ما يصحش كده يا جماعة
بلاش كل واحد يعند فى رأيه بالشكل ده فيغلط. ده زى ما بيقولوا "العند يولد الكفر"
صلوا على النبى واستهدوا بالله و كل واحد يراجع نفسه.
الموضوع مش مستاهل
:satelite:
عرض للطباعة
ما يصحش كده يا جماعة
بلاش كل واحد يعند فى رأيه بالشكل ده فيغلط. ده زى ما بيقولوا "العند يولد الكفر"
صلوا على النبى واستهدوا بالله و كل واحد يراجع نفسه.
الموضوع مش مستاهل
:satelite:
و حد قال لك إن ال C4 دي طيارة مثلا
ما تقول يا باشا اللي إنت عاوز تقوله بدام معلومة صح
فكرك احنا معندناش في البيت غيرها مثلا
ده أنا كاتب عربية واحدة وكل ما أدخل أقول كلمة في قسم يقولك الفرنساوي
وال C4 ومش عارف إيه هههههههههه
ومتعرفش إيه علاقة ال C4 بالموضوع أصلا
أُمال لو كتبت كام عربية هيحصل إيه ؟
وانا مش هكلمك عن الموقف اللي حكيته ده كتير عشان منخرجش بره الموضوع
بس إنت تعرف حالة عربيته إيه ؟
تعرف كان بيجري أصلا ولا لأ ؟
موديل كام ؟ وإنت موديل كام ؟
ومع ذلك قطعتها يا سيدي
دي عربية زي أي عربية أنا ركبتها
ليها مميزاتها وعيوبها
ولما جبتها عارف عيوبها ومميزاتها
إيه اللي يزعل في كده
فكرك عشان إنت سبقتها مثلا
أروح ابيعها ؟؟!!!!!
أنا عايزك إنت أو غيرك تخدوا لفة في قسم citroen و تشوف أنا مشرح العربية إزاي
كل عيوبها قايل عليها و في أكتر من موضوع
وفيه موضوع مخصوص عن عيوبها , إيه رايك بقى ؟!!!!!!!!!
مش حكاية يعني أصلها
على فكرة الكلام مش ليك خالص
الكلام موجه للعضو اللي كنت بأتكلم معاه
صدقني
لو عاوز أقولك حاجة ,هقولها في وشك
مش هلف وادور عشان أقولها
واظن أنا لما حبّيت اكلمك في الموضوع ده
قلتهالك صراحة في موضوع تاني
والله إنت مش مهتم دي حاجة ترجعلك وإنت حر
بس غيرك مهتم
والناس بتقدر اللي بيفهم
لو عاوز أبعتلك عالخاص الرسايل اللي بتجيلي تسألني و الناس اللي طالبة رقم تليفوني عشان تكلمني
أنا تحت أمرك
وكلامك على عيني وراسي من فوق :)
تحياتي
ملحوظة بس رفيعة كده
أنا برد في كذا تعليق عشان ساعات ال browser بي crash ويضيعلي اللي أنا كاتبه
ولسة حاصلة معايا من شوية
أصل واحد قبل كده قال لي إني عاوز ازود مشاركاتي ههههههههههههه
فيه ترتيب براندات في VW group
lamborghini
audi
vw
skoda و seat
لتالت أو رابع مرة
ال golf أقل فئة فيها أغلى من أعلى فئة في ال A7
واصلا ال A7 تمنها مزادش بره غير 300 euro
أما بالنسبة لل golf 7 الفاضية
يا ريت تاخد بَصة كده على مواصفاتها
Volkswagen Egypt
7 airbags
Air conditioning system with 2 rear air vents.
8 loudspeakers
Multi-function leather steering wheel with multi-function display
Tire-pressure monitoring system
Electric parking brake with auto-hold function
Four 6.5J x 16 (5-spoke) alloy wheels with anti-theft protection, 205/55 R16.
