الموضوع: سؤال بمناسبة الزحمه اللي عايشين فيها

المشاركة الأصلية كتبت بواسطة Elsebily

انا عارف اني كلامك صح بس كان نفسي الاقي حد يقولي مش هتاثر قوي
بس هو عامة المفروض العمر المينيمم لطقم الدبرياج في حالة الاستخدام الكويس والاستخدام السئ يكون قد ايه تقريبا ؟؟؟

يعني أنت كان نفسك حد يضحك عليك يا باشا, ويقولك أنها مش هتأثر عشان تعملها وأنت مطمن ومش مشكلة تحرق الأسطوانة بتاعتة الدبرياج والديسك ؟؟؟

المفروض إن العمر الأفتراضي بتاعها علي حسب الأستخدام, مالوش مقياس محدد,,
يعني minimum لو هتفضل تغير غيارات طول اليوم أول تاني, أول تاني, أول تاني,
وكل مشيك جوا البلد مع السخونية والسرعة البطيئة دا هيأثر عليها بشكل كبير وهتتأكل أكتر من واحد بيمشي بيها مشي بطئ وسريع وبيريحها من النقلات الكتير,,
........ومتقلقش نفسك من الكلام دا,, مش معني كدا أنك لو مشيت في زحمة جوا البلد وبتقف وتمشي كل شوية أنها هتبوظ أسرع,,
دي أسطوانو دبرياج ودا شغلها,, كل الناس اللي حواليك اللي ماشية بمانيوال معندهاش مشاكل....*
....*المشاكل بتبدأ مع اللي كل مشية كدا ليوم طويل 10 أو 12 ساعة بيمشي بيها كدا وكل يوم زي التاكسي........

ال minimum لأسطوانة الدبرياج علي حسب مواقع الريفيوهات التقنيه بتاعتها واللي أنا شوفته في عربيات السوق, 30 ل 40 ألف كيلو متر,,بس دا بيبقي في حالة سببين,
الأول بيبقي عيب صناعة في العربيات اللي أنا شوفتها,, وبتتغير في الرينج دا لأن بتاخد الأول برجة وهزة والسحب بيكون ضايع,
والسبب التاني مع الأستخدام الخاطي زي اللي كنت بتفكر فيه كدا,,,
أو أن كل مشيك ما بين الغيار الأول والتاني زي التاكسي, أو بتسخدمها غلط في النقل بمعني أنك بتدوس بنزين بسرعة وبنسبة أكبر من العادية وأنتا بتشيل رجلك من علي بدال الدبرياج,
أو بتدوس دبرياج عشان تنقل الغيار وأنت لسه مريح رجلك علي دواسة البنزين أو مشلتهاش خالص, دا بياكل الأسطوانة في الحركة كدا وبيخلي العربية تنط بيك وهيا بتنقل الغيار,,

ال maximum ليا ممكن تعد لحد 160 ألف,
ودا المتوسط بتاعها,, من 30 أو 40 ألف - لحد - 160 ألف.. دا الرينج المعقول,

في حالات كتير ممكن تعد لحد 200 و 300 ألف وتكمل,
بس صعب أنها تبوظ قبل 30 ألف إلا لو فيه عيب صناعة في نظام الدبرياج.