لعنة الفيرنا.. مفيش عربيه بتملي عيني بعدها.. انصحوني بعربيه في رينج ١٢٠ الف

**Maghraby1987** · 13-09-2013 01:25 PM

نيسان تيدا هي الحل :)

انا لسه شايفها في المعادي المعرض اللي في شارع اللاسلكي تقريبا السبع الاسبوع اللي فات
او بيجو 301 بس التيدا اضمن

**toty_305** · 13-09-2013 03:06 PM

-أنت تركب فيرنا تاني مفيش غير كده عربية فخيمة و اداء عالي

**acs** · 14-09-2013 02:38 AM

بما ان حضرتك ركبت الصنى الشكل القديم وفضلت الفرنا عليها
يبقى فرنا اوتو احسن لك

**devil_storm** · 14-09-2013 08:59 AM

المشاركة الأصلية كتبت بواسطة acs

بما ان حضرتك ركبت الصنى الشكل القديم وفضلت الفرنا عليها
يبقى فرنا اوتو احسن لك

استحاله اركب عربيه مرتين يا برنس اذا كنت انا بفكر اغيرها علشان بقلها معايا خمس سنين و ذهقت منها كمان انا عايز حاجة اعلي في رينج ١٢٠ - ١٣٠

المشاركة الأصلية كتبت بواسطة Maghraby1987

نيسان تيدا هي الحل :)

انا لسه شايفها في المعادي المعرض اللي في شارع اللاسلكي تقريبا السبع الاسبوع اللي فات
او بيجو 301 بس التيدا اضمن

تيدا فعلا حلوه و واسعا و الهاتش منها شكله معقول و سوقتها برده لمده شهر و عربيه فعلا كويسه و يعبها استهلاك البنزين العالي جدا ذي الصني بالضبط ... انا فعلا فكرت كتير فيها بس الواحد صعبان عليه يجيب عربيه شكلها الجديد نزل خلاص

العربيه التيدا دي اعدت معايا شهر و الناس اللي بتقارنها بالاكسنت rb غلطانة و التيدا احسن بكتير من ال rb

المشاركة الأصلية كتبت بواسطة toty_305

-أنت تركب فيرنا تاني مفيش غير كده عربية فخيمة و اداء عالي

حلوة فخيمه دي :)

احسن اختيارين انا شايفهم لغايه دلوقتي بيجوا ٣٠١ و النترا اتو اول فئة لو نازلا باموبليزر بس الالنترا زياده ٢٠ الف ممكن اتصرف فيهم و هي احسن اختيار لحد دلوقتي

**eng.m7md.ali** · 14-09-2013 12:09 PM

تكييف اللانسر وحش؟!!!

طيب ماتجرب تويوتا كورولا كدة وشوف صدقني هتنزل تبيع الفيرنا :)

**saddam** · 14-09-2013 01:22 PM

صديقي المواطن
أنا كل يوم بشوف موضوعك ده وأقول لا داعي للتعليق وكفى الله المؤمنين القتال
إحنه إحتراما للي عندهم فيرنات ولانوس كتاس محترمين مبنحبش نجرح شعورهم ونقول على عربياتهم حاجة بس في نفس الوقت برضو إنت إذا بليتم فإستتروا مش تطلع تقول مش لاقي عربية ب 120 ألف أحسن من.الفيرنا ده إنته لو جبت مرسيدس موديل 60 أحسن من. الفيرنا ب 150 مرة يا راجل حضربلك مثل بسيط ومش حجيب سيرة عربيتك وإنت قيس على عربيتك
بره في دول الخليج مثلا كناس قريبة لينا ويجمعنا ويجمعهم لغة واحدة تعرف الكوروللا اللي في مصر تلاقي القاضي راكبها وحاطط سواق يسوقهالو كمان وهو قاعد ورا ومقدم الكرسي اللي قدامه للإمام عشان يوسع لرجله هناك ميركبهاش غير سواق العيلة أو الهندي والبنجالي والباكستاني فما بالك لو فيرنا متصنعة في مصر لشكل توقف إنتاجه في العالم في سنة 97 تقريبا حتقلي جمارك حقلك عيني بس برضو متعقدش تقول الفيرنا عظيمة.واللانوس عجبة وال 128 مجابتهاش ولادة والبيجو القديم الدكر محدش يزعل الفيرنا لا تصلح سوى أن.تكون محطة في حياة اﻹنسان أو عربية شقى وبهدلة مش عربية خروجات ولا تروح تخطب بيها والقصص دي محدش يزعل وربنا يديمها عليك ويوسع رزقك وتركب شبح بس يا ريت تقعد مع نفسك وتوزن.اﻷمور بميزانها الصحيح وأرجو عدم.الرد على مشاركتي وتكبير الموضوع ودمتم للنضال

