طبعاً غلط علي طقم وأسطوانة الدبرياج,
أحنا بنحتاج الدبرياج عشان نوقف العربية من غير ما العربية تبطل, لأن الموتور بطبيعته في حركة دائمة وبيلف طول الوقت, وأحنا عشان نقدر نوقف العربية من غير ما العربية تبطل, بندوس علي الدبرياج عشان نفصل الموتور عن الفتيس,, لما أنت بتشيل رجلك الاسطوانة بترجع تاني بعيد عن الموتور ومش بتتحرك.
لكن طول مانت ضاغط علي الدبرياج وأنت واقف, هتخلي أسطوانة الدبرياج في حركة دايمة طول الوقت مع الموتور, وفي وسط الزحمة والحر وضغطك المتكرر والدائم عليها هياكلها أسرع من معدل تأكلها الطبيعي.
لو أنت شايف أنك هتقف ثواني, والعربيات بتتحرك براحة, مش مشكلة أنك تسيب رجلك علي الدبرياج عشان متفصلهاش وتوصلها كل شوية أو مرتين في وقت قليل, وهيبقي أحسن من أنك تمور وتدي غيار في أقل من 5 ثواني مثلاً كذا مرة ورا بعد.
أما لو شايف الطريق واقف وهتقف أكتر من 5 ل 10 ثواني, مور طبعاً, وريح الأسطوانة والديسك, وريح أعصاب رجليك كمان عشان متشدش منك من كتر الضغط عليها.
ومتخافش مش هتبوظ منك بسرعة, عشان متحطش أستريس علي أعصابك وتقول أدوس ولا أسيب,
كل حاجة ليها عمر أفتراضي, وأنت دلوقتي عرفت الصح أيه.
وبالنسبة لسواقين التاكسي, دي ناس بتغير أسطوانات الدبرياج بشكل أعلي مننأ, وطول اليوم بينقل غيارات, فمش بتفرق معاه هتبوظ بسرعه ولا هتطول معاه لأنهم بيغيروها أسرع مننا, ولو وحشة بيستنو عليها, بس في عربياتنا مش هتبقي مريحة العربية لو الأسطوانة وحشة والعربية بتطلع بيك برجة وهزة, لكن دا في التاكسي عادي طبعا.
المفضلات