أنا مش برد علي نقطة اننا زي نيسان أو غيرها..أنا برد علي كلمة مبروك علينا....:))
عرض للطباعة
هوه ينفع يا جماعه حد يشتري خليجي بدون ضمان ولسه فيه شك في موضوع الفتيس؟
طب تمام اوي .. يعني 2000ج فرق مقابل نظام صوتي
ملوش حل في الدنيا ده كولومباس و سماعات كانتون يا جدعان
يعني تالت grade بعد harman kardon و البارك لوحده يستاهل اكتر من 2000 ج
و بالنسبه للاخ الفاضل اللي بيقول ينفع من غير وكيل
اه ينفع و نص كمان .. حضرتك فاكر ان عربيه زي دي هيظهر مشاكل فيها قبل سنتين؟
معتقدش ابدا .. و عايز اقولك حاجه
الالماني الخليجي و الاوروبي الخليجي مفيش احسن منه
لانه مصمم لتحمل درجات حراره اعلي من عندنا بكتير و ده معناه
ان الفتيس هيستحمل اكتر بأذن الله
انتو عارفين الخوف من ايه في الخليجي ؟
الخوف من ان العربيه تكون مش هتمشي فعلا الا ببنزين 95
سألت انا بقي ميكانيكي دارس و فاهم و قالي هتضرب معاك حساس شكمان بعد سنتين
و ايه يعني حساس شكمان ب حوالي 1500 ج كل سنتين
ااناموافق :D
ولا اني ادي فلوسي لنصاب زي artoc auto
جارى الاتصال بالتوكيل لمعرفة
كل شىء عن a7
يا مسهل الحال
اختلف مع حضرتك فى الكلام ده
أولاً مشاكل الفتيس ظهرت قبل كده ما بين 18 و 25 ألف يعنى غالباً على تانى سنة
ثانياً موضوع الخليجى مصمم بشكل مختلف فده غير صحيح الاختلاف فقط فى التجهيزات على حسب طلب الوكيل فى كل بلد. لكن ميكانيكيا الموتور والفتيس والشاسيه ونظام التعليق واحد تماماً.
والتالى موضوع البنزين أيضاً واحد إللى يمشى هناك يمشى هنا. بغض النظر طبعاً عن نظافة البنزين السيئة عندنا.
اول ما الباسات نزلت الناس جابت الخليجى لنفس الاسباب اللى حضرتك قولتها وبعد كده اضروا يصلحوا او يغيروا الفتيس على حسابهم
فاظن موضوع الضمان مهم على الأقل لغاية سنتين من دلوقتى والواحد يطمئن على الفتيس ممكن لو بعد كده نشتري من غير ضمان.
تقبل مرورى
هقول لحضراتكم
مش ممكن واحد حظه يجي في الفتيس بعد سنتين الضمان ما يخلصو ؟
مش ممكن واحد الفتيس يعيش العمر معاه من غير ما يبوظ؟
ممكن حاجات كتير اوي
بس انا فضلت المغامره
و ربنا يستر ان شاء الله
https://tools.skoda.co.uk/brochure_newoctavia.pdf
بعد بحث متعب وصلت للاتي،
اوكتافيا بتنزل خليجي اكتر من فئه، inspiron اللي شرحها كانت الفئه الاعلى ، المقابل ليها في التوكيل مش هيفرق تمنهم كتير رغم ان تمنها اقل بكتير من تمن البيع المباشر، لاكن انا فكرت فيها لقيت ان التاجر ماعندوش حاجه تجبره انه يكسب فيها قليل نظرا للفرق المهول في التجهيزات، يعني الوكيل بيأكله عيش بشكل غير مباشر،كفايه اقول ان الفئه الكامله دي من اساسيتها انو ينزل فيها جنط 17 مش 16 والمفاجأه انه نفس الشكل الجميل بتاع ال ambition بس 17، السؤال بئه ازاي ارتوك اقنعت سكودا الام من انها تشيل بند تجهيز اساسي من فئه معينه وتنزلها ارتوك على انها اعلى فئه !!!!!
