الحمد لله الرخص اتسحبت :)

**janagabr** · 11-09-2013 01:08 AM

معلش يا باشا بدون زعل انت كنت مخاف ولا لا وانت داخل علي الكمين ؟ يبقي لازم تاخد مخالفة ومالناش دعوة بالناس التانية اللي يفيم يفيم واللي يشيل النمر يشيلها انا راجل في حالي وبمشي صح ومخاليش بني قادم يجروؤ انه يقولي تلت التلاتة كام طول مانا ماشي صح يعني كلنا نعرف ناس بتحشش وبتضرب بيرة وترامادول واللي بيمشي مع بنات في الحرام هل انا مطالب ابقي زيه لا طبعا
وفي النهاية كل واحد مسئول عن نفسة امام المولي عز وجل ولا تزر وازرة وزر اخري والحق احق ان يتبع

**janagabr** · 11-09-2013 01:25 AM

بالنسبة للرخصة زمان اول مطبقوا قانون حزام الامان تاني يوم من تطبيق القانون اتمسكت في لجنة في التجمع الخامس عند المطب عشان مش لابس الحزام فالظابط خد الرخصة وعملي وصل وقالي ممكن تتصالح او تستني وتاخدها من مرور الدراسة بعد دفع المخالفة المهم قولت اعمل تصالح فوري ودفعت بتاع مائة او مائة وخمسون جنية وخت وصل بالفلوس ورجعلي الرخصة في ساعتها واقسم بالله كنت قادر اني اجيب الرخصة تاني يوم ببلاش بس مادام انا غلط يبقي لازم اتحمل غلطي وعن قناعة وده مبادئ الرجولة اللي علمني اياها والدي اعزه الله

**mahmoud_afifi** · 11-09-2013 01:40 AM

المشاركة الأصلية كتبت بواسطة باسم يوسف

انا غير متفهم لموضوع الفاميه هذا

ما هي فائدته الحقيقيه ؟

بصراحه انا كنت حاطت فاميه درجه متوسطه في العربيه كلها ما عدا الامامي. كان مقلل الحراره والضوء بنسبه كبيره.
اول لما وقفوني وشيلت الفاميه وكملت طريقي حسيت بفرق السما من الارض وحسيت بالصهد. بصراحه ربنا يسامحهم على القانون المتخلف ده ويكون في عون الناس الي ماعندهاش تكييف قوي.

**medo111** · 12-09-2013 05:39 AM

مصالحه يعني تروح للظابط دا تاني وتدفع مبلغ عنو معرفش للفاميه كام وتجيب الرخص بتعتك قبل ما تروح المرور بس بتدفع مبلغ زياده شويه ودا طبعا احسنلك انا كنت دفعت في حدود 100 جنيه عشان صف تاني حتي لو قالك العسكري سلم الرخص هيبعتك المرور بورقه تروح تاخدها علي طول

**windofchange** · 13-09-2013 12:57 AM

المشاركة الأصلية كتبت بواسطة haitham basha

معلش يا كبير متزعلش نفسك خير ان شاء الله . شوف يا غالي إنت يا إما تكلم واحد صاحبك ظابط أو وكيل نيابه يجبهالك و انت أعد باشا ...!!! يا أما بقى لو معندكش و ده حال كتير مننا يبقى تروح وحده المرور الي في الدراسة كمان تلات تيام و هتدفع غرامة بردو على شان تاخد الرخصة أما موضوع المصلحة ده يعني إنك تتصرف في واسطه على شان متدفعش الـغرامة و تجيلك الرخصة قبل ما تروح الدراسة لأنها لو راحت يبقى بخ كده و هتدفع يعني هتدفع ... و ربنا يستر و مضعش زي ما حصل معايا قبل كده و لففوني حوالين نفسي شهر و نص و في الآخر طلعت بدل فاقد ... و لو في أي سؤال أنا حاضر ...

طيب الرخصة لو اتسحبت (انتهاء مدة) ورحت اجدد في المرور اللي تابع له بعد 6 شهور هتكون في المرور بتاعي ولا في الدراسة؟