حصرياً..أول تقرير مصور علي أرض الواقع لسكودا أوكتافيا الجديدة

**K.Ossama** · 24-09-2013 12:30 AM

الفتيس DQ250 (ال6 سرعات) و الDL501 (بتاع أودى) الاتنين wet
الDQ200 هو الdry. وده إللى غالباً فى الوكتافيا صح؟

**lanos2004** · 24-09-2013 12:33 AM

ماله الفتيس المانوال بيخلى العربيه طيارة

**elferekiko** · 24-09-2013 07:00 AM

المشاركة الأصلية كتبت بواسطة islam_gamal50

السلام عليكم بصراحة عربية فوق الممتازه وكل التقارير العالمية بتشكر فيها جامد وان شاء الله انا نواي اشتريها بس عندى سؤال هو الوكيل منزل منها او هينزل منها فول اوبشن مانيوال؟؟؟ بصراحه موضوع الفتيس dsg عامل لي قلق جامد

هاتلك سوبرب 1400 تي اس آي 122 حصان بس مانيوال عربية تحفة جدا جدا جدا وارخص كمان
وكفاية فتحة الشنطة بتاعتها على مرحلتين بالازاز او بدونه

**elferekiko** · 24-09-2013 07:16 AM

المشاركة الأصلية كتبت بواسطة inspiron

شوف يا باشا..بالنسبة لموضوع الجيل الرابع اللي مزعل ناس كتير..هوضح لحضرتك الموضوع..فتيس DSG ده أو كما يطلق عليه في كل الشركات DCT ( Dual clutch transmission (
أُنتج لأول مرة في فولكس فاجن عام 2006 وكان يحمل كود DQ250 وكان ساعتها optional بجانب فتيس tiptronic اللي هو الـ 6 سرعات العادي اللي كلنا عارفينه في الأوكتافيا.

وتم استخدام الفتيس ده في سيارات Polo, Golf/Rabbit/Golf Plus, Scirocco, Jetta, Eos, Passat Touran

وسيارات Ibiza, León, Altea Toledo

وسيارات Octavia Superb

وساعتها واجهوا شكاوي من بوظان الفتيس ده بعد عدد كيلو متر معين في العربيات دي.فعملوا عليه تعديلات في موديلات 2007 حتي 2009 والتعديل كان عبارة عن تغيير نظام تبريد الفتيس.وبردو ساعتها جالهم شكاوي من الناس إنه فيه نفس العيب للجيل اللي قبله بتاع 2006

فوقفوا انتاجه واستبدلوه بفتيس آخر يحمل نفس الاسم ولكن بكود جديد وهو DQ200 وتم استخدامه في كل سيارات المجموعة وشركة Audi استبدلت اسمه باسم آخر وهو S-Tronic.

حصلت الشكاوي مرة تانية واللي فيها تم استدعاء معظم السيارات علي مستوي العالم ( ما عدا مصر طبعاً ) واستبدلوا الفتيس كله بآخر يحمل كود DL501 مع تعديلات في لوحة الـ Mechatronic بتاعة الفتيس .. جاتلهم الشكاوي تاني من عربيات قليلة علي عدد كيلو متر عالي.

استدعوا العربيات دي وعملوا تعديل علي نظام التبريد في الفتيس من DRY لـ WET

وتم توفير الفتيس ده في كل سيارات الـ vag الجديدة ( مش متأكد من وجوده في الفانتازيا الـ TSI من عدمه ) ومن ساعة ما نزلوه في 2013 حتي هذه اللحظة مفيش منه شكاوي لسه.

وعشان الموال ده تم حزمه علي 4 مراحل فالناس أطلقوا عليه صفة الجيل الرابع.

بس يا سيدي :)

بص بقى يا باشا ردك على كلامي دا هو اللى حاحدد على اساسه اجيب العربية دي ولا لا :

اولا انت بتقول ان الفتيس ف الجيل الاخير نازل بنظام تبريد wet بس انا متأكد انه لحد موديلات 2013 هنا ف مصر نازل بنظام تبريد جاف هل انت متأكد من المعلومة دي ف ال a7 ؟؟؟ لان لو كدا التبريدمش حيخلى الميكاترونيك تبوظ ولا الclutch

ثانيا موضوع الجيل الرابع دا افتكاس مصري ولكن كل المراحل اللى انت قولتها صح بس خللى بالك ان حتى شركات vw وسكودا مافيش على مواقعهم اي ذكر لحكاية الاجيال دي ولذلك دا بالنسبالى يشكك ف مصداقية كلام الوكيل وخصوصا بعد ما اتصدمت ف بعض ردودهم عن اسئلة تخص الفتيس في مواضيع تانية من الاخر ماعندهمش رد فني قوي وموثق ف النقطة دي تحديدا

ثالثا انا لقيت في بعض مواقع عالنت ان حتى شركة سكودا عملت recall لبعض السيارات ال a7 موديلات 2013 بره مصر طبعا ودا معناه ان ممكن جدا الشركة تكون حلت بعض المشاكل القديمة للفتيس بس مش كلها يعني من الاخر برضو انت حتشتري العربية تحت شعار انت وحظك يا تصيب يا تخيب ؟؟!!! مش شايف برضو ان دي مجازفة جامدة ف عربية بالسعر دا ؟؟؟.

