بصراحة ال بي واي دي جميلة جدا بس توكيلها زي الزقت عشان كدة مبفكرش فيها .. غبور بالنسبة للامل بتاع بي واي دي توكيل ناجح ومبيغلطش
انا من الزقازيق ..وموضوع حذر التجوال ده زباله مش عارفين نتحرك :(
طيب خلونا نفكر مع بعض هنا ...نقارن بين العربيات ديه ...وفيه m11 كمان جميله اوي
انا ليا رجاء بلاش المدح الزائد دة فى عربيات مليانه بعيوب صناعه وعيوب تقفيل لان دة ضرر للاخرين
حضرتك تقصد اية بالظبط ؟؟ لو تقصد علي الرد بتاعي عن الام 11 فمعروف ان العربية عيوبها مش شائعة و العيب الشائع بتاعها قربة المياة بتبوظ خلال سنة وبتتغير علي الضمان ومش هية بس وال اسبرانزا 620 كمان بس دي ممكن تتصلح بقربة مياة نضيفة بعيد عن التوكيل غير كدة في رايي الشخصي عيبها في وجهة نظري الشخصية انها ضيقة وبس
الاساتذة المحترمين الى ماسكين العربية غسيل ومكوى الموضوع مش مستاهل خالص دى عربية بسعر 80000 جم فقط
العربية معايا من 6 شهور وعامل الى الان اكتر من 9000 كم والعربية ممتازة ورحت التوكيل 3 مرات فقط فى صيانة 1000 وال 5000 والفيوز بتاع الكاسيت فصل ودى كانت الزياره التالتة - نيجى للعيوب الى قبالتنى فيها وهو السحب و العفشه الخلفية ناشفة بس لو جينا نقارن ببقيه عربيات المصنعه فى شرق اسيا فهى لا تختلف فى اى شى وعن تجربه سفر بالعربيات الى هذكرها ب تويتا كرولا 2008 و سيراتو 2012 وكارينز 2012 هو هو سحب العربيات دى ونفس العفشة بالضبط
والمقارنة مع السيراتو كانت فى نفس اليوم مع الاميجراند يعنى مش هاقولك نسيت ركوبة السيراتو
والموضوع مش مستاهل نعمل من العربية انها الى منزلش منها اتنين فى العالم دى عربية جيده جدا من ناحية السعر والجودة مش لازم نشيطن العربية والتوكيل
وفى الاخر هى وجهات نظر بس الى يفرض وجهة نظره هو من يملك العربية او على الاقل سافر بيها مسافات كبيرة