الموضوع: طلب من اصحاب اللادا (سمارا الجديده - كالينا - 2110 الخ الخ )

الكلام اللى هكتبه دلوقتى بخصوص ال2110 وال2111 نقلته من موضوعات مختلفة من المنتدى ومن ملاكها نفسهم وانا هنقله هنا بتصرف بسيط لعموم الافادة :

اللادا 2111 هيه النسخة الاستيشن من اللادا 2110 السيدان.. مصنع الوكيل فى 6 اكتوبر مش حلوان وملحوظة : ال 2111 كلها روسى 97-2008 لكن ال2110 منها مصرى 2005-2010 ومنها روسى 95-2007

الروسى 1500سىسى اتنين كامة علوية والمصرى 1600 سىسى واحد كامة علوية...المميزات : حسب كلام ملاكها فالعربية ناعمة وصاجها قوى ومصفحة من تحت وشكلها عصرى غير الموديلات القديمة المعروفة بتاعة اللادا وفيها تكييف وهاف باور(تقيل شوية عن الباور المعروف) وزجاج كهرباء وسنتر وكماليات تانية...العيوب : مش منتشرة زى الكورى مثلا وقطع غيارها موجودة فى اماكن معينة مش مرطرطة يعنى وبالتالى بيعها تقيل....مواصفاتها الفنية :


نبدا اولا بالتقفيل المصري
وهي

الأبعاد
الطول الكلي 4.265 متر
العرض الكلي 1.875 متر
الارتفاع الكلي 1.420 متر
البعد بين العجلات الأمامية 1.400 متر
البعد بين العجلات الخلفية 1.370 متر
قاعدة العجلات 2.492 متر
المحرك
النوع و الرمز 4 سلندر بنزين 1 كاملة علوية (sohc )
سعة المحرك 1600سم3
القدرة القصوى 86 حصان عند 5600 لفة / دقيقة
التجهيزات الأساسية
بالتكييف و بدون
2 زجاج كهربائي
سنتر لوك
لفة فى الدقيقة (r.p.m) عدد لفات المحرك
كمبيوتر لتوضيح أعطال السيارة
أحزمة أمان
فتح الشنطة من الداخل و الخارج
أربعة مسند رأس
مسند للكنبة الخلفية
دريكسيون متحرك
ساعة
مرايات جانبية ذات تحكم داخلي
إضاءة داخلية للقراءة و لدرج التابلوه
قضبان فولاذية حماية للأبواب
شاسيه مصفح
الاكصدامات ملونة بلون السيارة و مدعمة بتقويات داخلية فولاذي
احكام اغلاق الابواب الخلفية لحماية الأطفال
انذار ضوئي عند ترك الأبواب مفتوحة
كونسول أمامي و لوحة عدادات متطورة
مقاوم حراري بالزجاج الخلفي
باكتات جانبية
ألوان عادة و ميتالك
دهانات معالجة ضد الصدأ
كبوت السيارة على مساعدين

الأداء
التسارع من صفر إلى 100 كم / ساعة : 13.5 ثانية تجربة شخصيا
أقصى سرعة 185كم / ساعة
صندوق التروس : يدوي 5 سرعات امامية و سرعة خلفية
الوقود : سعة خزان الوقود 50 لتر
نوع الوقود : بنزين 90 أوكتين خال من الرصاص
نظام تغذية الوقود : حقن الكتروني ( انجكشن
الاطارات
Rمقاس 175/70/13

وده المواصفا التقفيل المصري بالاضافة الي الفوانيس الكريستالو والشبكة الامامية ذات الشكل المختلف عن الروسي غير الشكل العامل للسيارة مختلف قليلا اما عن المواصفات الروسية وهي كما يلي


الأبعاد
الطول الكلي 4.265 متر
العرض الكلي 1.875 متر
الارتفاع الكلي 1.420 متر
البعد بين العجلات الأمامية 1.400 متر
البعد بين العجلات الخلفية 1.370 متر
قاعدة العجلات 2.492 متر
المحرك
النوع و الرمز 4 سلندر بنزين 2 كاملة علوية (dohc )
سعة المحرك 1500 سم3
القدرة القصوى 110 حصان عند 5600 لفة / دقيقة
التجهيزات الأساسية
بالتكييف و بدون
أربعة زجاج كهربائي
سنتر لوك
لفة فى الدقيقة (r.p.m) عدد لفات المحرك
كمبيوتر لتوضيح أعطال السيارة
أحزمة أمان
فتح الشنطة من الداخل و الخارج
أربعة مسند رأس
مسند للكنبة الخلفية
دريكسيون متحرك
ساعة
مرايات جانبية ذات تحكم داخلي
إضاءة داخلية للقراءة و لدرج التابلوه
سبويلر خلفي مزود باضاءة ستوب
قضبان فولاذية حماية للأبواب
شاسيه مصفح
الاكصدامات ملونة بلون السيارة و مدعمة بتقويات داخلية فولاذي
احكام اغلاق الابواب الخلفية لحماية الأطفال
انذار ضوئي عند ترك الأبواب مفتوحة
كونسول أمامي و لوحة عدادات متطورة
مقاوم حراري بالزجاج الخلفي
باكتات جانبية
ألوان عادة و ميتالك
دهانات معالجة ضد الصدأ
كبوت السيارة على مساعدين