Green heat-insulating glass in side and rear windows
Electrically adjustable door mirrors with heating function
وال highline تزيد
Bi-Xenon headlamps for low beam and high beam with LED separate daytime running lights
Static cornering lights and headlamp washer system
Climatronic 2-zone air conditioner with 2 rear air vents
Panoramic tilt/slide sunroof
Cruise control incl. speed limiter
يا جماعه بلاش شخصنه للمواضيع ئل عاوز يقول رأيه يقوله وئل عايز ياخد بيه اهلا وسهلا وئل مش عاوز برده اهلا وسهلا بس لما نيجي نحكم علي عربيه جديده لسه ما مشيتش كتير ومشفنهاش كتير يبقي اقدر منا في الحكم ئل اشتراها فعلا وئل راكبها فعلا يعني لم حد يجئ يقول شافها في معرض ولا قها ضيقه قوي من الخلف علشان نفق الفتيس وئل جاب العربيه وبيستعملها بيقول عليها واسعه يبقي اصدق مين
كل دا مش مشكله كل واحد يقول رأيه اما الحكم فبكون للعشاء كل واحد واختياراته
تحياتي
استهدوا بالله يا جماعه مش كده ماكنتش عربيه دى
وبعدين اللى معاه لعربيه اكيد جابها عن اقتناع وعارف عيوبها ومميزاتها وعارف ان هى دى العربيه الى هاتلبى متطلباته
ماحدش بيشترى عربيه غصب عنه
بس برده لازم نعرف ان ثقافه الشراء فى مصر اغلبها سمعيه
فبلاش نقطع فى فروه العربيه ولا نقول مميزات مش موجوده فى مصر وموجوده بره
يعنى نقول اللى نعرفه ومتاكدين منه علشان نفيد ونستفيد
وربنا يهدى النفوس ويسترها علينا جميعا
والاستاذ inspiron انت معروف عنك الهدوء والرزانه وحضرتك قلت كل اللى تعرفه عن العربيه
فملهاش لازمه المشاحنات
الاستاذ مصطفى
اولا انا جديد فى هذا المنتدى واحد الاصدقاء هو من ارشدنى عنه ولكن بعد ما شاهدت بعض المناقشات الساخنه بين الاعضاء لاحظت ان المواضيع بتخرج من حيز الاستفاده وتبادل الخبرات واعتقد هو ده هدف المنتدى فارجوا ان اوضح بعض الامور فمع احترامى لجميع الاعضاء فانا مهندس ميكانيكا ولى خبر 18 سنه فى مجال نظم الصيانه فى قطاع البترول ومغرم من صغرى بالسيارات والحمد لله فاهم كويس فى ميكانيكا السيارات واللى احب اوضحه ان تقييم اى السياره يتم من نواحى كثيره والتى غالبا لا تخضع هذه المعايير هنا فى مصر فكل حاجه عندنا سمك لبن تمر هندى واسف لهذا لان معايير السوق فى مصر مختلفه عن العالم حيث ان هناك سيارات محترمه جدا وليس لها اى سوق فى مصر وبالتالى فنحن نتعامل مع كثير من السيارات بمعدلات البيع والسمعه فى السوق وعلى فكره معظم المعارض والتوكيلات بيكون مسئول البيع مش فاهم حاجه ومحفظينه كلمتين يقولهم وخلاص وعلشان كده لا اعتمد عليهم وبخصوص مشاكل الفتيس والسمعه اللى على الباسات فلا انكر انى سمعت نفس المشاكل وكان عندنا فى الشركه عربيات جيتا وحصلت نفس المشكله مع عربيه منهم بس تحليلى للمشكله قد تنتج من سوء الاستخدام اى ان العامل البشره له دور كبيرلان السيارات مع سواقيين ومش فارق معاه العربيه وده حصل مع الاوبل الفيكترا اول ما نزلت
بالنسبه للسياره انا اخترتها بعد فتره كبيره من البحث وان شاء الله نكون موفقيين فيها وسعرها صحيح مغالى فيه بس انا مكنش ينفع استنى واعتقد ان سعرها ممكن ينزل و انا جربت بعض وظائف الشاشه بس اللى انا محتاجه ذى التليفون وراجعت خواص الاضاءه لكن المساحات لسه انا يمكن بهتم بمضمون السياره ذى السحب والاستقرار مع السرعه جبت بيها 180 ومتحسش بيها ابدا مع خاصيه يثبيت البور بتاع الدركسيون ممتازه ولسه مجربتش الفتيس سبورت دريف
واخيرا اسف للاطاله
العضو A.Adel اتوقف من شوية
رغم اني مكنتش موافق علي الاسلوب العنيف في النقاش وفضلت اني مشاركش في الموضوع علشان الحكاية كانت والعة اصلا لوحدها
لكن الحق يستلزم اني اسال أسال الاسئلة الاتية:
لماذا تم وقف A.Adel؟؟
هل بسبب الاسلوب ؟؟ انا شخصيا مكنش عاجبني الاسلوب لكن كواحد من الاعضاء القدامى في نايل موتورز اقدر اقول ان اسلوبه مكنش متجاوز لدرجة تستوجب الوقف.
