الموضوع: اسمـــــعو .. و أعـــو Octavia 1.4 TSI A7

المشاركة الأصلية كتبت بواسطة EngAhmedSayed

مشكور على التقرير الجميل
من حضرتك و سياتك الحمد لله بطبق القاعده فى المنتدى
افيد و استفيد
احيك على تجاوبك معانا و نتمنى استكمال مسيرتك معانا
مع وافر الشكر و التقدير
لسياتك
ربك المستعان

تسلم علي ذوقك

انا بدأت اراسل سكودا headquarter و ان شاء الله هوضحلهم كل حالات التخلف العقلي اللي بيعملها ال call center بتاع artoc سواء من المبيعات او المهندسين اللي مش فاهمين شغلهم

و ربنا يقدرنا علي فعل الخير

انا لسه شاري العربية من يومين بصراحة العربية جميلة جداً وآل سبورت درايف فعلا هايل بس لو في حد خبرة يقولي علي حاجتين مش عازفهم
ايرور في إلاير باك بعض الناس قلولي هيه بتنزل كده ولازم تروح التوكيل علشان يعمل اكتفيشن
السينسور مش حاسس بيه هل فيه اوبشن
بس بصراحة العربية ممتازة في الفخامة من الداخل وعل الطريق

المشاركة الأصلية كتبت بواسطة waelamin123

حرام اللى التوكيل دة بيعملة فى سكودا يا جماعة تخيلو روحت القطامية واحدة من المبيعات تقولى الدراع اليمين فى a7 بيعلى ويخفض مستوى صوت الكاسيت وفى اﻻخر روحت معرض قالى دة مسئول عن كمبيوتر العربية وقولها نوع العفشة اية مش عارفة قولتلها على فكرة اسمها تورشن بيم وواحد اسمة حسام فة المقطم يقولى لو خايف من الفتيس بلاش تركبها شوفت التسويق فى الشركة عامل ازاى

خسارة ان الواحد يدفع فلوس في عربيتهم دي اصلا

الخلاصه يا جماعه علشان انا لما جبت اخري نزلت من المحلة الكبري للمقطم مخصوص علشان اوشوف و اتفرج علي العربيه بنفسي ... و اتمني اني اكون افدتكم

الفروق من الأخر ما بين ال Ambition و ال Elegance علشان عيون الزملاء الكرام

(1) المفتاح Start Engine مش مفتاح زي ال Ambition
(2) المكيف Climatronic ثنائى المناخ و في ال Ambition هو عادي
(3) الكاسيت هو هواه مفيش اي زياده و انا شوفت بنفسي بفضل الله الزياده فقط في التحكم في المكيف من الشاشه و في كلتا الحالتين BOLERO
(4) الطاره مالتي اما في ال Ambition مفيش اي مفاتيح
(5) فوانيس ليد اماميه و خلفيه و في ال Ambition خلفيه فقط
(6) زينون Bi Xenon عالي و واطي و في ال Ambition فوانيس عادية بس تحس ان فوانيس الزينون مديه للعربيه شكل تاني خالص جامد جدي :)
(7)نواكل علي الزجاج من الخارج اما في ال Ambition مفيش نواكل
(8) الفرش جلد من الخارج و شمواه من الداخل اما في ال Ambition هو قماش و علي فكره الفرش الجدل تحفه تحفه و شيك جدا.
(9) كرسي السائق كهرباء (السائق فقط) و لكن في ال Ambition مفيش الكلام ده
(10) فتحة سقف (مش بانوراما) و انا بكرر ( مش بانوراما) هي عريضه فقط و طبعا مفيش في ال Ambition فتحة سقف
(11)الجنط 16 برضه و لكن شكله وحش جدا جنب بتاع الAmbition لأنهم جابو الجنط بتاع ال فانتازيا و حطوه لل ELEGANCE .. حاجه تزعل
(12) الأيرباج هما هماهم 2 فقط لا غير مفيش اي اختلاف زيهم زي بعض ال Ambition و ال Elegance

ان شاء الله مفاتنيش اي حاجه و انا شايف ان اللي فارق معايا الزينون و الطاره المالتي اما الباقي ملوش اي لزمه.

في اعتقادي انهم في الدفعات اللي جايه هيزودو حاجات في ال Ambition و ال Elegance و انهم هينزلو فئه اعلي اللي هي ال High line و ده انا استنبطه من كلامي مع حسام الصاوي لأنه قالي اصبر شويه.

اتمني اني اكون افدتكم

أخوكم عمرو يونس من المحلة

أُمال فين

8 airbag
ESP
park aassist
سخانات كراسي
كاسيت colombus
.
.
.
واخد بالك إنت
http://www.nilemotors.net/Nile/3875107066-post16.html

LOL

العربية دي بره أعلى فئة فيها ارخص من اقل فئة في جولف 7
بصوا عال reviews بتاعتها بره

العربية دي مبالغ في سعرها بظبط زي ال dodge dart
فيها بتاع 50 ألف زيادة

قبل ما حد يرد و يعملي مقارنة باسعار الكوري وبتاع
احنا بنتسرق في كل الموديلات
بس فيه حاجات بيبقى الإستهبال زيادة حبتين

المشاركة الأصلية كتبت بواسطة a.adel

أُمال فين

8 airbag
esp
park aassist
سخانات كراسي
كاسيت colombus
.
.
.
واخد بالك إنت
http://www.nilemotors.net/nile/3875107066-post16.html

lol

العربية دي بره أعلى فئة فيها ارخص من اقل فئة في جولف 7
بصوا عال reviews بتاعتها بره

العربية دي مبالغ في سعرها بظبط زي ال dodge dart
فيها بتاع 50 ألف زيادة

قبل ما حد يرد و يعملي مقارنة باسعار الكوري وبتاع
احنا بنتسرق في كل الموديلات
بس فيه حاجات بيبقى الإستهبال زيادة حبتين

انت صح

العربيه دي سعرها اخره 240 الف

غير كده استهبال