اقتباس المشاركة الأصلية كتبت بواسطة mero100 مشاهدة المشاركة
انا ركبت العربيه دي حوالي 15 سنه ... عربيه ممتازه لكن لو سليمه ... ولو عربيه بيتي ... و ده صعب تلاقيه لأن بقالها حوالي 30 سنه تقريبا ...

مشكلتي معاها و اللي خلاني ابيعها حاجتين :

1- الميكانيكيه بيستصعبوا الشغل فيها ( معرفش ليه ) ... لدرجه اني غيرت حوالي 5 ميكانيكيه ... و لدرجه ان اخر ميكانيكي بقي بيحط ايده علي قلبه و انا داخل عليه بالعربيه :-))

2- قطع غيارها الاصليه مبقتش موجوده جديده .. بقت مغربي و تونسي و تركي و صيني ... قليل لما تلاقي حاجه فرنساوي الا لما يكون التاجر مخزن عنده بضاعه من زمان فرنساوي . او انك تعتمد علي انك تجيب كل قطع غيارك استيراد .

3- مقاس الكاوتش بتاعها مبقاش موجود ... هيه مقاسها 14/155/80 ....و المقاس ده دورت عليه قبل ما ابيعها و قلبت الدنيا لغايه ما اتأكدت انه مبقاش بينتج ... و اضطريت اني اغير المقاس للأربع كاوتشات ... و طبعا ده فرق معايا في السواقه للأسوأ .

انا بعتها في اول 2011 ب 11000 جنيه ... و كانت بيتي و محافظ عليها و مبحطش غير قطع اصليه فيها بعد عناء .. و كان تابلوها طياره زي ما بيسموه و كانت عامله 190000 كم ..

قضيت معاها اجمل ايام حياتي .... و شالتني في مواقف كتير جدا حتي لما كانت بتعطل كنت بحبها جدا .

العربيه بصفه عامه قويه و اعتماديه و ناعمه و سحبها حلو و افضل مليون مره من ال 128 لو انت بتقارن بين السعر مثلا .

كل المشاكل اللي حتقابلك لو جبتها محصوره في انك تلاقي ميكانيكي بيشتغل في البيجو بضمير و موضوع قطع الغيار اللي ممكن تستعيض عنه بقطع الغيار الاستيراد ... و القطع الاصليه معمره فيها علي فكره .

اللي حيتغير معاك بصفه دوريه الابلاتين و الكوندنسر ... انا كنت ممكن اشتري ابلاتين و كوندنسر كل شهر تقريبا ... عشان كنت بجيب تقريبا الصيني ... كنت بدوخ علي حاجه نضيفه .

و بالتوفيق .
مش عارف اشكرك ازاي بجد شكرا جزيلا