هل بسبب هجومه علي اكتافيا؟
اعتقد لا
لان معظم ارائه انا شخصيا متفق معاه فيها وارجو منكم جميعاً الرجوع للمداخلات السابقة
هل بسبب المشادة مع العضو الكريم inspiron؟
اعتقد ان هو ده السبب..
واضح ان inspiron تقدم بشكوى للادارة ولانه عزيز علي ادارة المنتدى زي ما هو عزيز علينا اتعماله الف خاطر
اتمنى ان اكون مخطئ في تحليلي
والي حين معرفة سبب مقنع وعادل لايقاف A.Adel اعلن تعليق مشاركاتي بقسم سكودا
وطبعا طظ والف طظ فيا..... ايه يعني اعلق مشاركاتي القسم حيفضل زي الفل واكتافيا اجدع ناس
فليحيا قسم سكودا اجدع ناس ولتحيا اكتافيا اجدع ناس وليزهب من لا يري هذا الي الجحيم
أنا أفضل السكوت يا باشا لأن مش مصدق اللي حضرتك كاتبه بصراحة :)
وعلي كلِ أنا أقسم بالله ما خدت بالي إنه اتوقف غير من شوية.وقبل ما حضرتك تستعجل يا ريت تلاحظ حاجتين..إن العضو mostafa_dreem صاحب الموضوع اتوقف هو كمان وده يبين لحضرتك إن المشادة حصلت ما بينهم هما مش بيني وبينه عشان أكون سبب في وقفه زي ما حضرتك متخيل.ويا ريت تراجع المشاركات كلها في الموضوع تأكيداً علي كلامي.
الملحوظة التانية هتعرفها حضرتك لما تراجع كل ردودي في الموضوع وهتعرف إني لم أقم بمهاجمته أو التقليل حتي من شأنه أو كسب عداوته..يا راجل يا طيب ده أنا في كل رد أقوله يا سيدي الفاضل وحضرتك وأنصحه وأهديه وأستسمحه يتقبل كلامي بصدر رحِب..ألاقيه بعدها بيهاجمني.ولما لقيته مصمم علي كده في آخر رد له عليا معرفتش أقوله إيه يخليه يهدي شوية فسكت وقولتله أفضل إن الإدارة تفصل في الموضوع ده لأني مش عارف أقولك إيه ومش عارف إنت ليه كده ؟
فأعتقد إن مينفعش ( بدون تقويم كلام حضرتك طبعاً إنت كلك ذوق ) إنك تقول الإدارة عملت لي ألف خاطر وحساب عشان عزيز عليهم !! ده كلام !!
مين قال لحضرتك إن ليا مكانة خاصة عند الإدارة أنا أو غيري.وليه المكانة دي وعشان إيه ؟ أنا هنا مش متميز عن حد.وأعوذ بالله من قولة أنا مش بعمل غير مساعدة الناس بمعلومة أو بتناول معاهم موضوع مفيد زيي زي غيري سواء من أعضاء القسم أو من فريق القسم.وأكيد لو غلطت في حق حد هاخد جزائي زيي زي أي حد..ولا حضرتك شايف إيه ؟ ومتشكر ليك علي أي حال.
