يا باشا أن هكتفي برد بسيط..إن شاء الله هعمل موضوع تاني مصور عن الهاي لاين وللحديث بقية.عشان مدخلش معاك في مهاترات ملهاش لازمة ومش فاضي ليها..وسيبت لحضرتك المصادر وقوة المعلومات
تحياتي
عرض للطباعة
لا اعصاب مشحونة ولا حاجة حضرتك :)
بكل بساطة فيه صح و غلط
واللي بيقرا هيعرف يميز كويس الفرق
ده التوكيل نفسه مجبـش سيرة الجيل الرابع ده
ولا فيه أي حاجة على النت عنه
مش عارف حقيقة إيه مصدر المعلومة دي ؟؟!!!!!!!!!!
وكل ال option اللي التوكيل كاتبه هو اللي أستاذ unisman قال عليه
http://www.nilemotors.net/Nile/3875183052-post27.html
تحياتي ليك
يا جماعه يا ريت نبقي اكتر موضوعيه و منهاجمش بعض ..
اولا انا بشكركو علي متابعة موضوعي و بشكركو جدا علي التفاعل الجميل ده بس يا ريت بلاش سلبيه
هنكسب ايه لما نطلع لبعض القطط الفطسانه في الكلام ؟
والله و لا حاجه
انا بعشق العربيه دي لدرجه اني كل ما املكه مستعد ادفعه علشان اقتنيها و علشان كده حبيت افيد و استفيد
علشان كده انا نزلت فليتها حته حته و كل اللي انا قايله مش هيزيد عليه الا حاجات تافهه جدا
و انا شايف ان في ظل انخفاض سعر الدولار و غيره العربيه دي اخرها لما تتمعظم 240000
و لا تستحق اكتر من كده ب اي حال من الأحوال
اما بالنسبه للفتيس فهو رابع اصدار فعلا من الشركة الأم بعد 3 اصدارات سابقة في الأعوام 2009-2012 و لم يذكر من الشركة الأم انه جيل رابع و لكن الناس اللي زينا علي المنتديات الأجنبي هي اللي سمته كده علشان تميزه فهنقول جيل رابع و خلاص
مفيهاش مشكله و لا حاجه :)
انا كنت اتمني ان يكون فيها اللي الأخ inSPIRION كاتبه بس للأسف اللي انا لقيته بس
و علشان كده انا مدي لنفسي فرصه 6 شهور لحد ما نشوف الباشا بتاع التوكيل هيودينا فين
و شكرا
آخر تحديث :-
- اتصلت بصاحب معرض برادايس اللي العربية واقفة عنده وسألته هل العربية الـ a7 الهاي لاين فيها park assist فأفاد بنعم فيها بارك أسيست
هل العربية فيها سخانات وتبريد للكراسي..فأفاد بنعم فيها سخانات وتبريد للكراسي.
ونوه بإن الوظائف دي هي والـ park assist والـ light sensor والـ rain sensor وكل الحساسات اللي في العربية بما فيهم الـ esp بيتم التحكم فيها من شاشة الكاسيت ومش بيظهر من car menu اللي موجود في الكاسيت.
ESP stands for Electronic Stability (control) Program. The name says it all - ESP stabilizes the car. Mercedes calls it ESP - other manufacturers either use their own name or it goes by ESC. Electronic Stability Control like Skoda.
على موقع شركة سكودا الام ذكرت انها مجهزة ب ESC والاتنين واحد (ESP و ESC)
كل شركة وليها تسميتها لكن المهمة للنظام ESP دة واحدة يعنى :
Ferrari: Controllo Stabilita (CST)
Ford: AdvanceTrac and Interactive Vehicle Dynamics (IVD)
Alfa Romeo: Vehicle Dynamic Control (VDC)
Porsche: Porsche Stability Management (PSM)
BMW: Dynamic Stability Control (DSC)
http://en.wikipedia.org/wiki/Electro...bility_control
تحياتي
طب ازاي و حسام الصاوى اللي ماسك التوكيل في المقطم قايلي بلسانه علي موضوع البارك اسسيست ده بالحرف الواحد : لا لا لا مفيش الكلام ده ! !!
