الحمد لله الرخص اتسحبت :)

**os.a.ma** · 10-09-2013 11:52 PM

انهردة معدي في كمين رخص العربية اتسحبت عشان متفيمة وخدت بيها وصل .. الي كان واقف كان رئيس مباحث المرور معرفتش اتكلم معاه - رخصك اتفضل - المهم بسأله كدة اخد الرخص منين قالي قدامك 3 ايام تعمل فيها مصالحة وتستلم الرخص .. يعني ايه بقى اعمل مصالحة ؟؟ وهتبقى عليها غرامة كام ؟؟؟
انا بعد الكمين وقفت على جنب وشلت الفامية كله بس بت الي في الضهر ولحد ما شلت الفاميه كان الكمين اتلم

**Elawany13** · 10-09-2013 11:58 PM

قولنا كتير امشى صح يحتار المرور فيك
وملكش دعوة بغيرك ومتقولش اشمعنى

خير الحمد لله
قدر الله وماشاء فعل

عقبال ما يطبقوا القانون على انفسهم وأقرابائهم أولا وبعدين يطبقوه على باقى الشعب
ونبقى دولة محترمه

**Elawany13** · 11-09-2013 12:10 AM

المشاركة الأصلية كتبت بواسطة os.a.ma

ده انا والله لسه مركبه الاسبوع الي فات بس ! ! ! والي يغيظ انه كان في ناس بتعدي في الكمين ومفيين دارك كمان بس متعرفش ليه

مهى ديه الكارثة اللى تنقط
اللى بيعدوا دول البشاوات اللى ماسكين القضاء والشرطة والجيش
أو حتى اللى لسه فى كلية الشرطة
وجيران البشاوات
واصحاب البشاوات
ومعارف اصحاب البشاوات
واللى معاه كارت الباشا
وهكذا
وعمرنا ما هننظف ابدا
وعمرهم ما هيتغيروا ابدا
لا نافع معاهم ثورات ولا تغيير انظمة
ربنا معاك

أنا بحب امشى سليم علشان محتكش بالأشكال ديه
ومحدش يبقى ليه عندى حاجه

حسبنا الله ونعم الوكيل

**Ashraf_Ibrahim** · 11-09-2013 12:24 AM

معلش يا عزيزي قدر الله وما شاء فعل
الستاير طيب يا شباب نظامها ايه عشان انا كدة مش هفيم بس بفكر اجيب ستاير عشان الشمس !

**Haitham Basha** · 11-09-2013 12:28 AM

المشاركة الأصلية كتبت بواسطة ashraf_ibrahim

معلش يا عزيزي قدر الله وما شاء فعل
الستاير طيب يا شباب نظامها ايه عشان انا كدة مش هفيم بس بفكر اجيب ستاير عشان الشمس !

شوف يا باشا أنا اعدت 5 سنين مركب ستاير الكبس محدش فتح بقو معايا و كنت بعدي على كماين ما يعلم بيها إلا ربنا و أوسخها كمينين واحد في أول عباس و التاني في المعادي و الستاير كانت طبقتين مش طبقه واحده كمان ...

**mahmoud_afifi** · 11-09-2013 01:04 AM

المصالحه انك تشيل الفاميه وتاخد رخصك عادي.
بعد ال3 ايام دول هيخلوك تشيلها برضه بس هتعمل فحص. والفاميه مفيش عليه مخالفه يعني مش هتدفع فلوس.
حصلت معايا قبل كده كنت هعدي بس قال لما أرخم عليه شوية وخلاني اشيل الفاميه والحمدلله اتشال بسرعه وخدت الرخصه.

المشاركة الأصلية كتبت بواسطة ashraf_ibrahim

معلش يا عزيزي قدر الله وما شاء فعل
الستاير طيب يا شباب نظامها ايه عشان انا كدة مش هفيم بس بفكر اجيب ستاير عشان الشمس !

لما وقفوني عشان الفاميه وشيلته قعدت افتح حوار مع الظابط و اوقعه في الكلام. الخلاصه ان الستاير مش ممنوعه بس لو الظابط حب يتلكك هيقولك انها ممنوعه. ودي على حسب حظك :d

-

الموضوع: الحمد لله الرخص اتسحبت :)

LinkBack

أدوات الموضوع

عرض

-

-

-

-

المواضيع المتشابهه

الرخص اتسحبت بسبب الستاير و العربية داخلة فحص ؟؟

رخصتى اتسحبت

الرخص اتسحبت؟

رخصتك اتسحبت كام مرة

الكلمات الدلالية لهذا الموضوع

المفضلات

المفضلات

ضوابط المشاركة