خده عندكم البرشور الرسمي اللي ارتوك عمرها ما هتوريه لعميل في مصر، https://tools.skoda.co.uk/brochure_newoctavia.pdf
عمركه تتخيله ان عربيه زي دي ماينزلهاش برشور لحد دلوقتي من وكيلها وحتى موقع ارتوك الالكتروني مايجيبش حاجه عن سيرتها، هوا احنا بنشتري حشيش لا سمح الله والا عربيه محترمه،
الفئه اللي قبل الelegance خليجي هيه اللي عليها العين، الفئه دي حسب اوتو عادل جوده بالمهندسين ومعرض برستيج قالو الاتنين انها هتكون فئه في حدود 240 الف وهتكون تجهيزتها برضو فارقه كتييير عن اول فئه وكيل ،
اللي نزل البرشور اللي وضحتلكم اللينك بتاعه فوق هيلاحظ انه في تلات فئات هيه s و se و elegance ،
اللي نازله مصر ال s المفروض ، القاعدة اللي فهمتها انه ينفع تاخد اي فئه وتزود عليها تجهيزات، بس ماينفعش ان وكيل او موزع لسكودا ينقص من اي فئه تجهيزه اساسيه واحده، بس ده اللي قدرت تعمله ارتوك بقدرت قادر، خصوصا انه الفئه الاولى وكيل نزلت اقل من ال s في حاجات زي ال7 airbags اساسي اللي بقو اتنين فقط والelegance وكيل نزلت من غير تجهيزات اساسيه كتير!!!!
الفئه الاولى خليجي هتكون زياده عن الاولى وكيل بطاره مالتي وزينون وفرش نص جلد وشاشه ملاحه بس مش كولمباس وتعتيم اتوماتيك بالمرايه و السبعه الايرباج وكذا حاجه ، ولو نزلت. الفئه دي هتكون مناسبه في سعرها و مرضيه في امكانيتها للعبد لله ،
النقطه الاهم،
مين خايف من الفتيس ؟
روح شركة تريبل ايه aaa . ودي في عمارات العبور ، اتصل بيهم وقولهم على الضمان، الشركه دي بتضمن الخليجي بس الانواع المحترمه، انا اول ما كلمت المسؤل وقلتله على ال a7 اللي طبعا نضمنها ونديك ضمان تلات سنين او 60000 km بس باستثناء الكاوتش والمساعدين والبطاريه ، وقالي ان الفتيس الجديد هما عارفينو كويس ولو كان القديم ماكنوش ضمنوه اصلا، وتكلفة الضمان نسبه مئويه من تمن العربيه حسبهالي وقالي حوالي من اربعه الى اربعه ونص الف،
بس بشرط انك تعمل صيانتك في واحد من مراكزهم المعتمده ، وهيه كارتك في العبور والاقصى المعادي ووهدان الجيزه،
كلمت كارتك اكدلي فعلا ان المعلومه وقالي كمان معلومه صعقت لما سمعتها،
قالي بالحرف، بتوع تريبل ايه دول مش بيقرفو العميل زي ما بتعمل ارتوك ساعات، !!!!!
يعني المشكله يا عم unisman بتاعت الفتيس محلوله ولا مخاطره ولا حاجه،
همتك بئه مهايا يا inspiron قوللي بس ان العربيه وصلت في المكان الفلاني وانا ه بسسسك عليها ،ههههههههه
الفتيس كان بيبوظ مع الناس قبل ما العربيه تعمل 20 ألف كيلو وفيه ناس بتعمل ال 20 ألف كيلو دول في ست شهور مش سنتين يعني فيه احتمال المشكله تظهر خلال سنتين الضمان فعلا.