هل مثلا مخبيين الأوبشن علشان و هي في الجمارك تعدي كده من غير حساب مثلا :wink14:؟
زي الreceiver اللي بينزل بكارت انترنت ده :chirol_nawa1:
انا هتجنن يا جدعان و الله :cat34:
بالنسبه لسخانات الكرااسي هي فعلا موجوده و انا نسيت اكتبها بعتذر عن ده
بالمناسبه العربيه بالنسبه للعفشه هي Torsion beam بس حاجه اسمها Advanced torsion axle تقدرو تقولو انه فيه حاجات من المالتي لينك و مع ال ESC هيبقي تمام التمام
و بالنسبه لل DSG هو عايز قياده معينه للحفاظ عليه و ده هيخلي الواحد يفكر سنه مش شهر
الجدل اللي اجنا فيه ده وعدم وضوح التجهيزات بدقة بيعكس وبكل وضوح فشل في ادارة التسويق لارتوك اوتو
وزي ما اوضحت في مداخلة سابقة هم منزلين صفحة كاملة في اخبار السيارت ومفيش ذكر لمعظم الحجات دي
تحياتي
نرجو من صاحب العربيه عمل تقرير عن العربيه علشان الناس تعرف راسها من رجليها
يا جماعة مش ممكن بجد كده
انا صاحب الموضوع ومعايه اول فئة وزى ما قلت الكلام الكتير من على النت ومصدر وخد اللينك ده واللينك ده كل ده مع احترامى ضياع للوقت انا لما حبيت اشترى العربية ونويت ذهبت لاكثر من معرض واقسم بالله جربت العربية كمان فى السواقة لكن مش ممكن الى عاشق اوكتافيا وبيحب يركبها وناوى ان شاء الله
يتعب معلش ويكلف نفسه ويروح اكثر من معرض ويجرب ويسأل لكن الكلام الكتير من غير منشوف العربية ونركبها ونجرب الى فيها مش صح اكيد وانا قلت للاصدقاء فى المنتدى اى سؤال انا تحت امركم وعلى فكرة انا اشترتها ب120000 ىمش 123000 ده طبعا ملهوش مصادر عن الاستاذ a.adel غير الى نزل وسال لو سألت اى حد محترم هيقولى ب123000 وخد المصدر اهوه ولينك معى احترامى ونقعد فى مشاحنات وحوارات
حبيبى الغالى مفيش منها غير ستريبتونيك ومفيش منها مانيول والمانيول شوفتها فى الرابيد وانا بحط بنيزين 92 وده مكتوب على غطاء التانك والسحب فوق الممتاز يكفى حضرتك ترجع عصاية الفتيس بلمسة تتحول لوحش كاسر اقسم بالله بخاصية سبورت درايف والله العربية تحفة وزى الفل وانا تحت امرك فى اى سؤال
المصدر وللينك
صاحب العربية هاهاها
حبيبى 220000 اسف
بص ياغالى العفشة معايا كانت بدبدب فى الاول روحت حطيت نتروجين وظبط الكاوتش بقت زى الفل وفيها اوبش قالى امبارح ان اظبط الاطارات ونورلى الكمبيوتر مكان الاربع كاوتشات روحت فعلا لايتهم مش مظبوطين السحب تحفة فوق الممتاز الثبات طبعا جميل بالنسبة لى جدا استهلاك البنزين الصراحة مش قادر لسه احكمه بس علشان انا فرحان جدا بخاصية السبورت درايف وبلعب بيها كتير فى المطالع والغرز اصلها بتتحول لطيارة ربنا يحفظها
يا جماعة للعلم السعر 220000 ده معمول معايا واجب كبير فى الف جنيه يعنى انا طلعت عين الى اشتريتها منه بس هيه بعد الفصال ب221000 الف لانى عرفت ان سعراها التجارى اقل من كده بكتير والتفاوض حصل بالنقطة ديه مع البائع ده لنا سمعت ان مكسبها التجارى يعدى ال8 الاف جنيه مكسب والله اعلم برده بس ده كان توفيق من عند ربنا علشان انا لفيت كتير الصراحة ورحت اكثر من 6 معارض وفلوسى كاش وعلى الترابيزة
المصدر ولينك المصدر
صاحب العربية هاهاها
بما إنك جبت سيرتي في الكلام :)
ما هو إنت يا باشا لو قريت كنت عرفت مشاكل الفتيس ال DSG
والله أهل صاحبي لسة جايبين passat 2013 مكملتش 8 شهور وجابت فتيس
عشان اللي يقول جيل رابع و بتاع
كل دي محاولات فاشلة لاصلاح فتيس فاشل
عرفت بقى قيمة القراية !!!!!!!!!!!!