واخيرا انا معايا فانتازيا 2013 كسر زيرو وبصفتك معاك فانتازيا برضو تفتكر من وجهة نظرك انت الفرق يستاهل ان الواحد يجازف ويجيبها انشالله حتى خلال فترة الضمان بس ويبيعها بعد كدا ؟؟؟؟؟؟؟؟؟؟

**inspiron** · 24-09-2013 11:58 AM

المشاركة الأصلية كتبت بواسطة elferekiko

بص بقى يا باشا ردك على كلامي دا هو اللى حاحدد على اساسه اجيب العربية دي ولا لا :

اولا انت بتقول ان الفتيس ف الجيل الاخير نازل بنظام تبريد wet بس انا متأكد انه لحد موديلات 2013 هنا ف مصر نازل بنظام تبريد جاف هل انت متأكد من المعلومة دي ف ال a7 ؟؟؟ لان لو كدا التبريدمش حيخلى الميكاترونيك تبوظ ولا الclutch

ثانيا موضوع الجيل الرابع دا افتكاس مصري ولكن كل المراحل اللى انت قولتها صح بس خللى بالك ان حتى شركات vw وسكودا مافيش على مواقعهم اي ذكر لحكاية الاجيال دي ولذلك دا بالنسبالى يشكك ف مصداقية كلام الوكيل وخصوصا بعد ما اتصدمت ف بعض ردودهم عن اسئلة تخص الفتيس في مواضيع تانية من الاخر ماعندهمش رد فني قوي وموثق ف النقطة دي تحديدا

ثالثا انا لقيت في بعض مواقع عالنت ان حتى شركة سكودا عملت recall لبعض السيارات ال a7 موديلات 2013 بره مصر طبعا ودا معناه ان ممكن جدا الشركة تكون حلت بعض المشاكل القديمة للفتيس بس مش كلها يعني من الاخر برضو انت حتشتري العربية تحت شعار انت وحظك يا تصيب يا تخيب ؟؟!!! مش شايف برضو ان دي مجازفة جامدة ف عربية بالسعر دا ؟؟؟.

واخيرا انا معايا فانتازيا 2013 كسر زيرو وبصفتك معاك فانتازيا برضو تفتكر من وجهة نظرك انت الفرق يستاهل ان الواحد يجازف ويجيبها انشالله حتى خلال فترة الضمان بس ويبيعها بعد كدا ؟؟؟؟؟؟؟؟؟؟

أولا يا باشا عشان نكون متفقين..مفيش أي إستدعاء حصل للـ a7 ولا حصل منها أي شكوي من الفتيس حتي الآن..ولو في عند حضرتك مصدر يا ريت ترفعه هنا عشان الكل يستفيد.
عن نفسي قلبت الدنيا عشان أعرف في recall حصل لها ولا لا مفيش.

بالنسبة لموضوع الـ wet والـ dry أنا بدور حالياً عشان أتأكد 100% وإن شاء الله النهاردة هحاول أحسم الموضوع ده.لأن في مواقع كاتبة dry ومواقع كاتبة wet ومواقع كاتبة dry مع تعديل الميكاترونيك.إعطيني فرصتي وأريحك بالليل إن شاء الله :)

**zangry** · 24-09-2013 03:58 PM

المشاركة الأصلية كتبت بواسطة islam_gamal50

ممكن يا باشا تقولي سعرها لو تسمح وكمان هى بنزين 92 ولا 95 ؟؟؟

اي tsi لازم 95 اساسي .. بتمشي بـ92 ميضرش بس طبعا الاداء بيقل شوية

**khaledtag** · 28-09-2013 01:38 AM

فعلا كاملة الاوصاف والمانيا لما تدلع وفولكس فاجن مهتمه بيها زى الباسات واكتر من الجيتا بكتيييييييير

**osaka** · 28-09-2013 04:42 PM

حبيت اضيف معلومة ضغيرة بمناسبة الكلام عن الفتيس ال dsg .. هو فى منه نوعين wet and dry مش قصة ان ال WET وحش فقلبوه DRY لا خالص
الفتيس الست سرعات بيبقى wet
الفتيس السبع سرعات بيبقى dry
المشاكل اللى حصلت فى ال dsg كان معظم اللى بيشتكوا فى ال dry مش ال wet
حاليا ما اعرفش صراحه اذا كان المشاكل فعلا اتحلت ولا لأ بس اللى اعرفه ان كل سنة المشاكل بتقل و بيحسنوا من الفتيس فإن شاء الله تكون اتحلت خالص السنة دى