عرض للطباعة
محتاج حد يساعدنى فى ترشيح سياره مناسبه
أنا محتاج سياره تكون عمليه يعنى أهم شىء تعمل ببنزين 80 وتكون شبابى وفيها تكييف وموضوع السعر من25 لحد 40 ألف
وبصراحه كنت بفاضل بين الفيليشيا والجولف
بس محتاج أعرف أنواع تانيه تكون شبابى وفى نفس الوقت تعمل ببنزين 80 علشان تكون إقتصاديه وأقدر أصرف عليها.
جزاكم الله كل خير
بيجوا 405 بس المهم الحاله
هيونداى اكسنت
بالنسبة للجولف اسمع انها عربية جميل ومن وجه نظري افضل من الفليشيا من ناحية السحب والنعومة بس تعالي نشوف عيوبها فى ارتفاع قطع غيارها مع قلة وجودها وبالنسبة للبزين الــ 80 مش هتكون كويسة مع الجولف
هكلمك اكتر على الفليشيا لانها معايا من سنة ونصف
بنزين 80 شغال قطع غيارها متوفرة من الاصلي والاستيراد والصيني والمصري والالماني والتشيكي يعني فى بند قطع الغيار قدامك اكتر من اختيار
عيبها من وجه نظري موضوع التكييف هيكون حمل على الموتور وخصوصا ان المكنة 1300 مش كبيرة
دة لو افترضنا ان حالة المكنة فوق الــ 90 %
ممكن تركب مكنة 1600 بس عيبها عدم وجود قطع غيار بوفرة
ونسيت اقولك المبلغ اللى بتتكلم بيه تقدر تجيب فليشا عشرة على عشرة
ودة تقرير عن الفليشيا علشان تتعرف عليها اكتر
- تقرير عن سكودا فيليشيا 1995-1997
http://www.carswalk.com/skoda/skoda%...1995/instr.jpg http://www.carswalk.com/skoda/skoda%...da_felicia.jpg
- هى سيارة محيرة فقد تجد من يقول فيها شعرا و قد تجد من يحذرك منها بشدة و يلعن اليوم الذى قرر فيه شراء هذه السيارة.
و ربما يرجع هذا التناقض فى الاراء الى كميه المزايا العديدة التى تتميز بها هذه السيارة و كذلك كميه العيوب الخطيرة الموجودة بالسيارة.
و لنبدأ اولا بمميزاتها و لكن قبل ان نبدأ راجع مواصفات الفنية و صور السيارة من الرابط التالى مواصفات و صور سكودا فيليشيا 1995 1997
مميزات السيارة سكودا فيليشيا 1995- 1997
1- السيارة اوروبية و بالتحديد تشيكية الصنع و هذا فى حد ذاته ميزة بالنسبة للكثيرين فلايوجد سيارة اوروبية فى هذه الفئة السعرية.
2- صاج قوى جدا و هذا هو المطلوب فى مصر.
3- استهلاك الوقود جيد جدا بالنسبة لوزنها الثقيل نسبيا.
4- ثبات عالى جداز هو شىء نادر فى فئتها السعرية.
5- اسعار قطع غيار معقوله جدا و متوفرة و يوجد منها الصينى و الالمانى و المصرى.
6- ككل السيارات الاوروبية قطع الغيار معمرة جدا بالنسبة للكورى مثلا.
7- عفشة قويه جدا و مناسبة جدا للطرق المصرية الوعرة.
8- المساحة الداخلية كبيرة جدا و لن تجدها فى اى سيارة هاتشباك فى فئتها.
9- سير الكاتينة مصنوع من الحديد و بالتالى معمر جدا رغم انه يتسبب فى خشونة بسيطة فى صوت المحرك.
