الموضوع: هو مافيش اي أمل في صني الجديده ؟

أنت سمتغرب عشان متعرفش إن مش كل الناس اللي بتشتري صني تعرف نايل موتورز وعندها أكاونت عليه,,
عشان تعرف مشاكل العربية قبل ما تشتريها, أو تقرأ تجارب الأعضاء اللي هنا اللي أشتروها وتفكر تاني قبل الشراء.
أو يحكو كلهم عن مشاكلهم ومعاناتهم معاها, زي ما معظم الأعضاء اللي أشتروها حكو تجربتهم معاها وأكتر شكاوي في قسم نيسان والفترة الأخيرة من عربية زيرو هيا شكاوي النيو صني,,
وأحنا بنتمني إن كل مشاكلهم تتحل قريب, والتوكيل يحط حل قاطع لمشاكل الفرامل المتكررة منها.
http://www.nilemotors.net/Nile/365196-2013.html

هديك مثال تاني أحنا لما أشترينا الانسر ولا قريت علي منتدي, ولا كنت بدخل علي نايل موتورز وأشتريناها عشان عربية ياباني وتقفيل ياباني في الوقت اللي كانت الكورلا فيه بتتقفل في جنوب أفريقيا وكان فيها مشاكل في الفتيس mmt وطبعاً سمعة الانسر كانت ممتازة وقتها كا مواصفات عربية علي سعرها, ومكنش فيه أي مشاكل في العربية لحد ما بعناها.
نفس الحال دلوقتي مع الصني في ناس كتير بتشتريها علي أنها ياباني, بس طبعاً هيا ياباني أسماً وليس مضموناً لأنها تقفيل مصري,
وبرضه لانها من أرخص العربيات الصالون في السوق, ودا اللي مساعد علي أنتشارها في الوقت الحالي للي معرفش مشاكلها لسه.

أنت دلوقتي بالنسبة لك بعد ما عرفت عنها ووقريت اللي فيها من الشكاوي من العربية ورد فعل الوكيل علي الشكاوي,
بأيديك تحدد هل هيا تناسبك وهتتحملها علي كدا ولا لأ.
أو تشوف البدايل التانية اللي مفيش منها مشاكل وهيا زيرو زي التيدا أو البيجو 301 او الكيا ريو.