ما علاقة تقديم او تأخير الكهرباء بأن الموتور يظل يعمل لفترة قصيرة بعد غلقه ؟؟؟؟
عرض للطباعة
كلمة الكهربا زياده يعني ان الشراره بتحصل في وقت مبكر جدا على وصول المكبس لاعلى نقطه ، الموضوع دا بيخلي شمعة الاحتراق (البوجيه) ترتفع درجة حرارته جدا ، و مع انضغاط البنزين فوق المكبس ، و مع ارتفاع درجة حرارة شمعة الاحتراق البنزين بيشتعل تلقائيا ، و يدفع المكبس للاسفل مره اخرى بدون شراره يعني حتى و انت قافل الكونتاكت
الموضوع دا اسمه Dieseling لان محركات الديزل بيكون فيها الاشتعال بطريقه زي كدا ، زيادة الانضغاط و تسخين الوقود و بدون شرارة استعال
تأخير توقيت الاشعال بيسبب انخفاض درجة حرارة شمعة الاحتراق
اسباب اخرى ، رواسب الكربون فوق المكبس بترفع نسبة الانضغاط ، و رواسب الكربون بتكون ساخنه جدا لدرجة انها تتسبب في اشتعال البنزين بدون شراره
عدم احكام الجوان تحت الكربراتير
استخدام بنزين منخفض الاوكتان يتسبب في عدم احتماله للانضغاط و اشتعاله تلقائيا بدون شراره
مشكله في الكربراتير ، مثلا تركيب Idle Jet او (بيك سلانسيه) صغير جدا ، دا بيخلي المحرك Lean او مفتقر ، و الخليط المفتقر اكثر عرضه للاشتعال الذاتي
تحياتي
موضوع رائع ومهم يا جماعه
وبجد هيه بتحصل عندى فى الفيورا بردو
ومعظم الى يشوفها يقولى كهربا زيادة
------------------------------
ياريت يا جماعه لو ينفع يتعمل موضوع يتشرح فيه الكلام ده بالتفصيل و الشرح بالصور يكون افضل وازاى نعمل ( لو ينفع يعنى ) الكلام ده بايدينا علشان اعرف ناس بتضبط كهربة العربية بنفسها
واشكركم وتحياتى لاعضاء المنتدى الكرااااام
الكهربا عاليه انا كان بيحصل معايا كده فى عربيتى (دايهاتسو شاريد) وبمجرد لمسه بسيطه الميكانيكى وطى الكهربا سنه بس كله بقى تمام التمام