بالنسبه للخليج فالاوروبي فاشل هناك بكل المقاييس وبيتباع مستعمل وكسر زيرو برخص التراب مهما كان مستواه والياباني والأمريكي هما اللي محتكرين السوق هناك بشكل كبير سواء في الفئات الاقتصاديه او العاليه واوكتافيا بالذات وعربيات سكودا عموما ملهاش سوق في الخليج خالص يعني مش هتشوفها في الشارع هتلاقي رولزرويس وكاديلاك منتشرين عنها.
أنا من النوع اللي ممكن يركب العربيه دي برغم مخاطره الفتيس على الاقل حلال فتره الضمان وأبيعها بس خليجي أو بدون ضمان عموما تبقى مخاطره غير محسوبه الا لواحد غاوي العربيه دي بالتحديد وعينه مش شايفه اختيارات تانيه يبقى ساعتها يكون مستعد لتحمل قيمه الفتيس في أي لحظه من أول كيلو يمشيه.
+++111
- الليكزس lexus هى الى واكله الجو فى الامارات فى فئات ال luxury ... و بصراحه عن تجربه تحفه فى كل حاجه و اسعارها تنافس الالمانى خصوصا عند اعاده البيع ...
- طبعا الضمان مهم جدا لاى زيرو حتى لو مفيهوش اى مشاكل ... الخليجى يبقى كويس لو فيه فرق مغرى ... غير كده ملهوش اى لازمه ...
- موضوع فتيس ال a7 انا شايف ان الناس مزوداها جدا فى النقض ... و الدليل ان الباسات/جيتا من 2009 ال tsi 1.4 فتيسها dsg الجيل الثالث و عملت مبيعات زى الفل و لسه ماشه فى الشوارع... زياده اسعار السكودا ( من 168 الى 223 ) هى التى سببت عدم الاقبال على a7
لانك بالمبلغ ده تجيب مستريح c180/2008 حاله ممتازه و طبعا لا يوجد اى مقارنه و اعاده بيعها اكتر من ممتاز ...
تحياتى ...
كلام حضرتك مظبوط بس الفره في الوكيل انك ضامن تتمتع بيها سنتين على الاقل بدون مصاريف أعطال ولو فضلت سليمه طول السنتين وبعتها أول ما الضمان يخلص تبقى رميت أي مخاطره من على كتفك.
انما لو جبتها خليجي وحصل حاجه في الفتيس أولا هتغيره على حسابك وثانيا العربيه هتخسر في البيع عشان متغيرلها فتيس على كيلومتر قليل وبقى فيه مخاطره أكبر ان الموضوع يتكرر مع المشتري.
طبعا في الأول وفي الاخر دي فلوسك تصرفها براحتك بس احنا بنتكلم من باب تبادل وجهات النظر وربنا يباركلك فيها ويحفظها من الاعطال سواء كانت وكيل او خليجي ان شاء الله.
بالنسبه للمصنع مفيش حاجه اسمها فئات المصنع بيعمل للتوكيل اي مواصفات هوه عايزها ويعمل منها فئات وحتى الدول المحترمه بتخلي الزبون نفسه كمان يعمل كده يعني خش على موقع عربيات أمريكي من أي ماركه وخصوصا لو عنده مصنع تجميه زي بي ام في أمريكا مثلا هيخليك تختار كل التجهيزات براحتك بادق التفاصيل ومش شرط تكون عربيتك زي عربيه أي حد بل كمان بيديك رقم للتوليفه بتاعتك تقدر تتابع خط سيرها في الانتاج وتعرف وصلت لأي مرحله ومتوقع تستلمها امتى.