وعموما يا رب والله من كل قلبي , ربنا يباركلك فيها ويبعد عنك شر فتيسها
أما بالنسبة لانك جبتها بـ 220
ده دليل إنها مش بتبيع والا كان هيبقى عليها overprice
زي الموديل القديم كده اللي ماكانش حد بيلاقيه من كتر الطلب عليه
ده غير إن الطبيعي إن أي معرض بينزل شوية في السعر
خصوصا إنك شاري كاش
أما بالنسبة لاني باخد بالسمع وبتاع
مش ده اللي قصدك تقوله LOL
هقولك عيب ميعرفوش غير واحد شافها وقعد فيها
العربية دي رغم وسعها ورا , متشلش 3 مرتاح
فيها transmission tunnel ضخم جدا
مش عارف على إيه ,مع إنها سحب امامي أصلا
اللي قاعد في النص ده ركبه هتبقى لازقة في صدره
لا اما هيبقى قاعد حاطت كل رجل في ناحية وده مش مريح خااالص
أنا فعلا شفت الفئة الاولى بس
التانية مكنتش نزلت المعارض لسة
بس أنا لما بقول كلمة ,بيبقى مصدر كلامي توكيل العربية نفسه أو ناس شافتها في صالة العرض بتاعته
لو التوكيل بهايم بقى دي مش مشكلتي
الاخ الفاضل
مبروك وربنا يكفيك شرها ويبارك لك فيها
انا كمان لسه شارى نفس العربيه وهى فعلا جميله بس انا ملاحظ ان العفشه ناشفه شويه فى المطبات ولا انت تقييمك ايه
وفعلا اسألتك تم الرد عليها وهى مش عيوب واعتقد ان مفيش صيانه لل1000 كيلو
ارجوا التواصل وشكرا
الاستاذ a.adel
ربنا يبارك فيك ياقمر
مع احترامى لحضرتك مش علشان انا اشتريتها والله بس انا حاسس من حضرتك بتعمد تفنيد العربية يا جميل انت خلتنى اكره العربية من قبل مت اجيبها مع انها بجد تحفة فى كل حاجة انت يابيه مش سايب حد يقول حاجة حلوة على العربية الا خد اللينك وخد المصدر
العربية فى التحميل تحفة وواسعة بطريقة غير عادية انا مش عارف حضرتك بتجيب الكلام ده منين واحد صاحبك ايه ياباشا انت حضرتك فتحت العربية وشفتها من جوة رجلين ايه الى كل حته فى نحية باشا ديه بجد بينت ان حضرتك بتكلم وخلاص بدون فهم اسف حضرتك ديه اوكتافيا مش 124او فيورا خير بس ياباشا العربية مزعلاك فى ايه باشا انا من شبرا لو حابب اقابل حضرتك وخليك تتفرج على وسع العربية وخليك تسوقها كمان تحت امرك
والفتيس سيبك بقى من فلم الفتيس ده خلاص التوكيل الى حضرتك بتسأله ده هوه الى قال ان الجيل الرابع تم حل المشكلة وفى مهندس اسمه محمد فى توكيل الاقصى ممكن حضرتك تساله والعيب الى ميعرفوش الى حد جربه انا مشترى العربية ياباشا حد مين الى جربه وبرده بقولك انا اتشترت على البايع حضرتك تقول شوفت شوفت ديه علشان وحشه خير بس ياباشا
الاستاذ وليد
الف الف مبرك انت كمان ياباشا
انا فعلا ياجميل لاحظت ده تانى يوم بس اكتشفت ان الكاوتش اولا مش مظبوط وروحت نزلت الهواء العادى وبدلته بهليم وظبط على 29 حسيت بتحسن وفرق جامد وفى واحد قالى اى عربية زيرو لازم تبقى كده لغاية لما تروح تربطها فى التوكيل
