يا ريت تقبلونى عضو جديد معاكم

**ehabspc** · 07-09-2008 10:35 AM

السلام عليكم و رحمة الله و بركاته

طلب صغير منكم و أخير و إن شاء الله حيكون سبب فى إختيارى للعربية
أنا معايا سكودا فيليشيا و الحمد لله الكنبة اللى ورا واسعة و كويسة و عايش معاها مع اسرتى و أخوكم مركبش عربيات كتير و معنديش خبرة انى أحكم على عربية كونها واسعة و لا لأ

أرجو منكم بس مقارنة وسع كنبة الجين 2 مع الياريس لأن الياريس بصراحة بتنافس الجين 2 فى تفكيرى
و شاكر اوى لحضراتكم و كل سنة و انتم طيبين و ربنا يتقبل منكم جميعا الصيام و القيام و صالح الأعمال

**ahmedsiyam** · 07-09-2008 01:43 PM

الاخ الفاضل

حضرتك منور طبعا

بالنسبة للمقارنة مابين اليارس و الجين2

الجين 2 كنبة صغيرة لانها عربية ليفت باك و ده طبيعى جدا و لا يعيبها فى شئ و اليارس عربية سيدان و طبيعى ان الكنبة هاتكون اوسع شوية بس الفرق موش كبير مابينهم بصراحة

**ehabspc** · 07-09-2008 02:42 PM

متشكر جدا يا أستلذ أحمد على ردك

هوة انا كنت أقصد موضوع وسع الكنبة يعنى مثلا لو 3 أفراد حيكونوا مستريحين ؟ انتا عارف أوقات الظروف بتحكم

الحمد لله مش بفكر من ناحية ارتفاع السقف او وضعية رجلين القاعدين الحاجات دى اطمنت لها

حتى شنطة الجين 2 عاجبانى بس يعنى موضوع وسع الكنبة هوة اللى شاكك فيه
و الحكاية دى تعتبر أحيانا عيب فى عربيات فخمة جدا
يعنى مثلا الأوكتافيا A4 صعب يقعد 3 ورا كمان التيريوس القديمة دول حقيقى جربتهم و لقيت الفيليشيا اوسع

بس مثلا الأوبترا واسعة و دى كمان جربتها
أسف انى طولت عليكم بس الحقيقة العربية حتى لو ده عيبها ما يقللش من مميزاتها الكتير

كفاية انها عربية انتاج دولة اسلامية زى الزملاء ما قالوا و كمان بتتباع فى أوروبا بنفس كماليتها و إمكانيتها و الأغرب من كدة انها بسعر أكتر من عندنا بكتير
فى إنجلترابتتباع بحوالى 10 ألاف استرلينى و توصل ل 11.5 أعلى فئة اوتوماتيك

مش زى كل الهيونداى اللى فى كل دولة ب أسم و مواصفات غير اللى عندنا
حتى الكيا و كمان الياريس كل ما أدور على مواصفاتها و رأى الناس فيها ألاقيها 1500 و غير اللى عندنا خالص و كمان يا ريتها عاجباهم فى امريكا

المهم انا بحب العربية جدا و آراء حضراتكم مهمة اوى بس هى الكنبة؟؟؟؟؟؟

و متشكر اوى لحضراتكم

**ahmedsiyam** · 07-09-2008 04:36 PM

الكنبة بالنسبة لـ 3 اشخاص هاتبقى ضيقة

**khpopo** · 07-09-2008 10:14 PM

مش ضيقة قوى كددددة..! لان عائلتى لاتشتكى ولايطلبوا تقديم الكراسى حتى يرتاحو...!!
يعنى من كل الابعاد مضبوطة معايا بالملى لاننا القامة طويلة مع اوزان شوية يعنى 3 بيقعدوا جنب بعض كويس وممكن كمان اطفال على رجليهم للامانة انا مرة ركبت فيها 12 فرد منهم 7 اطفال وهذا على مااقول شهيد وبعدين ما الواجا زى الجين2 وصالون سيدان !!! لكن لازم ندور عيب .. الصالون معقول ومناسب وليس الواسع بزيادة
والكنبة دة اصلا مصممة لامتصاص الحوداث لقدر الله والالتفاف على جسم الجالسين ولو خدنا بالنا انا الكنبة تاخذ الجسم كلة حتى الارجل لاتاخذ حيز لللامام ودة كلامهم المصنعين انا مستغرب كل حسباتها مضبوطة ومسلمين زينا ربنا يبارك لهم
وربنا يوفق
سبحان الذى سخر لنا هذا وماكنا لة مقرنين وانا الى ربنا لمنقلبون