استطلاع راي للسيارة البيجو 301

**mohamed_radwan** · 08-09-2013 12:50 AM

هل حد جرب السيارة البيجو 301 الهاي لين الفتيس الاتومتيك
انا كونت عاوز اعرف في عيوب في الفتيس بتاعها او اي مشاكل لانه استيبترونك
ولا عادي و اخبار الوكيل ايه في حل مثل تلك المشاكل ان وجدت
و بتاخد بنزين 92 ولا 95

و معلش كده هوا اعادة البيع في البيجو عاملة ايه الخسارة كبيرة و لا ايه نظامها معلش اصلي طالع من فولكس

**Ahmedshalaby** · 08-09-2013 01:53 AM

مافيش عيب في الفتيس بتاعها ولا حاجة مجرد النتشة اللي بين الاول والتاني و كانت موجودة في ال٣٠٧ و اصلا بيقولو انها طبيعية في كل الفرنساوي
بنزين ٩٢ حسب الكتالوج بتاعها
سعر اعادة البيع لسه مش هيبان دلوقتي لكن المعروف في مصر ان كل الاوروبي بيخسر
الا اذا العربية سعرها علي في السنوات القادمة

**محمد هاني** · 13-09-2013 02:05 AM

العربية من اللي سامعه عنها من اكتر من واحد اشتراها تحفه ومفيش مشاكل في الفتيس ولا حاجه اعتقد هتضرب جامد في السوق الفترة الجاية

**Drsherifishak** · 13-09-2013 02:13 AM

الفتيس كويس جدا و بيشد و يسحب بسرعة و فعلا فيه نتشه من الاول للتانى لكن لما رجلك تاخد على دواسة البنزين و تحس بالعربية هيقل احساسها......انا لسه مش راضى اقرص عليها بس اللى فتح بيها في السرعات بيشكر جدا فى ال acceleration بتاعها و ال sport mode بتاع الفيتيس