شراء بيجو 301

**Yosef_azab** · 11-09-2013 04:54 PM

السلام عليكم انا قررت اشتري البيجو 301 اوتومتك بس مش عارف اجيب الفئة الاساسيه ولا الهاي لاين و هل الفرق يستاهل فرق السعر ؟
يا ريت لو حد يعرف الفروق مبينهم يوضحلي و جزاكم الله خيرا

**m.basha** · 11-09-2013 05:13 PM

اولا ربنا يباركللك فيها لما تجيبها و انا حاجز الهاى لاين و حاستلم كمان شهر الفرق بين الفئتين 12000 بس الفروق كتيرة و بمبلغ يتعدى فرق ال 12000 زى مخدع بالصالون - بلوتوث - 4 سماعات بدل اثنين - فوجات - زراع مالتى فنكشن - جنوط - عرض الجنط 16 مش 15 و اسبور مش طاسة - مرايات كهرباء - تكييف تاتش - كاسيت بلت ان اعتقد فرق كبير اوى و الله الموفق

**amrelsaqqa** · 11-09-2013 07:14 PM

الفرق يستاهل فرق السعر من وجهة نظري
انما انا بالنسبالى الفرق بين المانيوال والاوتوماتيك مش شايفه يستاهل ( 16 الف جنيه ! عشان الفتيس بس !)
وعشان كدة حجزت المانيوال ، انما لو كان في هايلاين مانيوال كنت حجزتها بدون تردد
انما الفرق بين المانيوال والهايلاين الاوتوماتيك لقيته وصل 30 الف جنيه ، فخلتنى في المانيوال وامرى لله

الفروقات كالتالى

جنوط سبور 16 بدل حديد وطاسات مقاس 15 في البيزلاين
فوجات امامية
الكاسيت البلت ان والشاشة اللى فيه فيها كمبيوتر رحلات وبتعرض صورة العربية اثناء الركن (البارك سنسورز )
البلوتوث طبعا مع الكاسيت
التكييف التتش
مقابض الابواب الامامية محلاه بالكروم او الفرومايكا زي ما قالولى في التوكيل والتابلوه والطارة نفس النظام
كسوة جلد للطارة
دراع مالتى فانكشن
شريط نيكل برة العربية ع الجانبين تحت الازاز
مسند يد محترم جدا
ولاعة ( البيزلاين فيها مخرج الولاعة لكن بدون الولاعة نفسها )
حاجة كمان مهمة جدا ، مرايات كهربا في الهايلاين ، للاسف في البيزلاين نازلة مرايات عادية

**Haitham G** · 11-09-2013 11:18 PM

الفروق زى ما الاعضاء الكرام قالوا وانا شايف ان الفرق يستاهل بالتاكيد

**S.Hasan** · 12-09-2013 01:08 AM

بجد تستاهل الفرق ده

**Akram.Gamal** · 12-09-2013 04:03 AM

الاعضاء وفوا فى كﻻمهم
الفرق طبعا يستاهل

**Ahmedshalaby** · 12-09-2013 03:53 PM

الفرق يستاهل جدا تحس نفسك راكب عربية تانية من جوا دا غير الجنوط و النيكل من برا

**hack_storm** · 12-09-2013 07:10 PM

الإستفسار بقى ياجماعة اللي مدوخني من فترة ومش لاقي أي رد عليه
أولا أنا مش بحب ألأتوماتيك اصلا وناوي أشتري المانيوال بإذن الله بس عايز أضيف عليها شوية تجهيزات من التوكيل.

ياريت لو حد يتفضل مشكورا يحصل على بيان مفصل لأسعار التجهيزات الإضافية دي من التوكيل.

**amrelsaqqa** · 12-09-2013 09:28 PM

المشاركة الأصلية كتبت بواسطة hack_storm

الإستفسار بقى ياجماعة اللي مدوخني من فترة ومش لاقي أي رد عليه
أولا أنا مش بحب ألأتوماتيك اصلا وناوي أشتري المانيوال بإذن الله بس عايز أضيف عليها شوية تجهيزات من التوكيل.

ياريت لو حد يتفضل مشكورا يحصل على بيان مفصل لأسعار التجهيزات الإضافية دي من التوكيل.

وانا زيك بالظبط
متابع