حتى حضرتك البروشور ده بتاع سكودا بريطانيا يعني ممكن الفئات دي خاصه بيهم هما وحتى لو جبت البروشور الالماني ممكن يكون مخصص للتوكيل داخل ألمانيا بس ولو تشيكي نفس الكلام ده حتى البروشور المصري المعرب ساعات بيبقى فيه كماليات وألوان مش نازله في مصر أصلا نتيجه بعدم الاهتمام بالدقه في تصميم البروشور ويادوب بيترجمو اللي يجيلهم من بره وخلاص وكيس ان فيه بروشور أصلا فيه عربيات كتير في مصر ملهاش بروشور ولا ورقه فيها المواصفات حتى والتوكيل عايزك تحجزها على العمياني كده من صور النت.
احنا التوكيلات عندنا معظم الوقت بتبدل مواصفات الامان بكماليات تانيه عشان هنا الاهتمام بالامان مش عالي زي أوروبا أو أمريكا فبيعمل التوليفه اللي من وجهة نظره تعمل سوق للعربيه وكله عرض وطلب في الاول وفي الاخر واللي مهتم بالامان قوي هيدور على العربيه اللي فيها مواصفات أمان عاليه واللي عايز كماليات هيدور عليها واللي عايز موتور شديد هيدور عليه.
اسمحلي اختلف معاك في حاجه مهمه لو فهمتني فيها هتلاقي ان اللي انتا قلته واللي انا ذكرته مافيش تعارض بينهم ،
فيه حاجه اسمها standards ودي تجهيزات اساسيه ماينفعش وكيل او دوله تشيلها ، ده البيز اللي عليه بيتبني اي اوبشنز تانيه،
لو شفت موقع التشيك او المانيا او حتى الهند هتلاقي الستاندرد ما ينفعش يقل اطلاقا ، الوكيل يلعب في الاضافات اللي هيزودها ويسمي ويفنط الفئات على مزاجه وده حقه ، لاكن ييجي توكيل يشيل من ال بيز او الاستاندرد حاجه واحده فده مش ممكن. قبوله حتى من الشركه الام ،. بناء على كده هاتلي بقه موقع وكيل سكودا في اي حته في الدنيا مش حاطط سبعه ايرباجز في البيزيك ،
يا رب اكون وصلتلك اللي انا عايز اقوله
انا بصراحه اتكيفت من الكام بوست اللي في الأخر دول اكتر من اي بوست قبل كده
بجد التوبيك ده يستاهل يتثبت ... ايه الجمال ده يا رجاله:018A1D~146:
والله احني لو الخليجي يتضمن بaaa زي ما حضرتك بتقول و نازل فيه فئه ب 240 الف
و فيها الزينون و الطاره المالتي و الأيرباجات الجميله
يا سلام بقي لو الشاشه اللي في العربيه تكون اعرض و احلي و غالبا هتبقي مش بوليرو و لا كولومباس هتبقي واحده تالته كده انا مش فاكره كان في مقارنه ما بينهم في البورشور بتاع سكودا
يبقي 100 100 و لا فراخ الجمعيه يا رجاله
الله ينور وتستاهلو كل احترام و تقدير سواء حضرتك او Inspirion و انا ان شاء الله اي جديد هقوله انا متابع و مواصل
اللينك الي حضرتك حطو دة بتاع اوكتافيا rs
]دي اصلا فئة اعلي يا فندم
والله ياجماعة لو الخليجى مواصفاتها زى مابتقولوا كده
يبقى هى دى الصفقة الرابحة
وبالأخص حكاية المالتى لينك لو طلعت بصحيح ودى تكفى الصراحة انى اجبها خليجى
وموضوع الفتيس هى مغامرة أساسا حتى لو جبتها وكيل
يبقى مغامرة بمغامرة واجبها خليجى وابقى استفدت بالمالتى لينك وشوية حاجات كتييييير زيادة عن اعلى فئة وكيل
الف مبروك
ده أنا طلعت غايظ ناس جامد بقى
لدرجة إن ناس متوجلهاش كلام تقدم تقارير LOL
وناس كتير متكلمتش غير لما اتوقفت
هو الحق بيزعل الناس قوي كده ؟؟!!!!!!!
