الموضوع: يا شباب رحبوا بيه انا بقيت اوبلاوي

بص يا باشا لو حضرتك تقصد الفيكترا الجديده فهى تقفيل المانى 100% و قطع غيار المانى 100% و ببتقفل فى نفس المصنع الى بتتقفل فيه الانسينيا الجديده يعنى جوده و نضافه خامات بلا حدود و انا اتفرجت عليها 4 مرات معرفتش اطلع غلطه تقفيل.
بالنسبه للكاماليات فى التوب لاين (اعلى حاجه و سعرها قبل الخصم كان 218 الف و قالى هنعملك خصم 3000 جنيه على الكاش)بعد اللخصم الى اتعمل مش عارف هتكون بكام المهم ان الكماليات هى :
1-تاره ملتى فنكشن يعنى بتعلى و توطى الكاسيت و الراديو و تغير الاغانى و المحطات من الدركسيون.
2-فرش جلد و ابواب جلد.
3-زينون على الواطى.
فتحه سقف كهرباء .
كراسى اماميه كهرباء و فى ميمورى فى الكرسى ل 3 اوضاع (يعنى هتظبط وضع الكرسى الى يريحك و زاويه المرايه الى تريحك و الكرسى هيسجلها ).
4-تكييف تتش و بتظبط الحراره لكل جمب لوحده.
5-شاشه بيانات فيها كل المعلومات عن العربي(وقت -تاريخ-حراره-استهلاك البنزين-متوسط السرعه-البنزين يمشى العربيه كام كم)و معلومات تانيه كتير.
6-سى دى و سبع سماعات و mp3 (طقم صوت جااااااامد و مش هتحتاج اىسماعات تركبها).
7-جنوط سبور 16 .
8-فرامل abs و برنامج اتزان الكترونى esp
9-بخاخات على الفوانيس الماميه.
10-مساحات حساسه للمطر (بتشتغل لوحدها لما الدنيا تشتى)
11-المراه الداخليه حساسه للضوء (لونها بيغمق لو النور ضرب فيها)
12-6 ايرباج.
13-رشاشات المياه على الزجاج فيها سخان .
14-المرايات بتضم كهرباء و بتقفل لوحدها هى و الزجاج و السقف لما تقفل العربيه .
15-فتحات تكييف للركاب بالخلف.
16-ثلاجه باتابلوه.
17-كونسول امامى و خلفى.
ده بالنسبه للكماليات بالنسبه للموتور فهو 1600 سى سى 105 حصان.
و طول العربيه 4611 مم و عرضها بالمرايات 2036 و الارتفاع مع حموله الركاب 1460 مم و قاعده العجلات 2700 مم.
و بتطلع من 0 ل 100 كم فى 12.5 ث و اقصى سرعه 192 كم/س
بالنسبه للعيوب فالعربيه دى غير الاوبل كله لانها المانى يعنى الى يقولك ممكن تجيب برومه او بتسخن او او او فده ممكن يكون فى اوبل القديم .
بالنسبه للعيب الى الناس بتتكلم فيه هو الفتيس (مش عيب فى العربيه)كل الحكايه ان الفتيس (الايزى ترونيك)ده مش زى الاوتوماتيك فى حكايه النقل (انت مش بتنقله هو بينقل لوحده عادى)بس من جوا العربيه فى ديسك و اسطوانه و دبرياج يعنى فتيس منيوال من جوا و الموضوع كله انك هتحس بالعربيه و هى بتنقل (بيقولو بتنتش و ده مش حقيقى لانى جربتها) و عربيه حضرتك الحاليه منيوال يعنى بتحس بيها و هى بتنقل و ده بالظبط الى هيحصل فى الفيكترا.
و على فكره ممكن تجربها فى منصور فرع العامريه معرفش الهرم فى ولا لا؟؟؟
يا رب اكون قدرت افيد حضرتك باى حاجه .
و لو عندك استفسار عن اى حاجه انا تحت امرك.