وفعلا سالت فى التوكيل قالى اول صيانة بعد 5000 كيلو اخبار السبورت درايف مع حضرتك ايه
وهل عرفت الاوبشن الى فى المساحات يعرض 4اشياء على الشاشة الامامية وتقدر تتعامل وتغير من المساحات من الزرار الذى فى الاسفل وترد على التليفون وتتصل كمان
فيه صح وغلط
العربية فعلا مبالغ في سعرها
خد لفة كده على سعرها بره وقارنوا بسعر ال golf
أجيب octavia بتمن golf 7
إزاي يعني ؟؟!!!!!!!!!!!
أما بالنسبة لمواصفاتها فأنا مش جايب حاجة من عندي
ده كلام التوكيل بتاعكم
وعموما إنت رديت على نفسك لما قلت إن أنا دايما بأتكلم بـالدليل الحمد لله
مش بقعد افتي زي ناس تانية
أما كونك تكرهها ولا تحبها دي مشكلتك إنت مش مشكلتي
هههههههههه أنا اللي بأتكلم من دون فهم
واضح قوي بصراحة LOL
طب خد الصورة دي كده
عشان واضح إنك مش فاهم يعني إيه transmission tunnel
ومن تقريركم ,مش من عندي ولو حابب أنزل اصورهالك
http://imageshack.com/scaled/large/837/zw4a.jpg
واخد بالك من ال transmission tunnel اللي تحت فتحت التكييف الخلفية ده ارتفاعه اد إيه
إنت تعرف تقعد في النص
رجلك هتبقى مرفوعة جدا ,لا اما لازم تقعد فاتح رجليك ودي متعبة جدا طبعا
الكلام ده أنا شايفه بعيني مش واحد وصفهولي
أنا عمري ماشفت في حياتي عربية سحب امامي
ال tunnel فيها بالارتفاع ده
كلف نفسك وانزل نزلة كده توكيل VW
وشوف طابور ال DSG في التوكيل :)
وإنت تشوف موديلات اد إيه 2013 و 2012 موجودة هناك
وساعتها هتعرف مين اللي بيتكلم من غير ما يبقى فاهم ;)
فكرك التوكيل هيقولك ده فتيس بايظ متشتريهاش LOL
ما لازم يقولك أي حاجة عشان يبيع
اسأل أي حد معاه VW , نفس الكلام ده بيسمعه من أول ما ال DSG نزل
ومفيش جديد
أنا أصلي بحقد عليها :)
إنت متعرفش LOL
لتاني مرة
فيه صح وفيه غلط
لو فيه كلام أنا بقوله غلط اتفضل صلحه
جو بقى تفنيد العربية ومش عارف إيه
مش هضيع وقتي تاني في الرد على الكلام ده
هي bugatti يعني هانزلك عشان أشوفها
ماهي مرمية في المعارض مش لاقية حد يشتريها
مش عرف ايه lol ديه احتسبها شئ محترم زى كلام حضرتك المحترم والردود الجميلة ديه
بس اكيد فيه حاجة بينك وبين العربية
ديه تعباك اوى ياعم واجع قلبك وقلبنا ليه اهدى شوية بس انت بتتكلم بهجوم شديد وكل كلمة بترد عليها ده اكيد مش طبيعى صح ها صح
بس انت عارف احلى كلمة قلتها فى كلامك ده كله ايه مع احترامى لكل كلامك الى باللينك والمصدر انك باركتلى على العربية
ارجو تهدى شوية يانجم
انت اكيد فاهم ياريس وكل الناس الى اشترتها مش فاهمين ادعى لينا ربنا يبارك لنا فيه
بس سيبك انت ايه رايك فى الصورة الى انت منزلها بتاعة العربية من جوه حلوة ها
مساء الفل ياقمر مستنيك بقى فى شبرا ها
.......................