ولا لازم كله يقول إنها عربية محصلتش
وبدام واحد اشتراها ,يبقى مينفعش يتقال أي حاجة عن عيوبها !!!!!!!!!
دلوقتي بعض الأعضاء من القسم داخلة تقول أسلوب الإتنين ماكانش لائق
كان فين الناس دي وهو عمال يستفزني ويغلط كمان
واكتر من مرة
ولا عشان الكلام كان على هواهم
هو إنت تستفزني وعمال تغلط وعاوزني اسقفلك مثلا !!!!!!!!!!
المشاركات أهي موجودة ,اللي عاوز يراجعها يتفضل
والاخ اللي يقولك لحد ما تخلص وصلت الردح
الكلمة دي متستدعيش الإيقاف ؟
ماعلينا
الكلام ده اصلا مش هضيع وقتي إني أرد عليه
للمرة ال 50 , والكلام للكل
عاوز تكلمني في عربيات
أهلا وسهلا ولو صح احييك
انما مش عارف ترد بقى أو مش عاوز ترد أو أي كان
وتعد تجيب في سيرتي ودة عمل إيه ومش عارف إيه
يبقى وفر كلامك لنفسك
أما بالنسبة لموضوع nissan اللي قال عليه
كويس إنه ذكره لاني كنت لسة هقول عليه
الموضوع موجود
تقدروا تراجعوا برده مين كان سبب المشكلة ومين بدأ
وبرده تقدروا تشوفه الأعضاء عندهم قالوا إيه على كلامي بعدها في موضوع منفصل
واستغربوا من اللي كبار القسم بتوعهم كانوا بيعملوه
و الحمد لله الايام أثبتت مين اللي كان صح ومن اللي كان بيدافع عن ماركة وخلاص
وكفاية قوي عندي حب الناس اللي سألت عليَّ ساعتها
http://www.nilemotors.net/Nile/350031-a.html
http://www.nilemotors.net/Nile/348260-a.html
أما بالنسبة لموضوع audi , أنا مش عارف هو قراه ولا لأ
المشكلة كانت بين عضوين تانيين
وكانت لبس مش أكتر
الراجل مكنش مركز في المشاركات واتلخبط
أنا مالي أنا هههههههههه
هو أي موضوع A.adel يشارك فيه يبقى أنا السبب في أي مشكلة تحصل LOL
ما أنا مشارك في أكتر من 500 موضوع
بس اللي بيفهم هيعرف اشمعنى الايقافين دول حصلوا في قسمين معينين
نتكلم في العربية بقى :)
عرفتوا بقى مين اللي كان صح ومن اللي غلط ؟؟!!!!!!!
يعني
1. المواصفات طلعت زي ما التوكيل كاتب
وأدي الإعلان أهو
http://i1161.photobucket.com/albums/...ps79200181.jpg
http://i1161.photobucket.com/albums/...psd6cfb2b2.jpg
وأستاذ inspiron طلع ماشفهاش في التوكيل أصلا LOL
بجد والله ما عارف أقول إيه ؟
http://www.nilemotors.net/Nile/3875198182-post2.html
2.العربية طلع مبالغ في سعرها زي ما قولت
بدليل إن فيه خليجي وبمواصفات أعلى بكتير وبنفس التمن تقريبا
تخيلوا بقى artoc auto كسبان فيها اد إيه ؟
3.transmission tunnel
الإخوة اللي بيقولك هو هيعرف أكتر من صحابها وبتاع
الحقيقة مش عارف
هو الحكم على الوسع محتاج إني اشتريها ؟!!
أي حد ممكن ينزل يركبها في أي معرض ويحكم ودة اللي أنا عملته
هو أنا كلمتكم عن أي حاجة محتاجة إني امتلكها عشان اعرفها ؟!!!!!!!!!