تحياتي
يا جماعه الموضوع انتهي ومش محتاج الناس تعيده تاني
انا كنت مستغرب لما العضو adel اتوقف لوحده بس قولت استني شويه قبل ماتكلم
لكن لقيت حتي صاحب الموضوع اتوقف هو كمان اعتقد بسبب انهم ردوا علي بعض باسلوب بصراحه لايليق
الموضوع انتهي ومش مستاهل تصعيد واقحام لناس تانيه
تحياتي :satelite:
العضو الفاضل والصديق العزيز أحمد inspiron
الحق احق ان يتبع
ما زلت لا ارى اي سبب مقنع أو عادل لايقاف العضو A.Adel ((((( رغم تحفظي علي الاسلوب والعنف في الردود))))
وكما ذكرت ارجو من الله ان يكون تحليلي خاطئ
ولحسم الموضوع:
سؤال بسيط ويكفيك الرد فقط بكلمة " لا "
هل قمت بشكوى العضو A.Adel للادارة؟
ولن نبحث عن اثبات فاخلاقك وذوقك يكفيك وانت عندي مصدق
تحياتي
استاذ mo7a-mo7a اولا تحياتي لشخصكم الكريم وعلي موضوعيتك في مشاركاتك معنا في القسم
ثانيا إيقاف عضو من عدمه تسأل عنه الادارة ولو حضرتك ضد هذا الوقف هل حضرتك كنت تؤيد ان تكون هذه لغه الحوار من العضوين الذين تم وقفهم وكل منهم يعتدي علي الاخر والأمر يزداد سوء
ثالثا ياريت حضرتك متحرمناش من مشاركاتك الفعاله في القسم معنا وخاصة ان ردودك تتسم بالواقعيه والموضوعيه والأمر متروك للأعضاء للأخذ برأي هذا او ذاك فمثلا لما تم تحديد سعر السيارة من الوكيل حضرتك حسبت هي تعمل كام برة مصر وأضفت الجمارك عليها ومتوسط مكسب الوكيل ولكنك لم تعترض علي اي شخص قام بشرائها فعلا وأقعدت تزهقه منها وتحسسه انه أتضحك عليه حضرتك قولت رأيك بموضوعيه بناء علي حساباتك ومن قام بشرائها اشتراها أيضاً عن اقتناع دون اعتراض من حضرتك ولم تقم بتجاوز طرق الحوار المتبادل ولكن حضرتك لاحظت التجاوزات في الردود فعلا سواء من صاحب الموضوع او من قام بالاعتراض علي العربيه
ارجو تقبل تحياتي ورجائي بوجودك معنا بالقسم للاستفادة من خبراتكم وردودكم الموضوعيه
العضو الفاضل Moratoz كلماتك تخجلني حقيقة
وااكد لسيادتك ان الموضوع ليس انحيازاً لكنها مسالة مبدا
ويعلم الله كم كنت اري الاسلوب غير مناسب ولكن عقوبة وقف اي عضو تعد عقوبة شديدة ومهينة ويجب ان تكون بمبرر مقنع وعادل ((وطبقا لقواعد وقوانين المنتدى)) واعتقد ان هذا لا يمكن ان يعترض عليه احد
ويعلم الله كم كنت غير متفق معه في الاسلوب ودرجة الهجوم علي تعليقات الاعضاء الكرام
لكني لا استطيع ان ارى خطأ واسكت عنه
ولعل اهم اسباب بقاء هذا المنتدى متالقا دائما هو الحفاظ علي القواعد والعدالة
ومرة اخرى انا لم اطلب رفع الايقاف ولم اتدخل في عمل الادارة انما تصرفت طبقا لما املاه علي ضميري
لسيادتك والمنتدى وباقي الاعضاء مني كل احترام وتقدير
تحياتي
ارجو من الجميع قبول اعتذاري ان كانت مداخلاتي الاخيرة اثارت حفيظة البعض
كما ارجو قبول اعتذاري ان كانت مداخلاتي اخرجتنا عن الموضوع
خالص التحية
يا باشا انت اللي بتحرجنا بذوقك في النقاش.مش كلام حضرتك ده في نوع من الخصومة ؟ لكن أسوة بجملة حضرتك ان الحق أحق أن يتبع فالحق يقال انت كلك ذوق.ده مبدئيا.
بالنسبة لسؤال حضرتك عن هل عملت تقرير للمشاركة فأنا فعلا عملت تقرير علي المشاركة اللي كتب فيها انا مش هضيع وقت في الرد علي هبل..كلمة هبل دي ايه رايك فيها؟ وعلي فكرة كل اللي كتبته ارجو اتخاذ اللازم حسب رؤية سيادتكم لاستخدامه وصف هبل للحديث.لو حضرتك شايفني غلطان قوللي انت غلطان..لو حضرتك شايفني استحق العقاب فأرجوك متتردش لحظة حضرتك او الغير في عمل تقرير ضدي.