................................................
................................................
................................................
انذار ووقف اسبوع لمخالفة القاعدة 12
يرجى مراجعة قواعد المنتدى
5:24pm 23/9/2013
م.ع.4
.......................
................................................
................................................
................................................
انذار ووقف اسبوع لمخالفة القاعدة 12
يرجى مراجعة قواعد المنتدى
5:24pm 23/9/2013
م.ع.4
ميصحش كده ياخواننا الاختلاف في الراي ميعملش كده !!
اختلافنا في نقاط بغض النظر عن ماهيتها ليس عذا لتجاوز طرق الحديث وفي الأول وفي الأخر فعلا كل واحد جايب عربيه بتبقي هي دي احلامه وامانيه في تلك الفترة فبلاش نضيع فرحه الناس
تاني حاجه في عيوب كتير ظهرت في dsg فعلا في vw بس خلاص نشوف الكلام الجديد ئل بيقولوه ومننساس ان الكلام دا هيبان قريب من الفنتازيا 2013 ئل نزلت بالفتيس دا
وكل واحد له اختيارته فبلاش نقلل من اهميتها ولا نقلل من شأن انفسنا
تحياتي للجميع
الاستاذ Moratoz & dr.amr
اظن لو حضرتك راجعت مشاركاتى هتلاقى اختلافى مع السيد a.adel فى الردود بكل ادب واحترام وكذلك ردى على بعض هجومه بشدة على كل كلمة ولكن تجاوز حدود النقاش Miscommunication
.................................................. ..........
اكيد ده مش اسلوب نقاش وحصل تجاوز منه
انا كرهت العربية :d
يا اخوانا أقسم بالله ما قصدي أشوه حاجة ولا اضايق حد
هو أنا عندي توكيل عربية منافسة مثلا ؟؟!!!!!
وماكنتش شغال في سكودا على فكرة :)
بس لازم الناس تفرق بين الهجوم
اللي غرضه تشويه العربية بذكر حاجات مش فيها أو تطليع إشاعات عليها
وبين توضيح حقائق ,ممكن حد لما يقراها ما يرضاش يشتريها
أو حتى لو جابها ,يبقى عارف اللي ممكن يحصله
مش كل الناس عندها استعداد مثلا تغامر في فتيس DSG
مش كل الناس عنده استعداد يركب عربية باكتر من 200 ألف والتوكيل ينزلهاله بـعفشة torsion beam
مش كل الناس ترضى إنها تركب عربية معروف إن سعرها مبالغ فيه
يا اخونا شوفوا سعرها مقارنة بـ ال golf 7
مش هقولكم passat ولا jetta عشان مش نازلين بنفس التكنولوجي
اللي جابها ,ربنا يباركله
واللي لسة هيجيبها برده ربنا يباركله
مش عيب يعني إنك تقول عيوب الحاجة
يمكن بس الناس حاسة إني ضدها
لاني بقول عيوب بس
بس ده لأن الناس هنا قايمين بالواجب وزيادة من حيث المميزات
فـمفيش داعي لتكرارها
كل ال reviews بتاعتها بره ممتازة وعربية ليها سمعتها هنا
ده مفيهوش كلام ومش محتاج إني أتكلم عنها
واخيرا اللي شايف إني قلت معلومة غلط يصححها
وانا أول واحد اعتذر عنها
غير كده مفيش حاجة اسمها تشويه أو الكلام ده
مع كامل احترامي لمشاركتك وباقي الأعضاء في هذا الموضوع ولكن فعلا الموضوع ابسط من كده ئل عجباه العربيه اشتراها خلاص ومبسوط بيها لغايه دلوقتي وحاسس انه جاب احسن حاجه
