انا اتجننت و حانتحر يا رجالة يا تلحقوني يا متلحقونيش !!!

**فبريكا** · 11-09-2013 10:36 PM

المشاركة الأصلية كتبت بواسطة menaraafat85

معلش أنا فى الشغل والفيديوهات مش بتشتغل عندى
بس هو ليه حضرتك بتقفش فى أول اختيار دايما
يعن أنا لما قولت على الشيفروليه قولت لانوس & أفيو .... حضرتك اتكلمت على اللانوس بسسسسسسسسسسسسس وجيبت كل عيوبها
لما قولتلك على الرينو قولت لوجان & سانديرو ..... قولتلى اللوجان فيها وفيها وفيها من غير أى مميزات؟؟؟؟؟؟ ومن غير ما تجيب سيرة السانديرو!!!!!
خلينا متفقين على مبدأ إن مفيش عربية خالية من العيووووووووووووووووووووو ووووووووب
المرسيدس & البورش & البى إم دبليو & اللامبورجينى & ............... عيبهم فئة عالية فى السعر - قطع غيار نار - حريقة بنزين
أعتقد ده هايكون ردك هاتذكر العيوب بس
فى حين إن ليهم مميزااااااااااااااات ولا أروع
ثبات - أمان - رفاهية
حدد عايز ايه وايه العيوب اللى ممكن تتغاضى عنها
يعنى حتى الرينو بتقولى على عيب إنها بتتلقب فى رالى!!!!!!!!!!!!
هى فين العربية اللى مش بتتقلب؟؟؟؟؟؟لأ وكمان فى رالى!!!!!!!!!
طب ماسألتش نفسك
اللى داخل رالى ده يعنى عارف هو رايح فين وجاى منين وراكب ايه وشارى العربية دى بالذات ليييه
طب ايه اللى خالاه اختارها طالما بتتقلب فى الرالى
أنا ماشوفتش الفيديو بس ده على أساس كلامك

لا يفندم العفو انا مش بقفش بس انا بتكلم على اعرفة بالنسبة للـ سانديرو معنديش معلومات عنها ده غير اني كلمت توكيل رينو وسالتهم عن العربيات السيدان مقليش على العربية دية سانديرو لانها انا كنت بسال على العربية الى في حدود امكانياتي هي دية الفكرة .

انا مقولتش رالي بس انا اتفرجت على العربيات فى الرالي بعد ما اتقلبت عربية ابن عمي علشان اشوف العربية فعلا بتقلب ولا لا وبعدين الرالي بتستعملة شركات العربيات لتجربة العربيات وتلافي العيوب ومش شرط ان العربية في رالي تبقى ممتازة وكويسة او الاختيار تم على الاساس ده لان سعات كتير بتقى نفس الشركات بتنزل الموديلات دية فى الرالي الاول باسمها وعلامتها التجارية يعنى الاختيار مش بيتم على الجودة ده نوع من الدعاية و التجربة والاختبارات بس حتى بعد التعديلات ممكن تكون المشكلة لازالت قائمة ولم تحل من الجذور وبسببها بتقفل شركات زي شركة دايو مثلا على سبيل المثال لا الحصر وشراء شركة دايو كان مناسب للشركة الامريكية لانها كانت تنوي انتاج السيارات الصغيرة تنافس بها السوق .

بالنسبة للعيوب والمميزات و الموديلات التانية من شيفورلية الافيو انا رديت على حضرتك بس النت عندي بطئ شوية وبيدخل التعليق مرتين سعات كمان .

الرصاصة لازالت في جيبي حد يلحقني قبل ما اتهور .... اشتري اااااااااااية

**bassem.naguib** · 11-09-2013 11:25 PM

المشاركة الأصلية كتبت بواسطة فبريكا

استاذ باسم انا كنت خلاص ماسك السكينة وحقطع الوريد ... انا من اشد المعجبين بتعليقاتك و شكلك انت الى حتعقلني والله وترجعنى لصوابي مهى المشكلة ان المادة الى بتحكم الواحد بس مهو مبلغ بردوا ومش معقول ترمي فلوسك في اي حاجة والسلام وانا شوفت تعليقات لحضرتك بالنسبة لموضوع الصدا والبرومة والدهان خلتنى افكر كتير جدا وقلقتني وانا كتبت احتياجاتي في العربية يا ريت لو تنصحوني اقدر اجيب اية زيرو بالمبلغ دة ومبقاش ندمان واقول يا ريت واغنى ظلموة

بص يا باشا ومن الآخر .. أنا مقدر جداً الحيرة اللي أنت فيها اللي أساسها نظرية اقتصادية وهي الندرة في المقدرة المادية والاحتياج لأفضل مواصفة (مش عاوز ترمي فلوسك في أي حاجة وترجع تندم عليها بعد كدة) .. من خلال النقاشات اللي دارت اكتشفت أنك عاوز تفضفض معانا في الكلام أو تفكر بصوت عالي معانا .. ودي شيء كويس في حد ذاته لأنه ما خاب من استشار .. ولكن صدقني أصل الاختيار هو أنت مش بناء على نصيحة فلان أو علان .. وأنا عن نفسي مقدرش أشيل ذنب أني أوجهك لماركة معينة وترجع تقول بينك وبين نفسك فلان هو اللي ورطني فيها .. لو حابب ماركة معينة لو فيها العيوب الطين حتكون من جواك متغاضي عنها .. إنما لو اشتريت بناء على نصيحة أحدهم وأنت مش راضي عن العربية وجه كاوتش العربية نام منك في السكة حتقعد تلعن اليوم اللي اشتريتها فيها واللي وجهك ليها .