**Mohamed_Hamid** · 14-09-2013 03:31 PM

المشاركة الأصلية كتبت بواسطة devil_storm

حظيره نفايات ايه... بقولك مش لاقي عربيه بديله و حتي العربيات الاغلي مش احسن منها!!! طب خد عندك

لانسر ١٣٠٠
اعدت معايا ٣ شهور سحب ضايع و كرهتني في السواقة - تكييف ضايع و ضعيف جدا ... و والا صوت الكمبرسور و هو كل شويه بيشتغل و يفصل يا ساتر ... كان بيجبلي توتر عصبي!!! لو جبتها حتديني ايه زياده عن الفيرنا!!!

نيسان صني
اعدت معايا ٦ شهور تكيفها ممتاز بس برده مش ذي الفيرنا ... حوت في استهلاك البنزين و عزل بشع!!! صوت الهواء و انت قافل الازاز كانك فاتح الازاز ... اسوء عزل عربيه في كل العربيات الحديثة ... و مش نعمة خالص و عفشتها ناشفة غير مشاكل التقفيل و الصالون الضيق ... لو جبتها حتديني ايه زياده عن الفيرنا!!!

اكسنت rb
بضعف ثمن الفيرنا و مش فاهم علي ايه لحد دلوقتي!!! نفس الصالون الضيق و الخامات البلاستيك الرديئة و عدم الثبات علي السرعات العاليا و ضعف الفرامل!!! قطع غيار سعرها اغلي بكتير عن الفيرنا!!! انا مدفعش فيها اكتر من ١٠ الاف زيادة عن سعر الفيرنا يعني اخرها ٩٠ الف مانيوال وحتي لو بالسعر ده مش حجبها لانها مش حتحسسني بأي فرق عن الفيرنا

كيا ريو
ذي الاكسنت rb بالخامات الرديئة و اسعار قطع الغيار الغليا و ماتور اضعف كمان!!!

انا مبقلش الفيرنا احسن من العربيات دي كلها لكن انا عايز عربيه تحسسني بفرق السعر اللي حدفعو و مش لاقي و هي دي لعنة الفيرنا

انت كدة حلك الوحيد انك تطلع من الكورى خالص وتدخل الأوربى وفى الحالة دى زى ما اخواننا الأعضاء قالوا وحسب الرينج بتاعك يبقى عليك وعلى البيجو 301 او الاليزيه لأن حسب كلام ملاكها فى منتدى السيتروين المشلكة اللى كانت فيها اتحلت الحمد لله.
بالتوفيق ان شاء الله.

**devil_storm** · 14-09-2013 05:48 PM

المشاركة الأصلية كتبت بواسطة eng f3lix

تكييف اللانسر وحش؟!!!

طيب ماتجرب تويوتا كورولا كدة وشوف صدقني هتنزل تبيع الفيرنا :)

اكيد الكرولا جميله مش محتاجه كلام و اكيد حتخليني اتف علي الفيرنا مش احس بفرق!!! الكرولا نعومه و تكييف تلاجة و اعلي اعتماديا و هدوء ماتور و خامات كويسه و وسائل امان و ...و ... بس الكرولا بكام؟؟ out of budget !!! ولا انت قصدك مستعمل و قضيها ميكانيكيا و وجع دماغ!!! انا شايل فكرت المستعمل نهائي ... الجديد ليه طعم تاني كمان الجديد بتجيبه و ترتاح خمس سنين بدون وجع دماغ