سؤال عن الفرامل في النيسان جوك .

**k50_** · 08-09-2013 07:17 PM

السلام عليكم ,

انا معايا نيسان جوك وكنت غيرت تيل الفرامل ف صيانة ال 20 , لكن فيه حاجة غريبة بتحصل لما بضغط علي الفرامل فجأة , انا لما بدوس الفرامل مبدوسش لحد اخر الدواسة , لكن بدوس دوسة طبيعية لكن بشكل سريع ف بعض المواقف الي لما يكون فيه مطب فجائي اودامي , وبلاقي ان ف اخر الدوسة حشرجة كدا , بس صوت مؤذي يعني .
في احد اصدقائي افتي ان ده هو ال abs , لكن الصوت والاحساس فظيع . ده غير ان فيه صوت صفارة موجود لكن مش دائم .
للعلم ان كان عندي صوت السفارة ده مستمر قبل مغير التيل , لكن انا دلؤتي لسة مكملتش بالتيل الفين كيلو.
لو حد عنده خبرة بالموضوع ده ياريت يقولي .

ملحوظة :
الجوك فيها اوبشن اني اقفل ال abs

**aw2100** · 08-09-2013 10:59 PM

هل غيرت زيت الفرامل مع تغيير التيل ؟

**k50_** · 09-09-2013 12:59 AM

انا سئلت عند ميكانيكي ابن حلال قالي ان هو ده ال abs , حد ممكن يأكد المعلومة ؟
احب اضيف ان صوت الحشرجة دي لما بتحصل مش بتخلي العربية تقف ف وقته , ممكن اترجم كلامي ف ان اداء الفرامل بيضعف ف وقت صدور الصوت ده.

**m7mdwagih** · 09-09-2013 01:43 AM

هو اكيد ال abs ام شاء الله و جرب في حته فيها رملة اكبس فرامل هيبان معاك اوي

**janagabr** · 09-09-2013 03:28 AM

هو abs فعلا بتحس بيه في رجليك بدواسه العربية وهو بيشتغل عند الفرمله جامد وبسرعة صوت الصفارة اما نوعية التيل وحشة او في رمل بين التيل والطمبورة او الواد مركبهاش كويس
ربنا معاك

**hatahet** · 09-09-2013 01:30 PM

ال ABS مش بيكون حشرجة و لا حاجة دا بيكون زى صوت تخبيط لان الفرامل بتسيب وتمسك بقوة وكذا مرة بسرعة و الدواسة لو انت كنت دايس بقوة و للاخر المفروض تروح معاك علشان ال break assist فطلما ان الدواسه مش بتكمب معاك بسهولة للاخر ف انصحك تكشف على زيت الفرامل و تشوف هل فيه هوا ولا لا
وساعات فى بعض الاخطاء من الصنيعية اسناء التركيب للتيل من عزم الربط لل رجلاش و حاجات كتيير
فى فرع للصيانة national union ورا مسجد الشرطة اللى فصلاح سالم ممكن تسأل هناك هتفهم اكتر بس حاول توصل لرئيس الورشه نفسة مش مهندسين الاستقبال
يفهمك الدنيا صح ان شاء الله

**wardet** · 09-09-2013 01:38 PM

اعتقد دا abs
انا بتحصل معايا لدرجة انى لما بلاقى الصوت دا بسيب فرامل من الخضة
بس هو تعود يعنى

**k50_** · 09-09-2013 04:51 PM

المشاركة الأصلية كتبت بواسطة wardet

اعتقد دا abs
انا بتحصل معايا لدرجة انى لما بلاقى الصوت دا بسيب فرامل من الخضة
بس هو تعود يعنى

اه الله ينور عليك , انا فعلا بسيب الفرامل من الخضة , بس عموما انا هعمل محاولة اني اكرر نفس السيناريو وانا قافل ال abs واشوف ايه الي هيحصل.
وان شاءلله لاحقا هوديها زي ما الاخوة الكرام قالو حد يشوف زيت الفرامل.

شكر خاص لكل شخص رد ف الموضوع :)

**Hany Saad** · 09-09-2013 08:51 PM

المشاركة الأصلية كتبت بواسطة k50_

اه الله ينور عليك , انا فعلا بسيب الفرامل من الخضة , بس عموما انا هعمل محاولة اني اكرر نفس السيناريو وانا قافل ال abs واشوف ايه الي هيحصل.
وان شاءلله لاحقا هوديها زي ما الاخوة الكرام قالو حد يشوف زيت الفرامل.

شكر خاص لكل شخص رد ف الموضوع :)

ملحوظتين على السريع يعد أذن حضرتك:

١- محدش بيكشف أو بيغير زيت فرامل عربية و خصوصاً الأصلى بتاعها بعد ٢٠ ألف كم....زيت الفرامل متفكرش تبص عليه قبل ال٦٠ ألف كم و ده مع منتهى الرأفة

٢- لم أسمع من قبل أن ممكن الabs يتقفل عن طريق السائق.....ده أوبشن للأمان لحماية قائد السيارة و من معه......لا يمكن بأى حال من الأحوال غلقه بل هو دائم العمل للحماية.....أعتقد حضرتك تقصد حاجة تانية اللى ممكن تتقفل زى ال ESP مثلا لو كان موجود