الموضوع: ارجو الاستفاده من رجالة بيجو

هيا ال 208 عربية جميلة كا تقفيل ومواصفات بس زي ما الأعضاء وضحو أنها شبابية أكتر ومش هتبقي مناسبة لعيلة, وساعتها ال 301 هتبقي أفضل
ال 208 قليلة شوية في مصر علي عكس ال 308 عشان كدا هتلاقي المواضيع اللي عنها هنا قليلة جداً, وأنا تقريبا مشوفتلهاش مواضيع قد ال 308 وال 301
ال 301 هيا اللي واكلة الجو والسوق دلوقتي والقسم واضح,,

بالنسبة لأسعار قطع غيار, دا موضوع كان فيه أسعار قطع غيار ال 301
http://www.nilemotors.net/Nile/35895...eot-301-a.html

من الأسعار هتلاقي إن في حاجات كتير قريبة من ال C4 وأقل كمان منها من الكوري عمتاً,
ودا اللي مخلي الأهتمام بيها عالي وخلاها أفضل صفقة كا عربية أوروبية من ناحية سعر قدام مواصفات,
وكمان أسعار قطع غيار مش غالية أوي زي ما الناس دايماً بتقول علي الأوروبي,

ال 208 زي ما وضحت مالهاش مواضيع كتير, فهتضطر تكلم التوكيل لو مهتم بيها عشان تعرف أسعار القطع الأستهلاكية زي السيور والفلاتر, وطبعا الفوانيس والأكصدامات والكلام دا.

بس ال 301 من وجهة نظري هتبقي أفضل ليك, نظراً لأنتشارها هتلاقي قطع غيارها في كل حتة قريب ,
مع العلم إن قطع الغيار الأستهلاكية موجودة بالفعل في المحلات برة ,
لأنها مشتركة في حاجات كتير خاصة بالموتور مع أختها الكبيرة 307 وال C4
مع تعديل بسيط في الماتور مالوش دعوة بالقطع عشان يزود الهورس باور فيها ويحسن أستهلاك البنزين عن ال 307