وئل مش عجباه العربيه قال رأيه في العربيه والفتيس والسعر
فخلاص الموضوع بسيط بعد قرائه المميزات والعيوب فكل واحد حر في اختياراته دون تجريح في الطرف الأخر
كلام مظبوط جدا
ودة اللي أنا عملته :)
هو اللي جاب سيرتي في الكلام في مشاركة 52
http://www.nilemotors.net/Nile/3875194386-post52.html
ورديت عليه -على الرغم من تلمحه بكلام مش ظريف -في 59
http://www.nilemotors.net/Nile/3875194565-post59.html
في 61
http://www.nilemotors.net/Nile/3875194953-post61.html
لو دي طريقته العادية في الكلام بقى دي حاجة تانية
بس أنا ماسمحش لحد يكلمني بالطريقة دي
وبعد كده بدأ كلامه يبقى فيه نبرة سخرية واضحة جدا في مشاركة 61
وبـيتهمني بتفنيد العربية واني كرهته فيها
ويقولي العربية مزعلاك في إيه
وبتكلم بدون فهم
ده مش تجاوز !!!!!!!!!!!!
ومع ذلك برده رديت عليه بكل ذوق وكان كل كلامي رد على اتهاماته ليَّ
في 63
http://www.nilemotors.net/Nile/3875195025-post63.html
ورجع تاني للسخرية في 64
http://www.nilemotors.net/Nile/3875195076-post64.html
وساعتها بقى رديت عليه في 65
http://www.nilemotors.net/Nile/3875195117-post65.html
ما هو أنا بني ادم يعني وليا قدرة تحمل
وبعد كده بقى الحوار اتنقل لمستوى تاني خالص
أنا بصراحة ما ينفعش انزله
ودة في المشاركة 66
مين بقى اللي غلطان ومين بدء التجاوز ؟؟!!!!!!!!!
ما هو إنت مش تستفز واحد و بعد كده تقول ده قال لي وعملي
وعموما ده مش موضوعنا ولا يفرق معايا
لأن ده إن دل على حاجة ,يدل على انه مش عارف يرد عليَّ في أي حاجة technical
فـبيحاول يجرني لمستوى حوار أنا مش هنزله
وزي ما قلت قبل كده ,أنا غلط لاني رديت عليه أصلا
ما أنا اختلفت مع أستاذ INSPIRON واكتر من مرة
ومع ذلك عمر الأمر ما وصلت للمستوى ده
وباحترمه جدا ,حتى لو مختلف معاه
أنا بوضح حاجة للي لسة هيشوف الموضوع ومحتار ما بينها وبين حاجة تانية مثلا
أو بيفكر يجيبها
يبقى عارف مميزاتها وعيوبها وبعد كده يقرر
إن شاء الله مصر كلها تجيبها ,أنا لا هكسب ولا هخسر حاجة
يا أستاذي الفاضل..كل ما هنالك إن الناس ممكن تأخذ عليك أسلوبك وإستخدام بعض الألفاظ والعبارات الغير مُرضية..زي هبل..آخر أحلامه..كلام من هذا القبيل..ده الغير التشكيك في معلومات أي حد والتربص له وسعيك في إنك تفضل تجيبله لينكات.حتي لو قالك إنه شاف حاجة بعينه بردو بتكدبه طيب ليه ؟؟
- لو ركزت في سرد الردود.لما قولت مثلاً إن نزل إعلان مفيهوش كذا وكذا وكذا أنا مردتش عليك لسببين..السبب الأولاني إن بتكلم علي حاجة أنا شايفها بعيني ( ممكن تكون العربية خليجي - ممكن تكون وكيل بدفعة تانية فيها الإضافات دي ) السبب التاني إن نفس الجرايد دي لما نزلت الفانتازيا الـ TSI كتبوا إنها 1600 سي سي وبفتيس DSG ( يعني هما نفسهم بيكتبوا معلومات مغلوطة ) زي بردو بعض الصحف اللي كتبت عن مواصفات الـ A7 الهاي لاين ومش كاتبة فتحة السقف ولا الـ Smart Key ولا الزينون.دي كلها إجتهادات من محررين معندهمش خبرة.