زي ما قال أحد الأعضاء طبعاً الياباني ياباني حتى لو تقفيل جنوب أفريقي أو تركي .. وكذلك الأوروبي لا غبار عليه .. بس حتعمل أيه العين بصيرة والأيد قصيرة .. والزيرو زيرو برضه وله بريقة .

وزي ما قلت ليك قبل كدة .. جميع العربيات التقفيل المصري عيوبها واحدة .. وهي دقة وجودة التقفيل بالإضافة إلى رداءة المكون المحلي إلى حد ما زي كاوتش الأبواب مثلاً .. وبما أنها عربيات اقتصادية بالتالي مش حتلاقي جودة للخامات .

بالنسبة لنقطة الدهان .. علشان نقطع عرق ونسيح دمه .. برضه جميع السيارات التجميع المصري الدهان بتاعها سيء وفنش الدوكو مش أد كدة .. وده حتلاقيه في البي واي دي واللانوس والفيرنا والأفيو إلخ .. بس مش معنى كدة أن العربية حيحصل ليها بارومة (مشفتهاش في عربية من دول لغاية دلوقتي) .. وزي ما قال أخي المواطن قشرة الدهان ضعيفة بالفعل بس الصاج مش حيفتح بارومة لأنه في الأصل ومن المفروض معالج ضد الصدأ (مش زي العربيات القديمة 128 ، 131) .. ممكن لما البوية تكشف الصاج لونه يغير نتيجة عوامل الجو وغسل العربية .. وعلى فكرة الموضوع ده راجع في الأساس لعدم وجود خط دهان " ألبو " في مصر حتى الآن .. وعلى حد علمي الخط ده كان موجود في المرحومة النصر للسيارات .

أنا شايف أنك ميال من جواك للبي واي دي بس محتاج للي يأكد ليك اختيارك ويأيده .. وده عن نفسي مش حعمله معاك أو مع أي عضو .. وأكيد وللمرة التانية الاستخارة هي استشارة وتوكيل لله سبحانه وتعالى لتوجيهك لما يناسبك فهو الأعلم الخير فين .. أعمل استخارة على البي واي دي والله لو فيها خير ليك حتلاقي الأمور ماشية زي الفل .. لو مفيهاش حتلاقي الموضوع اتعقد وممشيش ..

خالص تحياتي

**فبريكا** · 12-09-2013 12:55 AM

طيب بالنسبة للياباني هل في عربية في حدود 90 جديدة ولو مستعمل تنصحوني باية

يلا بسرعة قبل ما اتهور

**فبريكا** · 12-09-2013 01:02 AM

طيب بالنسبة للياباني هل في عربية في حدود 90 جديدة ولو مستعمل تنصحوني باية

**bahaa sadek** · 22-09-2013 01:38 PM

geely emegrand

**mody112** · 22-09-2013 03:50 PM

المشاركة الأصلية كتبت بواسطة فبريكا

طيب بالنسبة للياباني هل في عربية في حدود 90 جديدة ولو مستعمل تنصحوني باية

ميتسوبيشى لانسر بومه 2008-2009
تويوتا كورولا 2005-2006

**فبريكا** · 22-09-2013 06:32 PM

المشاركة الأصلية كتبت بواسطة bahaa sadek

geely emegrand

اشكرك هي عجباني بس صينى بردوا

**فبريكا** · 22-09-2013 06:38 PM

المشاركة الأصلية كتبت بواسطة mody112

ميتسوبيشى لانسر بومه 2008-2009
تويوتا كورولا 2005-2006

كلام جميل مقدرش اقول حاجة عنوا بش مش ديقة من جوة ؟

**mohamed1979** · 23-09-2013 11:10 AM

المشاركة الأصلية كتبت بواسطة فبريكا

كلام جميل مقدرش اقول حاجة عنوا بش مش ديقة من جوة ؟

اعتقد ان وسعها معقول
بس المشكله ان الواحد ميضمنش عداد العربيات دى
ولو عدادها مظبوط بتكون عده كيلو متر كتير اووى الا من رحم ربى
علشان تلاقى عربيه مضمونه بيكون صعب اووىو فى عربيات كتير فى السوق مسرووقه و برخص مزوره

انا بصراحه محتار بين عربيه زيرو و البى واى دى او حاجه مستعمله فى حدود 85 الف
اساسا بردو محتار بين البى واى دى المصرى و المستورد
وفى نفس الوقت لقول الزيرو مفيش احلى منه حتى لو فى بعض المشاكل انا ممكن اتعايش معاه بس متكونش مشاكل جوهريه و خصوصا انى بستخدم العربيه فى السفر و اوقات كتر جدا بسافر باليل فمش عايز حاجه تحطنى فى موقف مش و لا بد