مما سبق نجد انها سيارة اعتمادية جدا موفرة فى استهلاك الوقود و قطع غيار معمرة و ثبات و اتزان نادرا ما يوجد بهذا السعر بالضافة لعفشة قوية و صاج قوى اى
انها السيارة المناسبه للطرق المصرية و للمستهلك المصرى, و لكن لماذا يكره البعض هذه السيارة؟؟؟
عيوب السيارة سكودا فيليشيا 1995- 1997
1- السيارة اوروبية الصنع و التصميم ايضا اى انها غير مصممة للعمل فى الاجواء الحارة, و لذلك ترتفع حرارتها بشكل ملحوظ خاصة فى
فصل الصيف مما يسبب خطورة على المحرك و خاصة (وش السلندر) و تعتبر هذه المشكلة الوحيدة فى هذه السيارة التى قد تجعل الكثيرين
يحذروك من شرائها رغم ان علاجها بسيط جدا يتمثل فى تركيب مروحة 6 ريشة و تغيير الريدياتير ال2 ماسورة باخر 3 ماسورة و البعض
يقوم بتغيير الترموستات ايضا باّخر اقل حتى تعمل المروحة عن درجة حرارة 70 بدلا من 90.
2- عكس السيارات الكورى و اليابانى و مثل معظم السيارات الاوروبى تعتبر السكودا فيليشيا بطيئه نسبيا فى التسارع
اى ان المحرك كسول نوعا ما و لكن مع استعمال بنزين 92 يتحسن التسارع كثيرا.
3- ارتفاع السيارة عن الارض قليل نوعا ما و لذلك يجب الحذر عند تخطى المطبات العاليه جدا.
4- السيارة خشنة بالنسبة للكورى و اليابانى كما انها غير مجهزة بباور ستيرينج.
اتمني اكون قدمت لك معلومة مفيدة
اكسنت ولانوس عربيات مفهاش مشاكل تذكر
بالنسبة للكورى بلاش الا لو عايز كماليات وخلاص ومش فارق معاك الاستحمال بتاع العربية .الفليشيا عربية ممتازة بمعنى الكلمة يعيبها الموتور ناس بتقول عليه تسارعه ضعيف مع انه لو موتور مظبوط تاخد منه احلى شغل ويا سلام لوفتيس 1600 تبقى حكاية .غير كده بقى ابعد عن الالمانى كله لانه بيحتاج بنزين 92 الفليشيا الوحيدة 80 وفى حل تانى بيجو 405 مش عارف ايه ظروفها فى ال80 بس قطع غيارها غالية والله اعلم
دى صور للفليشيا وش اوكتافيا دى ها تلاقى فيها كل اللى انتا عايزه (باور وتكييف وموتور سحبه جميل و شبابى جدا مع طقم جنوط تبقى حكاية ) فى ناس بتقول ان موتورها ما بيشتغلش 80 بس انا شوفت ناس عاملينها تاكسى وشغالين 80 عادى وحتى لو 92 استهلاكها حلو جدا وتاخد سحب محترم والقرار ليك
http://upload.wikimedia.org/wikipedi...cia_Friend.JPG
http://designercars.net/biler/Skoda-Felicia-44209.jpg
http://img.netcarshow.com/Skoda-Feli...llpaper_01.jpg
http://img.netcarshow.com/Skoda-Feli...llpaper_06.jpg
http://upload.wikimedia.org/wikipedi....3mpi_Lump.JPG
ممكن تجيب كرولا عيون 98 حالتها نص نص او هونداي اكسيل او لانسر بطة او فيات تمبرا او دوجان دول عربيات عملية جدااااااااااااااااااااااا ااااا
بشكركم جدآآآ والله ياجماعه عل وقفتكوا بجانبى والناس المحترمه اللى مبتبخلش بالمساعده
أنا بفكر بنسبة90% فى الهيونداى أكسنت ناس كتير جدآآآآ فى كل المنتديات بتشكر فيها وبرده والله لسه الفيليشيا وش أوكتافيا فى دماغى بس اللى مضايقنى حوار السخونيه ده وكمان سحبها وتجميعها على الطريق وبيقولوا قطع غيارها غاليه جدآآآآ.
معلش تعبتكوا معايا بس انتوا عارفين موضوع العربيه ده بيأخد وقت لحد ما الواحد يأخد قرار فى حاجه معينه.
