الموضوع: تقرير استخدام الامجراند 7 بعد 23,000 كلم و 9 شهور -حصري

المشاركة الأصلية كتبت بواسطة amr axel

تسلم ايديك ع التقرير يا باشا
بس اعذرني انا عارف اكيد سمعت الكلام كتيير بس انا شايف من وجهة نظري ان كلامك فيه تحيز برده للعربية و التوكيل و ردودك اللاحقة اي حد هيقراها هيفتكر انك تبع التوكيل :) خلي بالك و متحاولش تبرر باي طريقة و امثلة لأن الناس هتقول انك تبع التوكيل :)

العربية ديه انا كنت بفكر فيها بالفعل لكن انا مش من النوعية اللي بيثق في عربية بسهولة الا بعد تجارب قد تصل لسنين و خاصة انها صيني و متجمع هنا كمان مش مشكلة في الصيني او التجميع لأني عارف ان الصين ممكن تنزلك حاجة نمرة 1 ممتاز و ممكن تنزلك حاجة تقرف تلمسها و كله ع حسب اللي بيطلب و في نفس الوقت عارف ان التجميع و التقفيل هنا ممتاز لكن للأسف اللي بيتصدر لكن اللي بيطلع لنا المستوي مش اد كده و ده كله اجمع عليه مش كلامي يعني

و للأسف كل اللي شوفته خلاني اشيل العربية من المقارنة تماما بالرغم ان يتوافر فيها كل حاجة انا عايزها حتي الموتور الجنزير اللي كنت حاطه ضمن المواصفات و كان هيخليني اجيب النيسان صني بسببه طبعا قبل ما يشيلوا الـabs و العربية نازلة من غير ميزان و حتي السماعات اتشالت
لكن لما كل مالك للعربية أأقابله في الشارع اجمعوا ان السحب ضعيف و التكييف و الهيد يونت سئ و الفبرة اللي اتكسرت و التوكيل سئ ده غير مشاكل فردية تختلف من مالك لاخر اللي البطارية بايظة و مكملش شهر و اللي العربية بترعش منه و اللي لمبة التشيك بتنور و اللي تنور و تطفي بمزاجها و اللي الاستهلاك عالي جدااا مع ان غيره بيقول الاستهلاك كويس و غيرها من اللي سمعته و طبعا انطباعات الناس معانا هنا كمان
غير كده العربية كويسة في كل حاجة و شوفت عزلها الرائع بنفسي يبقي حط نفسك مكاني او مكان اي حد ناوي يشتري لما يشوف كل ده
و فس نفس الوقت اللي شايفه انها مش عيوب يمكن التغاضي عنها و كمان انا مبجيبش عربية زيرو و اقول عيوب اتغاضي عنها و اتعايش معاها هو انا رايح اجيب عربية زيرو و معدية 80 الف عشان اتعايش مع عيوبها هههههه هي لا عربية مستعملة و لا عربية بـ40 الف ده حتي الماروتي الـ40 الف محدش اشتكي من حاجة غير التوكيل و انا بالنسبة ليا موضوع التوكيل مش هيفرق لأني عارف التوكيلات كلها عاملة ازاي فمش مشكلة ديه ممكن عيب نتغاضي عنه و نتعايش معاه و ما اكثر المراكز المعتمدة
لكن ديه عربية سعرها معدي 80 الف و مينفعش اقبل بنسبة عيوب تصنيع بالشكل ده كله و مينفعش تقول اي عربية فيها عيوب تصنيع العيب بيكون حالات فردية و قليلة جدااا لكن لو كترت و بقي عامة يبقي عيب في خط الانتاج و بعض الشركات سحبت العربيات اللي فيها مشاكل من السوق او جمعوا ملاكها و عالجوها لما لاقوا مشاكل في كله
الحل الوحيد ان التوكيل يرجع ثقة الناس في العربية تاني في الانتاج الجديد و يحاول يحل مشاكل الملاك الحالييين بدل ما الناس ماشييين مشردين العربية و قفلوني و قفلوا ناس كتيير منها لأني بصراحة مستخسر ان العربية تقع الوقعة ديه

و يا ريت يا باشا تقولنا ع اسعار الصيانات في 10,000 و 20,000 و 40,000 و 80,000
و بعض اسعار قطع الغيار الدورية زي السيور و الفلاتر و البوجهيات و التيول و بعض القطع زي الريداتير و الاكصدامات و الفوانيس :)

اللة ينور عليك فى كل الذى قلتة كلام صح
دول كل هدفهم الدفاع و خلاص عن العربية تخيل حضرتك واحد كان بيقارنها بالاوكتافيا تخيل والاستاذ الذى كتب المقال كان بيقول عن بى ام دبليو ويقول المشاكل بسيطة و عيش معها وتقبلها نفسيا عادى واية يعنى بالذمة دة اسمة كلام
والاخ الذى هاجم الاستاذ ميدو بشكل غير لائق و بالرغم من كدة كان رد استاذ ميدو بكل ذوق وادب
الغريبة انهم لم يعودوا للمناقشة او الردود كانهم دخلوا ليعملوا دعاية ولم يتوقعوا ردود و اختفوا بعدها تماما