الموضوع: الحمد لله على كل حال الـ 301 اتخبطت النهاردة

للاسف اتخبطت وهى واقفة قدام البيت ولقيت جاري بيخبط عليا بيقولى الحق عربيتك اتخبطت :(

الراجل اللى خبطها جاى وبيتأسف وبيقوللى اللى انت عاوزه هعمله

للاسف هو كان سايق نص نقل ورجع مارشدير بعزم جامد ودخل في الفانوس اليمين قدام وطبعا الاكصدام اتفك والرفرف انتنى بالاضافة للكسر في الفانوس وبقى شكلها تييت :(

المهم انا اول ما شفتها اتصدمت و زعلت اوى وقلتله ده الفانوس ده في التوكيل باكتر من 1000 جنيه والاكصدام بـ 2000 والعربية جديدة ولسة مالهاش حاجات برة ، هو امتص غضبى وقاللى انا معترف بغلطى وبتأسفلك ومش بس بالكلام شوف زي ما تتكلف وانا معاك


دلوقتى انا مش عارف اعمل ايه ، اروح اصلحها كلها في التوكيل ، ولا اشتري الفانوس بس واعملها برة ؟
وهل ممكن الاكصدام يركب والكليبسات تكون لسة سليمة والقطع اللى فيه يتصلح وخلاص ، اصل حرام برضه اغير الاكصدام بالكامل حتى لو حساب الراجل ، ولا انتوا ايه رأيكو؟

شوفوا الصور كدة وقولولى اعمل ايه لانى محتاس بصراحة ومش عارف اصلا شغل التوكيل في السمكرة هيبقى كويس ولا لا لانها اكيد هتحتاج زرجينة بسيطة لظبط خلوص الكبوت مع الرفرف والاكصدام مع الكبوت تانى زي ما كانت :(






الصور والكبوت مفتوح يعنى الخلوصات الرأسية مظبوطة مش زي ما في الصورة
وانا قلت افتح الكبوت اشوفه هيعاكس في القفلة ولا لا، بس الحمد لله مش بيعاكس وبيقفل من اول تكة

وبصيت على ودن الفانوس من جوة لقيتها مكسورة :(

الحمد لله راضى بقضاء الله ، بس الصراحة متكدر جدا ونفسيتى تعبانة من ساعة ما عرفت :( :( :(

أستاذ عمرو قل إنا لله و إنا إليه راجعون اللهم عندك أحتسب مصيبتى فأجرنى فيها و اخلفنى بها خيرا منها
أما عن السائق فمع إحترامى لتعاطفك معه و الذى يظهر من كلماتك فهو قام بعمل فيه إستهتار و لو أنه مكانك ما تركك
من أفسد شيئا فعليه إصلاحه
و لا حرج عليك أبدا فى أن يتكفل ببعض أو كل التكلفة
إلا إذا لم ترغب أنت و لكن بدون شعور منك بالذنب
و للأسف كل مشاكلنا و معاناتنا بسبب ثقافة عدم وجود عقوبة أو حساب