الموضوع: قله ادب في اربياتا العبور

المشاركة الأصلية كتبت بواسطة elawany13

أنا لم احكم على الاغنية الا لما شوفتها بعينى وسمعتها بأذناى
واتصدمت من كلماتها التى لم يقرها أو يقبلها عقلى ولا قلبى ولا دينى
ومشوفتش اى تعليق لأى شيخ على اغنيه على الحجار الا دلوقتى حالا من مشاركتك
ومتفق مع رأى الشيخ برهامى
على فكرة الشيخ برهامى مش عاجب الاخوان ولا عاجب السلفيين ولا عاجب المتمردين

بلاش ياسيدى الشيخ برهامى والمشايخ الوحشيين الإرهابيين المرتزقه
اتفضل شوف رأى المناضل الكبير عبد الحليم قنديل
‫تعليق عبد الحليم قنديل على اغنية على الحجار 5-9-2013‬‎ - youtube

هو حضرتك بتشهد برأي عبد الحليم قنديل اللي بتتريق عليه وبتقول عليه المناضل الكبير , طب ازاي !!!
وبعدين راجع كلامك تاني , هو انت الكلام اللي انت قلته فى مشاركتك عن علي الحجار هو كلام عبد الحليم قنديل !!! ,افكرك بنص كلام يا استاذي
لا ده الدين الوسطى السمح اللى بنتعلمه من إلهام شاهين ومن اغانى على الحجار ليكم رب ولنا رب
بالمناسبة اول مره اعرف ان ياسر برهامي مش عاجب السلفيين , دا هو اكبر راس فى الدعوة السلفية

المشاركة الأصلية كتبت بواسطة hugan

قصده زكي بشكها
الدور اللي قام بيه استيفان روستي
انت فاكر انك تقدر تضحك علي زكي بشكها
انت فاكر انك تقدر تنصب علي زكي بشكها
ايه ياخويا اللي بشكها وفنطها
مع اسماعيل ياسين كامليا فيلم المليونير
الفيلم انتج 1950
اول بطوله لاسماعيل ياسين
كان معاه في المشهد فريد شوقي كومبارس
حسين اسماعيل كومبارس
وممثل تاني اسمه نمر
اي خدمه
انا متعاطف مع الاخوان وتيار الاسلام السياسي
مش فاهم ايه علاقه التعاطف مع الاخوان بالاهتمام بالسينما مثلا
الاعلام مالوش حل

جوجل سيرش ساعد الناس كتير , ما شاء الله حضرتك واضح انك بتعرف تستخدمه كويس

ياريت يا جماعة كلنا نبقي واضحين بلاش لف ودوران
, انا عن نفسي ضد تيار الاسلامي السياسي ومع الدولة المدنية.
اي حد بقي من تيار الاسلام السياسي ميلفش ويدور علينا ويقلي انا ضد الاخوان واللي يقول انا مش سلفي .
خليك واضح في توجهك لان كل اللي شفتهم مع الاخوان من تيار الاسلام السياسي سواء كانوا مؤيدين او حتي متعاطفين ,في ناس كتير كانوا في رابعة مش اخوان , في منهم كان سلفيين وفي منهم مسلمين مغيبين وفي منهم مسلمين متطرفين وفي جهاديين , كوكتيل مختلف يتوحد تحت راية واحده وهي التطرف الديني والجمود الفكري