تقرير تحويل رينو لوجان اوتو للغاز الطبيعي ومناقشة فعالة

**El Prince** · 02-04-2013 03:59 PM

ومازلت منتظر رد من الزملاء - قطعة المعدن بين الماتور والريداتير الي فوق مسطرة الرشاشات - ما هدفها - لاني اخترت اني اشيلها ...!!

غالبا ده غطا حماية الموتور و البوجيهات

**gebreel** · 02-04-2013 09:29 PM

الف مبروك يا باشا و يا ريت الصور و تفاصيل الشركة من عنوان و تليفون الخ ...

**Sh_sunsea** · 02-04-2013 10:18 PM

المشاركة الأصلية كتبت بواسطة gebreel

الف مبروك يا باشا و يا ريت الصور و تفاصيل الشركة من عنوان و تليفون الخ ...

تفاصيل الشركة كلها تلاقيها على الموقع بتاعهم ده

التحويل

بس للاسف كل ارقام تليفوناتهم محدش بيرد -

وبالنسبة للفرع الي روحته - الفرع الرئيسي بجوار محطة الماظة بتاعة السوبر جيت

بالمناسبة - أغلب محطات الغاز بتبقى عاملة مضخة على الاقل للملاكي لوحده -علشان محدش يتخض من طوابير التاكسي - انت بتدخل تمون وتمشي على طول

**Land_Cruiser** · 02-04-2013 10:27 PM

طيب حضرتك سألت هيبقي ايه نظام الضمان بتاع العربيه بعد تركيب الغاز؟ يعني العربيه هتفضل في الضمان و لا كده خرجت منه؟

**samehkamel** · 02-04-2013 10:54 PM

طيب عندي سؤال لما لتر الغاز بيمشي العربية كام كيلو؟ وبكام اللتر؟

**walidzakzok** · 02-04-2013 11:10 PM

بس كدة ضمان الموتور بخخخخخخخخ

**Sh_sunsea** · 03-04-2013 12:16 AM

المشاركة الأصلية كتبت بواسطة samehkamel

طيب عندي سؤال لما لتر الغاز بيمشي العربية كام كيلو؟ وبكام اللتر؟

بص لسه محسبتهاش - بس بحساباتي في الفيرنا 100 كيلو كانوا بيعملوا متوسط 13 جنيه - بنزين وغاز بيبقى المتوسط 5 جنيه

وده لانك بتستهلك بنزين مع التسخين وفبل ما تركن العربية

المشاركة الأصلية كتبت بواسطة walidzakzok

بس كدة ضمان الموتور بخخخخخخخخ

ده حقيقي للأسف

**احمد بيكو** · 03-04-2013 01:19 AM

الف مبروك انا شاهدت برنامج على الاولي المصرية 3 ابريل انهم بيركبوا الغاز مجانا في السيارات و دة تخفيف لازمة البنزين و هكذا و انا معايا لوجان اوتو و ضربا في دماغي الفكرة فاتصلت برينو 16202 و سالتهم عن فكرة الغاز بلغني للاسف ان السيارة ستخرج من الضمان و ان السيارة مخصصة لتعمل بالبنزين فقط و ليس الاثنين
مع اني شايف السيارات التي تعمل بالغاز ماشية و زي الفل