تحياتي وتقديري لك.وشكرا
انا بتابع الموضوع ومأجل الرد فيه لحد ماتخلص وصلة الردح اللى شغالة بقالها يومين :fun_10_9_134[1]:
العضو احمد عادل مع كامل احترامي ليه دى مش اول مشكلة تحصل ويتوقف بسببها وتقريبا معظم المواضيع اللى بيشارك فيها بتولع في الاخر بسبب ردوده العنيفة اللى بضايق كثير من الناس
زي قبل كده كان في موضوع عن النيسان صني فـ هو دخل جاب شوية مشاكل للعربية طبعا اصحاب الصني معجبهمش الكلام انت ازاى تقول كده يابتاع السيتروين عربيتك من ورا مش حلوة :grinder: وقلبت خناقة في الاخر
وبرضه موضوع الـ audi a3 برضه اتكلم عن الدودج دارت والموضوع ولع ومتفهموش ليه ! .. هو طبعا مبيكونش غلطان 100% بس بسبب ردوده العنيفة وبعض الكلمات الغير لائقة بتستفز البعض بتقلب خناقة والطرفين يخدوا وقف
بالنسبة للادارة .. فـ هي مبتجاملش حد والاستاذ كريم منير نفسه اتوقف قبل كده !
ياريت محدش يزعل من كلامي ده ومن فضلكم يا جماعة بلاش نهاجم بعض ونتخانق على شوية صاج ! اللى عايز يقول رأيه ويعرض مشكلة طبعا من حقه لكن من غير ماتكلم بعنف مع حد واعملها خناقة واكره الناس في عربياتها لمجرد انها مش عجباني
تحياتي
انا كنت متابع ومكنتش عايز أرد الحقيقة
بس انا لازم أقول حاجة
الأستاذ أحمد عادل مغلطش وكان بيتكلم عادى وبيرد على بعض النقاط باحترام وده من حق اى حد انه يقول رأيه واللى شايفه من وجه نظره (عدا جزئية هبل ) ومن حق الادارة ان هى تعاقبه
بس معلش يعنى ميبقاش عقابه زى عقاب الاستاذ صاحب الموضوع اللى هانة اهانة واضحة وكان عمال يشتم فيه
لو من حق الادارة ان هى تعاقب واحد عمال يشتم ويهزق ويقول كلام ميصحش انه يتقال لعضو ( وقف اسبوع )
يبقى مفروض عقاب احمد عادل ميكونش بالتساوى زيه ( وقف اسبوع برده )
وده مش تدخل منى أبداا بقدر مهو توضيح العدالة
وكامل الاحترام للإدارة وللأعضاء المحترمين
يا جماعه سبنا الموضوع الرئيسي اللي المفروض الكل يستفيد منه و دخلنا في مناقشه في موضوع تاني
اللي حصل حصل خلاص
خلينا نكمل موضوعنا اللي كلنا داخلين و بنضيع وقتنا علشانه
الفتيس اولا :d
هو ليه مبقاش فيه مساحة هنا فى المنتدى للراى والراى الاخر
وعالفكرة اسلوب النقاش كان محتدم فعلا بس مخرجش فى الحالتين عن الاطار المسموح
اخوكم عضو جديد المنتدى واشكر كل واحد فيكم على كل معلومة قريتها واستفدت منها .
بشكر inspiration وكمان unisman وحتى a.Adel .
الاستاذ الكريم inspiration . كلامك خلاني اروح لفرعي الوكيل ارتوك في القطامية و المقطم
مواصفات التوكيل مش زي ماحضرتك معتقد ، المواصفات للفئة الاولى والتانية فعلا زي ما الاستاذ unisman زكرها بالحرف.
مافيش بارك اسيست في الفئة الاعلى
ومافيش سقف بانوراما ، دا هوا سقف عادي جدا،
مافيش شاشة كولمباس ونافيجاشن وهيه شاشة بوليرو واحدة تماما في الفئتين
الفرش الجلد في الفئة الاعلى مش جلد تماما ولكن في القلب جلد مقلوب شبيه بالشمواه وعلى فكره مافيش فئة تالتة هتنزل دلوقتي ، والفئة التالتة دي هتكون زيادة عن الاولى بالزينون وحاجة كمان مدير المبيعات رفض يحددهالي تحديدا وهتبقى في حدود 240 حسب كلامه،
والباقي زي ماحضرتك قريت في مشاركة unisman وانا مش بقول الكلام ده لا سمح الله عشان انتقدك ، لا والله ده انا بنقلك المعلومة زي ماشفتها بعيني من غير ما اتصل بحد او اكتفي بنقل معلومة
وكمان للمصداقية الاخ مدير المبيعات فرع المقطم اسمه الاستاذ حسام ورقم تليفونه 01001505458 بأرجوك تتصل بيه وافضل انك تروحله صالة عرض ارتوك اللي في المقطم بنفسك يكون احسن، وهوا راجل ذوق وفاهم جدا، وماتخدش كلامي ثقة الا لما تروحله،
الاخ UNISMAN الكريم، كلام استاذ inpiration كله مظبوط ...ازاي!!!!!
