الصوت العالي لموتور فكترا 1998

**Thegazy** · 11-09-2013 02:12 PM

فجاة وبدون مقدمات ارتفع صوت الموتور للسيارة أوبل فكتر 1998 عند إدارة المحرك وكذلك أثناء السير ، وبمراجعة مكان الصوت وجدته في منطقة يمين المحرك من ناحية غطاء سير الكاتينة والدينامو ،،، فهل يكون العطل في سير الكاتينة ؟ مع العلم ان السيارة عاملة 45,000 كيلو فقط منذ شراؤها . برجاء التكرم بالمساعدة .

**أحمد جودة** · 11-09-2013 03:40 PM

ممكن سير الدينامو ..... او سير الكاتيننة

**Thegazy** · 11-09-2013 05:49 PM

المشاركة الأصلية كتبت بواسطة eng\ahmed

ياريت توضيح لنقطة 45 الف كيلو منذ شرائها
لو شاريها مستعملة وعملت بيها 45 فانت متعرفش السيور وبلى الشدادات متغير امتى
ولو شاريها زيرو ولحد النهاردة عامل 45 فالسيور بتتغير بمسافة وزمن يعنى السيور دى منتهية من زمان

غالبا هتلاقي بلية الشداد

السيارة عاملة 45 ألف كيلو منذ شراؤها جديدة ولكن استخدامها قليل جداً . وفعلا لم يتم تغيير اي سيور لها منذ الشراء . فما هي السيور المطلوب تغييرها بالتحديد . كذلك بلية الشداد . وهل هناك ورشة صيانة محددة للقيام بهذا العمل في منطقة مصر الجديدة ،،، وشكرا على الاهتمام .

**ENG\AHMED** · 11-09-2013 08:46 PM

المشاركة الأصلية كتبت بواسطة thegazy

السيارة عاملة 45 ألف كيلو منذ شراؤها جديدة ولكن استخدامها قليل جداً . وفعلا لم يتم تغيير اي سيور لها منذ الشراء . فما هي السيور المطلوب تغييرها بالتحديد . كذلك بلية الشداد . وهل هناك ورشة صيانة محددة للقيام بهذا العمل في منطقة مصر الجديدة ،،، وشكرا على الاهتمام .

ماشاء الله , ربنا يبارك لك فيها
مبدأيا كده العربية محتاجة صيانة كاملة ... كتر خيرها ان السيور عايشة لحد دلوقتى

سيور دينامة وكاتينة بالشدادات , فلاتر هوا وبنزين وتكييف , بوجيهات , تغيير جميع السوائل