الأداء
التسارع من صفر إلى 100 كم / ساعة : 12 ثانية
أقصى سرعة 185كم / ساعة
صندوق التروس : يدوي 5 سرعات امامية و سرعة خلفية
الوقود : سعة خزان الوقود 50 لتر
نوع الوقود : بنزين 90 أوكتين خال من الرصاص
نظام تغذية الوقود : حقن الكتروني ( انجكشن
الاطارات
Rمقاس 175/65/14

المواصفات الروسية من موقع شركة الامل الوكيل الوحيد بها في مصر

العربية عليها ثبات كويس استهلاك بنزين حسب سواقتك بس الاستهلاك كويس
العربية صوت ماتورها موس عالي اوي
عالية عن الارض اي صالحة للاراضي المصرية

اضيف لكلام اخى الكريم عن اللادا 2110
انها ممتازة فى السحب والاتزان على الطرق المفتوحة عدم انتشار قطع غيارها اهم عيوبها ودة اللى مفطسها فى السوق وعند التجار من حيث الشكل اجمل بكثير من اللادا 2107 والشاهين والفيات اعطالها قليلة وهى مزود بكمبيوتر لكشف الاعطال فسهل جدا اكتشاف العطل وعلاجة اهم عيوبها قد يكون السخونة ويمكن التغلب علية بالطرق المعروفة تسليك ريداتير او الكشف على كفاءة مروحة التبريد مراجعة دورتها وغيرها من الاسباب وهذة نبذة عن بعض اسعار قطع الغيار بعضها اشتريتة بالفعل وبعضها قمت بالاستفسار عنة من باب العلم بالشي
حساس كامة روسى 135 جنية
حمالة فتيس روسى 240 جنية
جوز مساعدين امامى روسى 450 جنية
كوتشة ميزان 55 جنية شكلها صينى
سير كتينة 55 جنية برضو شكلة صينى
طرمبة بنزين 80 جنية صينى
وهذة بعض اسعار قطع الغيار فى الاستيراد
ركبتين كاملين مساعدين باليايات والسرة والبطاحات 550 جنية
مروحة ريداتير كاملة 120 جنية
حمالة فتيس 100 جنية
ومرة سئلت ع الاسكترا قاللى موجودة وتعمل 500 جنية
ارجو ان اكون قد افدت بعض الشى لوفى اى استفسار انا تحت امركم وكمان انا ملم ببعض الاعطال وليس جميعها لانى العربية بقالها فترة معايا وبس الحاجة اللى معرفش فيها مبقدرش افيد فيها عشان متوهش الناس معايا فمن قال لا ادرى فقد افتى وشكرا

المشاركة الأصلية كتبت بواسطة hazemsherif2000

انا بفكر اشترى العربية دى 2110 لادا و ناس كتيرة قالولى ملهاش قطع غيار
تنصحنى اشتريها و لا ابعد عنها ؟؟؟
طيب ممكن اعرف قطع الغيار ممكن تكون فين ؟؟
انا فى انتظار الرد

.....كل قطع غيارها موجودة أصلية جديدة وفيه تقليد وفيه استيراد كمان حسب فلوسك وتجارها معروفين...عندك حمدى لادا فى دمشق وده افضل واحد وعندك سيد نصار وعندك المؤسسة الروسية والاتنين دول فى التوفيقية وفيه محمد لادا وده فى أول فيصل تقريبا غير التوكيل طبعا شركة الامل...والاستيراد عندك عزبة شلبى والتوفيقية وبالتليفون تسأل عن الحاجة....وانا شخصيا بحب ال2107 أكتر وكنت سألت قريب عن أسعار شوية قطع غيار لل2110 اصلى جديد هقولك عليها يمكن تفيدك :
تيل امامى65 وخلفى100
اسكترا باور كاملة 1350 وطقم الاصلاح بتاعها 140
جوز كبالن كاملة 450
طقم كاتينة على ما أذكر 160 للعربية اللى واحد كامة و240 للعربية الاتنين كامة
4 مساعدين تقريبا 1000 جنيه
طقم الرشاشات سعر الواحد 100 او 150 مش فاكر وطقم حساسات كامل ب1000 تقريبا
وطبعا دى اسعار الروسى الاصلى الجديد يعنى فيه ارخص منها

الاخوة الافاضل
بالنسبة لتوافر قطع الغيار للسيارة 2110 لاتشكل اى مشكلة للمقيمين بالقاهرة اوالقريبين منها فهى منتشرة عند الكثيرين ومنهم من ذكرهم الاخ محمد
الاستاذ حازم لو حضرتك من المقيمين فى القاهرة فلا داعى للقلق اهم حاجة ربنا يوفقك فى عربية كويسة فالسيارة مشجعة جدا من حيث الموديل والشكل والاداء والكماليات والسعر ثم السعر ثم السعر المشجه جدا