وعموما بصوا كده على صالون الكورولا
http://nileup.com/up/uploads/nilemotors_13801539261.jpg
وصالون الأكتافيا
http://imageshack.com/scaled/large/837/zw4a.jpg
اظن فرق حجم ال tunnel واضح قوي
4. بالنسبة للفتيس
ده اللي مكتوب في الكتالوج بتاع UK
6 spd DSG transmission - two coaxial wet multiple-disc clutch, electro-hydraulically operated.
7 spd DSG transmission - two coaxial dry multiple-disc clutch, electro-hydraulically operated.
يعني الفتيس dry clutch زي ما هو
ما بقاش wet ولا حاجة زي ما عضو تفضل وقال
اللي يوم ما اتسأل كذا مرة عليه
راح ناقل كام كلمة من على wikipedia ونقلهم غلط كمان
http://www.nilemotors.net/Nile/3875196331-post102.html
وبعدها قال هأشوف و اتأكد LOL
http://www.nilemotors.net/Nile/3875196472-post106.html
ورجع تاني لحجة أصل مفيش استدعاءات
هيستدعوها إزاي بس يا ناس ؟؟!!!!!!!!!
هي لحقت تنزل ,دي مكملتش سنة
ودي عينة لبتوع ال sales اللي ناشرين موضوع الجيل الرابع
http://www.nilemotors.net/Nile/3875198426-post8.html
بيقولك 'العفشة قالي تورشن بيم شالوا المالتي لينك اللى كان فيه عيوب :( وكانت كل عجلة منفصلة عن التانية وثبات مش حلو !'
بجد لا تعليق
الناس لازم تعرف إن احتمال وارد جدا إن يحصل فيه مشاكل
خصوصا إن كل التعديلات اللي قبل كده فشلت
مفيش أي ضمان إن ما يطلق عليه جيل رابع ده يبقى خالي من العيوب
المبلغ المدفوع مش قليل
على الاقل اسألوا في التوكيل لو فيه extended warranty
dodge ممكن تمد الضمان ل 6 سنين أو 200000
يمكن يكون ده موجود في skoda
ندور على حلول يعني أو ضمانات بدل ما نعد نقول ده بيهاجم ودة بيعمل
يعني حل ضمان AAA ده ممتاز ولو ينفع يتمد ل 5 بدل 3 وتزود شوية ,يبقى فل قوي
وربنا يسترها مع الكل إن شاء الله
ماشاء الله ربنا يبارك لحضرتك فيها ويحفظها
رأيي اللي ناوي يشتري اليومين دول يجيب 508 بدل الكلام الكتير في فتيس الاوكتافيا واللي هيشتري السنه الجايه هتكون الصوره وضحت قدامه ان كان الاوكتافيا فيها مشاكل في الفتيس ولا لاء وبناء عليها ياخد قراره.
:mahf(5)::mahf(5)::mahf(5)::mahf(5)::mahf(5)::mahf (5)::mahf(5)::mahf(5):
سؤال لخبراء القسم
ضمان السيارة a7حتى الان لم استلمه من المعرض هل ده طبيعى وانا مستلم العربية من اكثر من اسبوعين هل ده طبيعى مع سكودا وصاحب المعرض قال لى احنا بنبعت شوية شوية بصورة الرخصةوضمانك لسه مجاش
يؤسفني اني ابلغكم بعد طول تفكير انسحابي
من موضوع ال a7 ده تماما
انا هتوكل علي الله و اشوف واحده 2010 كده هاي لاين
نمشي بيها الحال لحد ما نشوف العربيه دي رايحه فين بالظبط
و ربنا يسهل
انا كل اما اسال حد شغال فى المانى يقولى ابعد عنها علشان الفتيس او انتظر سنة
الى كل الاخوة والاعضاء اسمحولى اقول رأى المتواضع بخصوص الفتيس dsg بما انى من ملاك فولكس وكنت متابع الموضوع دا