بص أنا معاك الهيونداي اكسل جميلة ومطلوبة وفيها مميزات كتير وربنا يوفقك وتلاقي حاجة كويسةاقتباس:
المشاركة الأصلية كتبت بواسطة mostafa kabaka
بس ليا ملحوظة على كلامك بالنسبة للفليشيا قطع الغيار فيه منها الالماني والتشيكي والصيني هتلاقي قطع الغيار درجات وهيا اسعارها مناسبة مش غالية ولا حاجة وبخصوص السخونية ليه اكتر من حل ومش هتبقي دي المشكلة أتمنالك التوفيق ......... تقبل خالص تحياتي
مفكرتش ليه فى بولو
من جهه الاقتصاديه حدث ولا حرج وحط لها بنزين 92 واطمن لان سحب البنزين فيها شبه منعدم :)
ومن ناحيه قطع الغيار متوفره ورخيصه بالنسبه لعربيات تانيه كتير
والله عشره 6 سنوات اشغال شاقه العربيه عمرها ماقالت لى ياقلبى ولحد النهارده مع انى راكب فانتازيا ولدرجه من ايام بسيطه بعد ماعملت صيانه ال 60 الف لعربيتى قولتلهم ولا يوم من ايامك يابولو مكنتش بتطلب غير زيت وبنزين
حضرتك معاك فيليشيا ممكن أعرف منك شوية تفاصيلاقتباس:
المشاركة الأصلية كتبت بواسطة أحمد جودة
ممكن أعرف منك سحبها عامل ازاى يعنى كويس ولا وحش وهل هيا فعلآ واطيه على الأرض وهل انت بتحط80 وبيمشى معاك كويس ولا ايه ولو حطيته مش هيأثر على العربيه أو مش هيأثر على التكييف . ولو كده أنهى أفضل موديل ترشحهولى فى الفيليشا علشان أبدأ أبحث عنه وايه رأيك فى الحديثه وش أوكتافيا . أنا بتقل عليك بس أخوك بقى إستحملنى من عشمى فيك
والله فكرت فيها وقالوا ليا قطع غيارها غاليه وهروح عند الميكانيكيه كل يوماقتباس:
المشاركة الأصلية كتبت بواسطة طارق _عبد السلام
حضرتك معاك فيليشيا ممكن أعرف منك شوية تفاصيل
تحت امرك فى اى استفسار
ممكن أعرف منك سحبها عامل ازاى يعنى كويس ولا وحش
سحب الفليشيا عموما لو حالتها كويسة سحب معقول ويقصد بالسحب (( التصارع )) يعني تقدر توصل من 0 كيلو متر الى 100 كيلو متر فى كام ثانية ........ عموما سحبها كويس
وهل هيا فعلآ واطيه على الأرض
هيا واطية بعض الشيئ بس بالنسبة لعربيات تانية زي الاكسل والسوزوكي سويفت تقريبا نفس الارتفاع ......... وموضوع انها واطية على الارض دة بيديك ميزة الثبات الرهيب على الطريق فى السرعات العالية ......... ومتنساش ان كل ميزة يقابلها عيب يعني كان ممكن تلاقي العربية عالية عن الارض .... بس على الطريق من بعد الــ 90 هتعوم منك ......... دي من ناحية الثبات الله اكبر عليها بمشي 120 على طرق سفر وبكون سايب الطارة من ايدي وسرعات اعلي وثبات على الطريق .
وهل انت بتحط80
بحط بنزين 80 وماشية زي الفل منغير مشاكل وللعلم الـــ 80 شغال تمام التمام منغير مشاكل الميزة الوحيدة لو حطيت 92 بتلاقي سحب العربية بقي احسن (((( السحب = التصارع )
وبيمشى معاك كويس ولا ايه ولو حطيته مش هيأثر على العربيه
مش هيأثر على حاجة ودي تعتبر ميزة كبيرة فى الفليشسيا
أو مش هيأثر على التكييف
جينا لنقطة مهمة واقدملك فيها نصيحة اخوية ودي تعتبر وجه نظر مش اكتر ........ انا بالنسبالي التكيف مينفعش مع الفليشيا خصوصا ان التكيف الاصلي بتاعها مصمم للاجواء الاوربية يعني مش هينفع فى مصر ومع تركيب تكيف ياباني مثلا هيكون تكلفة مش دي بردو المشكلة ......... الفليشيا المكنة بتاعتها 1300 سي سي والموتور معروف انه بيسخن وهيكون حمل على الموتور دة لو افترضنا ان حالة الموتور فوق الــ 90 %
الحل تركيب موتور 1600 سي سي ودة مشكلة نادر وجود قطع غيار ليه ....