- أما تعقيباً علي نقطة التقليل من شأن العربية فكلام حضرتك متناقد.يعني لما تقولي أنا مش بقلل منها وهي ليها وضعها.وفي نفس الرد تقولي إزاي بـ 200 ألف وعفشتها تورشن بيم..هل ده مش تقليل ؟ لما تقولي مفيش حاجة اسمها الجيل الرابع في الفتيس وبكرة تشوف بعد 20 ألف كيلو الفتيس هيجراله إيه ده مش تكسير مقاديف ؟ في حين إن كللللل الدنيا عارفة موضوع الجيل الرابع ده..طيب ما عندك السيراتو بـ 200 ألف وعفشة تورشن بيم والناس اللي ركبوها بيشكروا فيها.طيب انت متخيل التورشن بيم في الأوكتافيا زي السيراتو مثلاً ؟؟ متخيل إن التورشن بيم ده غير قابل للتطوير مثلاً ومعتمد علي مدرسة قديمة متقبلش التعديل للأفضل ؟ وبعدين سيادتك بتقول بص علي الجولف 7..العربيتين واحد في كل شئ.تكنولوجي وموتور وفتيس.ونازلة فاضية بمعني الكلمة.يعني ناقص منها أوبشن في البيزلاين موجود في الـ a7 وعلي كده نازلة بـ 228 ألف أول فئة.
لو حضرتك راجعت كل مشاركاتي عمري ما قللت من شأن عربية لأن عارف إن في ناس تمتلك العربيات دي وكلمة واحدة ممكن تخليه يندم إن دفع فيها دم قلبه..أنا مش هقولك ( وبالصدفة والله مش عشانك ) وأنا راجع من الساحل الشمالي من قيمة شهر كده.عملت إيه في C4 بالفانتازيا.ومكنش في دماغي ولا كنت ناوي غير بعد ما لقيته واخد الطريق عافية مع الناس كلها وكان داخل فيا.وأقسم بالله بعدها خليته يقول حقي برقبتي .. هل أنا جيت قولت الـ C4 عربية تعبانة ؟؟ إطلاقاً.
- رداً علي نقطة كل أحلامه إنه يركب العربية اللي جابها ومش شايف غيرها وميسمعش أي نقض ( زي ما تفضلت وسخرت مني عشان خاطر العربية الـ S )..فحضرتك فاهم غلط..مفيش حد فينا عنده عقدة نقص.من تواضع لله رفعه.والحقيقة فعلاً إن كل واحد صرف دم قلبه في اقتناء عربية معينة أكيد بيشيلها في عينه..وده لا يعيبه في شئ ويخلينا نتريق عليه..
نصيحة مني..دع الخلق للخالق..والغاوي ينقط بطاقيته..اللي هيشتري عربية خطفت قلبه.مش محتاج ينتظر حضرتك تطلع فيها القطط الفاطسة عشان يشوف هيشتريها ولا لا.
أرجو انك تتقبل كلامي بصدر رحب.
تحياتي