الموضوع: استلمت ال 301 والحمد لله

استلمت بفضل الله ال 301 بالامس والحمد لله .. استلمتها من الوكيل فى صلاح سالم .. العربية ماشية 2 كيلو فقط يبدو انها تنقلاتها اثناء الشحن والافراج الجمركى عنها .. الناس اخلاق وذوق جدا صراحة .. وتنك البنزين مليان لحد النص تقريبا ..ودى حاجة انا قدرتها جدا وعمرها ماحصلت معايا فى توكيل قبل كده .. مبدئيا بقى تسلسل ما ركيته زيرو .. اانى ركبت مستعمل كثير .. ماتريكس 2007 .. فيرنا 2010 .. كارينز 2011 .. وبعدها ال 301 .. من اول وهلة فى سواقتها العربية احساسها محترم جدا من نعومة وسلاسة فى التحرك ومن سهولة الباور .. ابعادها والرؤية ممتازة ..اامريات الجانبية كبيرة وكاشفة مساحة كبيرة .. الخلفية رؤيتها جيدة والشنطة مش معاكسة فى الرؤية زى عربيات كتير .. التكييف جربته ممتاز ويصراحة لا يقل عن اليايانى والكورى ابدا ..علما باننى لسه بايع هوندا سيفيك 96 وتكيفيها طلقة ومافيش فرق ابدا ..ثبات العربية محترم ..بس انا لسه مجرتش بيها ولا اخدت ملفات ..لكن تفرق عن الكورى فى احساسك ان العرببة تقيلة وماسكة فى الارض رغم ان الكارينز اكبر منها مثلا . صوت الموتور هادئ جدا رغم انى كنت خايف من الحتة دى لان ناس كثير قالت صوته عالى .. العفشة مش ناعمة قوى ومش خشنة ويتدب ..ظبط الضغط طبعا اول ماخرجت كانوا مالين الكوتش على 45 فاحساس العفشة اريح ..على العموم ليشت ناعمة وليست مزعجة ..لكن برضوا قياسا بالكورى انعم شوسة ومش يتدي زى الكارنز وبالذات من الخلف .. السحب طبعا انا ما قرصتش ..بس السحب برضوا ممتاز ولا فرق ببنه وبين السيفيك ولكن مع نعومة الزيرو كمان .. يعنى ده احساسى المبدئى عنها لحين التدقيق والتمحيص .

المشاركة الأصلية كتبت بواسطة amrelsaqqa

الف الف مبروك
وتقرير حضرتك مبسط وجميل جدا ما شاء الله خصوصا انه مدعوم بمقارنات وخبرات مع عربيات تانية متنوعة . احييك على النقطة دى

قول اللهم اسألك خيرها وخير ما خلقت له واعوذ بك من شرها وشر ما خلقت له

الف مبروك مرة تانية :)

الله يبارك فيك ..وشكرا على التحية جزاك الله خيرا .وان شاء الله ساوافيكم بكل ملاحظاتى عليها