 72 إلى 82 ومتحطش أقل ولا أكثر وغير غطا الراديتير اللي هو عندك غطا القربة وحتفرق العربية معاك جدا ومش حوصيك لما العمر اﻹفتراضي بتاع الراديتر بتاعك ينتهي أوعه تركب أصلي وفصل واحد محترم بس عند واحد محترم عشان يرشهولك وينقل القميص والمروحة ومثبتات الراديتر ب بلابل وشغل نظيف ولكن أمورك حتتحسن بعد المروحة ثم تروحلي لبتاع غسيل الراديتير بالجهاز وقبل متغسله وإنت واقف عنده تشتري فلاش وتحطه في الراديتر وتدور ربع ساعة ثم تعمل دوتين ثلاثة بالجهاز وتحط مياه خضراء نوع جيد ومشكلتك حتنتهي وبعد كل ده لو فضلت تشوف العداد عالي والعربية مش حاسسها سخنة تروح للراجل بتاع العدادات جنب البنزينة تحت كوبري الدقي يفحصلك الحرارة بالثرموميتر وكمان يعايرلك العداد وترتاح ودي خلاصة الخلاصة عن تجارب كتير ودمتم

شيك على دورة التبريد يمكن فيه تسريب

بس على فكرة العربية دي مشهورة بالمشكلة دي كذا واحد اشوفه معاه نفس المشكلة ممكن انت تجيب الراديتر جديد

يكون نفس حجم الي عندك بس صناعة محترمة الماني او يباني وان شاء الله يزبط معاك