كلاكس العربية فصل

**emadelmahdy** · 10-09-2013 03:05 PM

دى كدة المرة التانية اول مرة رحت لواحد كهربائى عرفه غير فيوز واشتغل بس السؤال عايز اسالة لحضرتكم بيقولى المشكلة فى ثورمستات المروحة هى التقيلة على الفيوزات فا ممكن تفصل الكلاكس تانى انا اركبلك حاجة تانية للترمسوتات تاخد منها احسن زى مقومة على معتقد حد يعرف المعلومة دى يفدنى فيه ولسة اروح لكهربائى بكرة عشان اشوف موضوع الكلاكس

**reda elgohary** · 10-09-2013 03:07 PM

يا كتاوت ، يا فيوز ، يا إما الكلاكس .
كانت عندي نفس المشكلة وطلعت من الكتاوت .

**reda elgohary** · 10-09-2013 03:08 PM

ربنا يصلح حالك ان شاء الله .

**ياريساوي** · 10-09-2013 04:02 PM

بعد اذن صاحب الموضوع انا عندي مشكلة شبه دي الكلاكس بيفصل لما الدريكسيون يكون مظبوط لما بلف الدريكسيون 90 درجة الكلاكس بيشتغل عادي محدش يعرف ده من ايه ده ؟؟

**eng.salama93** · 10-09-2013 04:13 PM

المشاركة الأصلية كتبت بواسطة ياريساوي

بعد اذن صاحب الموضوع انا عندي مشكلة شبه دي الكلاكس بيفصل لما الدريكسيون يكون مظبوط لما بلف الدريكسيون 90 درجة الكلاكس بيشتغل عادي محدش يعرف ده من ايه ده ؟؟

الموضوع دا سببه الفيش بتاعه الكلاكس اللي جوا الدركسيون عندك .. بتفصل من بعضها لما انتا بتلف الدركسيون

**MITSUKERO** · 10-09-2013 04:24 PM

المشاركة الأصلية كتبت بواسطة ياريساوي

بعد اذن صاحب الموضوع انا عندي مشكلة شبه دي الكلاكس بيفصل لما الدريكسيون يكون مظبوط لما بلف الدريكسيون 90 درجة الكلاكس بيشتغل عادي محدش يعرف ده من ايه ده ؟؟

فيشة كلاكس او قرص اير باج

**emadelmahdy** · 17-09-2013 04:39 PM

الحمد لله طلع فيوز

**emadelmahdy** · 17-09-2013 04:40 PM

ووقف المروحة كمان والحمدلله كلة اشتغل مع الفيوز الجديد

**a7madramadan** · 17-09-2013 08:07 PM

الفيوز ده حلو أساسا بينبهك انك لما مروحتك فصلت بسبب كهرباء فيوزها اتحرق بيفصل معاها الكالاكس بالمرة :d اساسا فصل عندي مرة الكالاكس و العربية سخنت سنة صغيرة قلقت كلمت الكهربائي بتاعي تليفون قالي طيب الحق الفيوز الي اتحرق غيره غيرته اشتغل معايا الكلاكس والمروحة سوا :) ماكنتش هاشك كتير في انها مشكلة كهرباء طول السكة وكنت هاوقف بس ازود في مية :) الحمد لله جات على كده :)

**emadelmahdy** · 17-09-2013 08:11 PM

تمام عشان كدة فى كهربائى قالى اعملك طريقة للمروحة تاخد لوحديها كهربا جديدة بعيد عن الفيوز زى مقومة جدا بس كبرت شكلى عايز اروحلو وعملها عشان دى تانى مرة ولو حد عارف اية الطريقة الا هيعملها فيدونى الله يخليكو