استفسار عن مواصفات سيراتو 2014

**Ahmed.Fahmy** · 11-09-2013 10:18 AM

السلام عليكم

اخوكم من بيجو وعندى استفسار كدا

واحد قريبى وعزيز على عاوز يشترى عربية فى حدود 150000

وبما انى كنت بقارن بين الالنترا والسيراتو الاتنين اول فئة اوتوماتيك فى المقام الاول وعاوز احط معاهم عربيات تانية فى نفس رينج السعر زى اللنسر الشارك والكروز والكيا سول والتيريوس لكن شكلهم قديم شوية كنت عاوز اعرف اللى ممكن يخلينى افضل السيراتو على كل العربيات دى خصوصا الالنترا

ياريت بقى الناس الحلوين يقولولى كل المواصفات، المميزات العيوب، قضع الغيار، الاوبشن والسعر...

ملحوظة: انا عامل الموضوع فى هيونداى وكيا عشان عاوز تقارير مفصلة وماحدش يقوللى خليجى

**Hosam_Optrawy** · 12-09-2013 03:33 AM

السيراتو حاليا عليها تخفيض 6 الاف وسعر اول فئه اوتو بقى 144

الفئه اللى بعدها EX بقت ب 152 وفيها AirBag للسائق وجنوط سبور 16 وطاره ملتى و Immobilizer أساسى

الإلنترا هاتكون نفس المواصفات والسعر تقريبا بس بدون جنوط سبور لكن تزيد المرايات الضم ولو زودت حاجه بسيطه ممكن تجيب الفئه اللى فيها زياده ABS تمنها تقريبا 153-154 حاجه كدا , وكمان الإلنترا دلوقتى بقت بتنزل ب Immobilizer أسىاسى فى كل الفئات بعد إنتشار موضوع السرقه

بس لو ناوى على إلنترا يبقى الأفضل تنتظر 2014 عشان اتعملها تغييرات بسيطه ومتوقع تنزل فى خلال شهر او اتنين

http://www.nilemotors.net/Nile/373195-2014.html

**Ahmed.Fahmy** · 12-09-2013 07:59 AM

يا باشا الف شكر على المعلومات القيمة دى والمحايدة

يعنى انت رأيك سيراتو وللا النترا؟

**Hosam_Optrawy** · 13-09-2013 04:59 AM

المشاركة الأصلية كتبت بواسطة ahmed.fahmy

يا باشا الف شكر على المعلومات القيمة دى والمحايدة

يعنى انت رأيك سيراتو وللا النترا؟

العربيتين نفس الشاسيه والموتور والفتيس ( مع إختلاف الموديل ) لكن الإتنين 6 سرعات , يعنى المضمون واحد

اللى هايفرق الشكل والتجهيزات والسعر والراحه النفسيه , ياريت قريب حضرتك يركب الإتنين ويشوف هايرتاح لمين فيهم , لأن مفيش فرق بينهم فنيا

الألنترا منتشره أكتر من السيراتو لأنها نزلت قبلها فلو بيحب المنتشر خليه فى الإلنترا , ممكن تسأل على أسعار الصيانه وقطع الغيار برضه

انا شخصيا بميل للسيراتو

بالتوفيق