أنا بالنسبالي مريح دماغي من موضوع التكييف
. ولو كده أنهى أفضل موديل ترشحهولى فى الفيليشا
أنا أرشحلك موديل من بعد 97 اللى هيا وش اوكتافيا بس خد بالك انها انجكشن يعني هتروح منك استخدام بنزين 80 بس الموتور بيتعدل بيركب مانيفولد وكاربيراتير وطلمبة بنزين كهربا والحياة تبقي تمام ...... بس اهم من كل دة الحالة بتاعت العربية
مثلا أنا عربيتي 96 ومركب مكنة 2002 ومشغلها كاربيراتير وزي الفل
علشان أبدأ أبحث عنه وايه رأيك فى الحديثه وش أوكتافيا . أنا بتقل عليك بس أخوك بقى إستحملنى من عشمى فيك
تحت امرك فى اي استفسار
هى دى المشكله ان اى حد بيفتى فى العربيات بدون تجربه هم قالولك وافتوك وممكن ماتلاقى حد منهم ركبها اصلااقتباس:
المشاركة الأصلية كتبت بواسطة mostafa kabaka
انا بقول لحضرتك 6 سنوات مدخلتش لعفشجى نهائى
كنت بروح للميكانيكى للصيانات الدوريه فقط لاغير عمرها ما اشتكت عمرها ماسخنت
بس للعلم العربيه كنت شاريها بحالتها يعنى فابريكه وكانت عامله 50 الف كيلو
وقطع غيارها كانت بالنسبه لغيرها ببلاش يعنى انا افتكر تيل فرامل 100 جنيه وش فانوس 20 فانوس خلفى كامل استيراد 100 جنيه فلتر الزيت 25 جنيه طنابير اماميه الجوز 180 جديده ده وقت ماكانت معايا ما اظنش قطع غيار نار ولا حاجه دى موتورها بالكامل تقريبا 2500 ل 3000
وعلى العموم هى مسئله راحه نفسيه واقتناع
انا شايف ان في الفئه السعريه دي ووجود التكيف فالأكسنت واللانوس اعتقد اختيار جيد
بصراحه أنا عاجز عن الشكراقتباس:
المشاركة الأصلية كتبت بواسطة أحمد جودة
تسلم الله يباركلك
أشكرك كثيرآآآ معلش أصلى مش متعمق قوى فى مجال السيارات فمعنديش درايه كافيه فبضطر أسمع لأصدقائى وزملائى. والله الموفق والمستعاناقتباس:
المشاركة الأصلية كتبت بواسطة طارق _عبد السلام
بص يا باشا الفليشيا عربية فوق الممتازة بس بصراحة خسارة تمشيها ببتزين 80 كانت مغايا موديل 97 وكانت ما شاء الله عليها ف الجري والشغل حتى ماكنتش عندي مشكلة السخونة بس المهم تلاقيها بحالة كويسة ومش متهانة
في اقتراح تاني اقتصادي جدا وانا باعتبرها عربية مظلومة ف مصر وكانت عند والدتي وهي الفيات سينا 1600 والله كانت اكتر من رائعه ف الوقت اللى كان معايا اوكتافيا 1800 بتجري زي الريح كانت عربية الحاجة الوحيدة اللى بتماثلها ف السحب والجري وكان تكييفها ممتاااز وهي لما جت تغير جابت اللى بعدها فيات بترا 2004 برده عربية شديدة جدا ومظلومة ف مصر فعلا خدمة شاقة وسحب وجري وكمان تكييف ممتاز ممكن تعمل دلوقت حوالي 45 بس عالاقل موديلاتها اجدد شوية
وربنا يوفقك وماتنساش الاستخارة
الفليشيا عربية حلوة و بتستحمل بس فيها عيب خطير انها ممكن تسخن و تضرب وش سلندر لو مش واخد بالك منها