هو الفتيس من مميزاته انه بيوفر فى استهلاك البنزين وبيزود فى تسارع العربيه ودى من اهم مميزاته
من نحيه عيب الفتيس انه بيبوظ فا الفتيس دا محتاج معامله خاصه فى الاستخدام وانا معرفهاش لانى ما جربتهاش قبل كدا
من تجربه صديق لى كان تحت ايده جيتا خليجي 2010 2011 مش متذكر الفتيس فيها باظ على 50000 كيلو فا دخلها التوكيل وغيرها على حساب الشركه الام
انا الحمد لله العربيه الى معايا الفتيس القديم ودى كانت اخر رساله دخلت مصر ومن اواخر الدفع الى خرجت من المصنع بالفتيس القديم
انا كنت متابع الاوكتافيا بحكم انها نفس الجيتا فا لما عرفت انهم هينزلو الشكل الجديد بالفتيس dsg and 1400 cc turbo توقعت ان العربيه دى هتفشل فى تحقيق مبيعات عاليه زى فشل الموديلات الجديده من فولكس من باسات وجولف وجيتا وبولو فى تحقيق المبيعات المطلوبه من السيارات دى بسبب الفتيس ومعامله التوكيل والارف الى بيحصل فيه فا ناس كتير ابتعدت عن فولكس بسبب المشاكل الى بتحصل فيها من الفتيس وان توكيل فولكس ينزل بولو سيدان بالفتيس القديم والموتور 1600 القديم دا بيدل على فشل تحقيق المبيعات الى كانو متوقعينها
اما بالنسبه ليا انا كشخص لما اروح اشترى عربيه فوق 200000 جنيه وتطلع تروشن بيم مش مالتى لينك دى تخلينى عن نفسى وعن شخصى انا انى اتراجع عن شرائها مع حوار الفتيس دا لان الى معاه الاوكتافيا ال 2010 والجيتا 2009 هيفهم كلامى لان عوامل الامان فيهم عاليه جدا عن الجديده فى الايرباجز والمالتى لينك دا بيفرق فى جرى العربيه فى الملفات فا مش حاجه سهله انى اتنازل عنه لانى مش بركب كورى انا لو بركب كورى هبئه فاهم انا راكب ايه انما دى عربيه اوربى وتابعه لشركه المانيه عريقه فا فيها عوامل الامان استاندرد فا فى الاخر الاقى الشركه منزلاها كدا دا يبئه حرام لان كدا انا المفروض راكب عربيه اروبى وتبئه بالنسبالى كدا مش بترضى طموحى او متطلباتى الشخصيه وهى اهم شيئ عامل الامان
اما بالنسبه للخليجى فا انا شايف انه انجح لان وسائل الامان فيه عاليه وطبعا عشان الايرباجز والمالتى لينك وعشان الاوبشن بعد كدا ومع العلم انا كنت شارى عربيتى خليجى مش وكيل جبتها هاى لاين كماليات اعلى من الوكيل وارخص من الوكيل بحوالى فرق 30000 جنيه والكلام دا من 4 سنين بظبط فا فكره ان حد يشتريها خليجى ويشترى ضمان دى فكره حلوة طالما ان العربيه فيها عوامل الامان الثابته فى اى عربيه المانى يبئه اوك انما غير كدا لا لان حرام ادفع فلوس كتير فى بلدنا فى عربيه وماتطلعش بالاداء الى كلنا بنتوقعه لان العربيه انهارده مش رخيصه والقرش عزيز وغالى فا عشان كدا اتمنى من كل فرد بيفكر انه يشترى اى عربيه يعرف عيوبها قبل مميزاتها عشان يعرف ان كان هيعرف يتعامل معاها ولا لا لان دا قرار مش سهل وبالذات فى بلد زى بلدنا مصر المحروسه الى مفيش فيها شارع واحد سليم
واسف على الاطاله ودا راى وتفكيرى الشخصى ويحتمل الصواب ويحتمل الخطأ
تسلم ايدك يا استاذ TeMoON وكلامك مظبوووووط 100%