يا جماعة فى حد استلم فى الدفعة الاخيرة اللى وصلت من بيجو 301

**m.basha** · 07-10-2013 11:51 PM

السلام عليكم انا حاجز بقالى شهر و نصف و كنت متعشم انى استلم فى المركب اللى دخلت يوم 3 اكتوبر بس للاسف وكنت حاجز من بيجو اللى فى سابا باشا الاسكندرية كلمتهم قالولى مافيش غير 5 عربيات هاى لاين حانستلمهم و فى ناس حاجزة من شهر 6 و 7 ولازم يستلموا قبلى بس قال ان فى مركب تانية داخلة اول يوم العيد و قالى ان شاء الله استلم فى الدفعة دى بعد العيد يا ترى فى حد كان حاجز من نفس المكان و عنده معلومة ياريت الافادة و شكرا لانى زهقت و قاعد من غير عربية بقالى شهرين و كنت بفكر اكلم نور الدين الموزع اللى فى طريق المطار يمكن يكون عنده عربيات ممكن يسلمهالنا بسرعة ؟؟؟

**Ahmedshalaby** · 08-10-2013 12:10 AM

ايه دا -- يعني ممكن ما نستلمش قبل العيد
انا هاعدي عليهم بكره
انا كمان بافكر اعمل زيك و اشوف نور الدين دا لو عنده عربيات لو هما ناوين يماطلونا

**mado-301** · 08-10-2013 02:17 AM

نفس الكلام حصل معايا انا حاجز من 12/8 من المعادي اتصلو بيا التهاردة قالي الدفعة وصلت بس للاسف الهاي لاين قليلة جدا وفي ناس حاجزه قبلك فلو تحب تغير وتاخد البيزلاين ممكن تستلم بعد بكرا طبعا رفضت مش بعد شهرين انتظار
حاولت اطلع منه بكلمه او اي حاجه بخصوص الدفعة اللي بعدها قالي احنا عندنا تعليمات ما نقولش مواعيد ولا حتى بالتقريب لان الظروف بتتغير في لحظه ... بس انا لما كلمته من حوالي اسبوعين قالي نفس الكلام بس كان لمح ان غالبا في دفعتين هيدخلو ورا بعض الفرق بينهم ايام ... يارب يكون في فعلا دفعه تاني في العيد زي ما m.basha بيقول

**Eng_hatemfathy** · 08-10-2013 10:47 AM

صعب جدا انى ابقى شارى حاجه مش عارفها ومش عارف جايه امتى ومش عارف هلاقى اللون الى انا عايزه ولا لأ
ربنا يصبركم
حتى الواحد فى البلد دى تعبان بفلوسه وتعبان من غير فلوس
ربنا يريحنا من ام البلد العجيبة دى اللى الطوابير فيها منهج حياة

**mado-301** · 08-10-2013 08:35 PM

ياجماعة انا قدامي دلوقتي اني ممكن استلم ستروين اليزيه هاي لاين بعد بكرا ... ايه رأيكم اتكل على الله ولا افضل مستني المجهول؟؟
ياريت تفيدوني

**m.basha** · 08-10-2013 08:46 PM

المشاركة الأصلية كتبت بواسطة mado-301

ياجماعة انا قدامي دلوقتي اني ممكن استلم ستروين اليزيه هاي لاين بعد بكرا ... ايه رأيكم اتكل على الله ولا افضل مستني المجهول؟؟
ياريت تفيدوني

افضل البيجو ليها اسم فى مصر اكتر دى ثقافة المصريين من زمان و اعتقد الاليزيه فى ناس اشتكت منها

**Ahmedshalaby** · 08-10-2013 08:49 PM

السي اليزيه متاحة قدامنا كلنا هنا في اسكندرية و من غير اوفر برايس ولا جنيه ولحد
بس القرار دا يرجع لك لان الكل قال ان العربيتين اخوات و الفرق بينهم مجرد شكل خارجي و داخلي
حتى مشكلة السوفتوير قالو انها اتحلت
يعني الموضوع كله اذواق

**mado-301** · 08-10-2013 09:05 PM

فعلا مشكلة السوفت وير اتحلت وقطع الغيار هي هي بالجنيه ... ماهو دا اللي يحير اكتر.....انا مش حاطط في دماغي نهائي سعر اعادة البيع
معلش كمان مرة رأيكم ايه

**Akram.Gamal** · 08-10-2013 11:04 PM

المشاركة الأصلية كتبت بواسطة mado-301

ياجماعة انا قدامي دلوقتي اني ممكن استلم ستروين اليزيه هاي لاين بعد بكرا ... ايه رأيكم اتكل على الله ولا افضل مستني المجهول؟؟
ياريت تفيدوني

دى مسألة اذواق ياباشا
انت حاول تتفرج على العربيتين و شوف ارتحت لايه
و اعمل استخاره

و هانت خلاص باذن الله نسبه كبيره من الناس ال حاجزين هيستلموا بعد العيد