باركوا لي بقيت اوبلاوي

**hassan2010** · 07-09-2008 04:18 AM

الحمد لله اشتريت فيكترا 2007 عامله 18000 كيلو عقبال عندكم بس انا معرفش ايه المفروض اعمله -انا عايز اعرف السي دي mp3 ولا اوديو واحسن اماكن للصيانه في القاهره و اسكندريه علشان انا سكن في الاسماعيليه -واحد شكرفي التوكيل اللي خلف رابعه العدويه وان ممكن اتفرج علي العربيه فهل ممكن اجد ده في الاسكندريه كمان واسف علي الاطاله و شكرااا مقدما علي المساعده لي و لغيري فانتم و نعم الناس

**Mahmoud_405** · 07-09-2008 04:57 AM

الف مبروك ياباشا. وربنا يكفيك شرها ويديك خيرها
انا ابن خالتي بيودي الاوبترا للتوكيل منصور اللي جانب رابعة العادوية وبيشكر فية جدا وميتهيالي ده ققرب مكان لو انت جاي من الاسماعيلية

**Ahmad Allawy** · 07-09-2008 10:14 AM

والله يا باشا عندك اكتر من اختيار.. بس انا مجربتش ولا واحد فيهم..
بس في ناس هنا جربتهم و بتشكر فيهم لهم..
منصور اللي ف الصحراوي.. و ناس معانا هنا اتعاملوا معاه و بيقولوا جامد جدا..
و منصور اللي عند رابعه و نفس النظام..
و مقار اللي ف البحوث.. و برضه كويس..
وفي اوتوماستر و دي معتمد من منصور ف مدينة نصر الحي السادس..
وفي ناس معانا اتعامولوا معاه و ارتاحوا معاه في اكتر من عربية..
شوف الاقرب ليك,, و جرب مش هتخسر حاجة.. لأنهم مسئولين عن شغلهم..
و لو في اي حاجة ارجعلهم..
و الف مبروك و ربنا يباركلك فيها و يحفظهالك ان شاء الله..
و منورنا في اسرة اوبل الصغيرة.. و اهلا بيك..

**M.Mokhtar** · 07-09-2008 03:08 PM

الف مبروك يا باشا
ربنا يباركلك فيها ويبعد عنك شرها
انا بتعامل مع منصور اللى فى الصحراوى بس بقى زحمه جدا ولازم تحجز قبلها باسبوعين تقريبا

**abdelaziz-waleed** · 07-09-2008 04:02 PM

الف مبروك ياباشا
ربنا يديك خيرها ويكفيك شرها وما يكونشي في شر اصلا
ولا تنسى الصدقة

اهلا بيك معانا في اسرة اوبل الجميلة.
بس علشان تبقى اوبلاوي معانا لازم تعمل تسجيل في العصابة عن طريق اضافة المصطلح الموجود في توقع الااعضاء الاوبلاويين عند حضرتك في التوقيع

انا بتعامل مع مقار اللي في الدقي (تقاطع شارع التحرير مع السودان)
بس بقى زحمة شوية بسبب العربيات الشيفرولية الجديدة ربنا يسامحهم.
بس انا دايما بودي العربية واسيبها واخدها تاني يوم

**hassan2010** · 07-09-2008 05:52 PM

كل عام وانتم طيبون و لكم جزيل الشكر علي ردودكم الجميله و علي الاهتمام بس ايه موضوع التوقيع ده ممكن الشرح يكمنهو ده (لو لم اكن اوبلاويا لوددت ان اكون اوبلاويا)

**M.Mokhtar** · 07-09-2008 06:44 PM

المشاركة الأصلية كتبت بواسطة hassan2010

كل عام وانتم طيبون و لكم جزيل الشكر علي ردودكم الجميله و علي الاهتمام بس ايه موضوع التوقيع ده ممكن الشرح يكمنهو ده (لو لم اكن اوبلاويا لوددت ان اكون اوبلاويا)

Opel, 1 Team, 1 Goal, 1 Family

وصحصح كده عشان ما ازعلش منك :)

**ENG\AHMED** · 07-09-2008 07:00 PM

مبروك على العربية وربنا يبارك لك فيها :)
منصور الطيران علشان تروح لازم تبقى عامل حسابك على بيات زحمة وقرف وعطلة كأنك واقف فى ورشة ممكن علشان تعمل حاجة متاخدش نص ساعة تستنى 3 ساعات فى الشارع
فى اوتوماستر فى الحى السادس وفى ياسين عند كوبرى الحرفيين والاتنين معتمدين من منصور

**SuMo** · 08-09-2008 02:43 AM

mabrok ya m3lm w kda e7na kbrna el-3saba w yg3lo 3amer

**abdelaziz-waleed** · 08-09-2008 02:48 AM

المشاركة الأصلية كتبت بواسطة SuMo

mabrok ya m3lm w kda e7na kbrna el-3saba w yg3lo 3amer

ايه يا سومو انت بتخطط لهجوم اوبلاوي ولا ايه

الموضوع: باركوا لي بقيت اوبلاوي

LinkBack

أدوات الموضوع

عرض

-

-

-

-

-

-

-

المواضيع المتشابهه

M 12 2013 باركوا لى

اوبلاوي جديد :)

اخيرا بقيت اوبلاوي

يا شباب رحبوا بيه انا بقيت اوبلاوي

باركوا لي

الكلمات الدلالية لهذا الموضوع

المفضلات

المفضلات

ضوابط المشاركة