العربيه اللي سمع بيها الاستاذ inspiration هيه الخليجي مش الوكيل ، وهيه فعلا جلد بالكامل وكمان زينون وبارك اسيست او بارك امامي وخلفي حسب المستورد ، وكمان بعض المستوردين هينزلوها بالافيجيشن كولامبس زي عادل اوتو .بس لسه بعد شهر حسب كلامهم. وده تليفون معرض عادل اوتو المهندسين 33476861
انا بعت عربيتي الفانتازيا وقلت خلاص هجيب الوكيل الجديدة بس في اخر لحظة تراجعت لما سمعت المواصفات الهايلة بتاعت الخليجي. عشان كده انا برجو الاستاذ inpiration انه يدلني على معرض اوتو شيد المعادي لانو صدقني انا رحت مخصوص النهاردة وكنت ناوي اخلص فيها لو لاقيتها بس للاسف معرفتش اوصل للمعرض ولا عندي تليفون حضرتك عشان اكلمك.
ياريت تليفونهم والعنوان ربنا يخليك.
أنا بصراحة مش فاهم الناس مش قادرة تتقبل الرأي الاخر ليه
هو حرام حد يبين عيوب عربية ؟!!
أنا واحد كنت بفكر فيها وبعد كلام أستاذ A.adel
هفكر كتير قبل ما أقرر اجيبها
هجوم واستفزاز للراجل مع إن كل كلامه كان عن العربية فقط
لحد ما فقد اعصابه و قال كلمة كانت سبب في ايقافه
حتى كلامه طلع صح أهو في الاخر والعضو hanibal تفضل وأكد كلامه
واخيرا حابب أقول حاجة ,يمكن كتير مايفهمهاش
مبروك علينا قسم nissan الجديد
والحدق يفهم
مجهودك رائع
و لفت انتباهنا لحاجات حلوه جدا
و ساعدتني اني بعد ما اكمل تمن العربيه اتكل علي الله عدل في الخليجي
انا تعبت كتير في العربيه دي و لفيت كتير و الحمد لله بفضله ثم بفضل معلوماتك المختلفه عن معلوماتي
و اكتشافنا للخليزجي
الخليجي هو الحل
و كده كده اللي هيشتري الوكيل مش هيفرق معاه سنتيت لان العربيه لو في نيه لمشاكل الفتيس مش هتظهر ابدا نهائي قبل السنتين
يبقي هي هي و نستفيد بفرق الأوبشن يا معلم
علي بركه الله
ادعولي اكمل حتي ال 200000 بقي قبل اول السنه :satelite:
يا جماعة يا ريت نبعد عن اي اختلاف شخصي او حدة في الراي مع احترامي الكامل لجميع الاعضاء و للمنتدي الي استفدت منو كتير اوي
ممكن حد بقي يقلي اية الاوبشنز الاعلي في الخليجي و تقريبا سعرها كام :)
بارك أسيست
سينسور أمامي
lane assist
زيادة في عدد الـ airbags ( لم يتحدد بعد قدر الزيادة )
نظام صوتي كلومبس مع صب ووفر
عفشة مالتي
فرش جلد بالكامل مش جلد وشمواه
اختيار نمط القيادة ( comfort/sport )
فتحة سقف بانوراما ( في بعض الدفعات حسب اختيار المستورد )
جنط 17
navigation
السعر لم يُستقر عليه بعد
المصدر :- معرض سيارات بريستيج العجوزة.وأمامها شهر عشان تتوفر عندهم وفي معارض متوفرة عندهم بالفعل وباعوا منها.
تحياتي لك
شكرا لرد حضرتك جدا بس بالاويشنز دي سعرها هيعدي 300 الف مستريح
انا بفكر في اليجانس وكيل اية رايك يا باشا