الموضوع: اشتريت العربية a7 بس عايز اسأل سؤال لخبراء القسم

بخصوص السينسور أنا مش فاهم إيه الyellow zone يعني إيه لو تتكرم تشرحلي لأني رجعت النهاردة لغاية لما لمست العربية اللي خلفى ومش سمعت صفارة ولا شوفت حاجة علي الشاشة تحظرني هل فيه اوبشن ولا ايه أنا مش عارفه
وبخصوص لمبة الاير باك ده اول لما تدور يظهر ايرور في التابلوه اللمبة التانية ديه بتغلق بالمفتاح من الدرج وروهاني في المعرض وشكرا لاهتمام حضرتك يافندم بالرد

المشاركة الأصلية كتبت بواسطة waelamin123

انا شوفتها في المعرض كان معروض كذا عربية منها كاوتش ميشلان ومنها كاوتش دانلوب

المهم الف مبروك اعربية وعقبالنا ان شاء الله ممكن نعرف العفشة اخبارها ايه في المطبات

علشان ديه عفشة اول مرة تنزل في الاوكتافيا وحطيت فيها بنزين 92 ولا 95 وسواقة الفتييس سهلة

بص ياباشا العربية جميلة وخصوصا خاصية سبورت درايف حاجة جامدة جداً والبنزين مكتوب عليه ٩٢ في غطاء التانك والعفشة جميلة بالنسبة لي بجد أنا اكتشفت أن آراء ناس كتير في المنتدي من غير متجرب السيارة بجد حاجة وجع قلب كنت هجنن لغاية لما صليت استخارة وبجد العربية تحفة

ياباشا ده أنا النهاردة لقيت واحد بيقول دول بيلمو العربية بجد حاجة متعبة

الخلاصه يا جماعه علشان انا لما جبت اخري نزلت من المحلة الكبري للمقطم مخصوص علشان اوشوف و اتفرج علي العربيه بنفسي ... و اتمني اني اكون افدتكم

الفروق من الأخر ما بين ال Ambition و ال Elegance علشان عيون الزملاء الكرام

(1) المفتاح Start Engine مش مفتاح زي ال Ambition
(2) المكيف Climatronic ثنائى المناخ و في ال Ambition هو عادي
(3) الكاسيت هو هواه مفيش اي زياده و انا شوفت بنفسي بفضل الله الزياده فقط في التحكم في المكيف من الشاشه و في كلتا الحالتين BOLERO
(4) الطاره مالتي اما في ال Ambition مفيش اي مفاتيح
(5) فوانيس ليد اماميه و خلفيه و في ال Ambition خلفيه فقط
(6) زينون Bi Xenon عالي و واطي و في ال Ambition فوانيس عادية بس تحس ان فوانيس الزينون مديه للعربيه شكل تاني خالص جامد جدي :)
(7)نواكل علي الزجاج من الخارج اما في ال Ambition مفيش نواكل
(8) الفرش جلد من الخارج و شمواه من الداخل اما في ال Ambition هو قماش و علي فكره الفرش الجدل تحفه تحفه و شيك جدا.
(9) كرسي السائق كهرباء (السائق فقط) و لكن في ال Ambition مفيش الكلام ده
(10) فتحة سقف (مش بانوراما) و انا بكرر ( مش بانوراما) هي عريضه فقط و طبعا مفيش في ال Ambition فتحة سقف
(11)الجنط 16 برضه و لكن شكله وحش جدا جنب بتاع الAmbition لأنهم جابو الجنط بتاع ال فانتازيا و حطوه لل ELEGANCE .. حاجه تزعل
(12) الأيرباج هما هماهم 2 فقط لا غير مفيش اي اختلاف زيهم زي بعض ال Ambition و ال Elegance

ان شاء الله مفاتنيش اي حاجه و انا شايف ان اللي فارق معايا الزينون و الطاره المالتي اما الباقي ملوش اي لزمه.

في اعتقادي انهم في الدفعات اللي جايه هيزودو حاجات في ال Ambition و ال Elegance و انهم هينزلو فئه اعلي اللي هي ال High line و ده انا استنبطه من كلامي مع حسام الصاوي لأنه قالي اصبر شويه.

اتمني اني اكون افدتكم

أخوكم عمرو يونس من المحلة

بص ياقمر حاصية السبورت درايف دى حاجة جميلة جدا لما تكون ماشى عادى على ال d وتحب تزود سرعتك بمعدل كبير لتفادى اى حاجة او عند مطلع الكوبرى وفى عربيات جاية وراك بسرعة ترجع عصاية الفتيس لمسة للخلف تطير العربية بقدرة قادر
اما الكاسيت والاوامر الصوتية جميلة جدا ومعلومة فى اوبشن فى العربية عامل زى الطارة المالتى بالمثل من خلال دراع المساحات تقدر تتحكم فى حجات كتيرة